Catalína Ncogo: Áverkar tilheyra vændi

Íslenskur sölumaður fasteigna var sýknaður af ákæru um kaup á vændi þrátt fyrir að vændiskona sem starfaði í sama vændishúsi hafi í dómssal borið vitni um að maðurinn hafi veitt samstarfskonu hennar áverka og að hún hafi séð manninn greiða fyrir vændi. Stúlkan sem maðurinn keypti aðgang að var farin úr landi þegar málið rataði fyrir dómsstóla og því enginn sem gat vitnað um það „beint" að hann hafi keypt vændi, eins og það er orðað í dómnum.

Umferðartafir við Mjóddina vegna áreksturs

Gríðarlegar umferðartafir eru á Reykjanesbrautinni á milli Kópavogs og Reykjavíkur vegna minniháttar umferðarslyss sem varð í nágrenni við Mjóddina nú í morgun. Nokkur bílaröð hefur myndast þar sem ökumenn eru á leið frá Kópavoginum og inn í borgina. Samkvæmt upplýsingum frá lögreglu hefur sjúkrabíll verið kallaður á staðinn en slys á fólki eru ekki alvarleg.

Bensín komið yfir 200 krónur

Bensín fór aftur yfir 200 í gær, þegar öll olíufélögin hækkuðu verð á bensínlítranum um tvær krónur. Verð í sjálfsafgreiðslu á stórum stöðvum losar nú 200 krónur, en er umþaðbil tveimur krónum ódýrara á ómönnuðu stöðvunum.

Jólaaðstoð 2010

Úthlutun verður með þeim hætti að við skráningu fær viðkomandi upplýsingar um hvenær hægt er að koma til að sækja vörurnar að Skútuvogi 3, dagana 20. til 22. desember.

Hunsa tilmæli um úrbætur

Dong Fang Salon – nudd- og snyrtistofa hefur fengið áminningu frá Heilbrigðis­eftirliti Reykjavíkur eftir að hafa ekki orðið við ítrekuðum kröfum um úrbætur vegna brota á reglugerð um hollustuhætti á sund- og baðstöðum í rekstri sundlaugarinnar á Hótel Loftleiðum.

Milljarðakaup á verðlausu skuldabréfi ein ástæða húsleita

Gjaldeyrissjóður á vegum Glitnis keypti verðlaust skuldabréf af Saga Capital á rúman milljarð eftir bankahrun. Þetta er meðal þess sem liggur til grundvallar húsleitum og yfirheyrslum Sérstaks saksóknara í allan gærdag.

Ráðherrar fá athafnateygju

Allir ráðherrar landsins, ásamt bæjarstjórum, rektorum háskóla og stjórnendum fjölmargra fyrirtækja, hafa nú fengið Athafna­teygju Innovit að gjöf í tilefni athafnavikunnar sem stendur nú yfir.

Hægt að semja en pólitíkin ræður

Lárus Blöndal hæstaréttar­lögmaður var tilnefndur af stjórnarandstöðunni í Icesave-samninganefndina. Hann hefur haldið formönnum stjórnarandstöðuflokkanna upplýstum um framvindu viðræðnanna en segir ekkert stórvægilegt hafa gerst í málinu síðustu daga, hvorki gagnvart erlendu viðsemjendunum né á innanlandsvettvangi.

Ætla að brenna skíðaskála KR

Bera á eld að gömlum skíðaskála KR í Skálafelli. Ætlunin er að nota tækifærið til æfinga fyrir Slökkvilið höfuðborgarsvæðisins. Byggingarfulltrúi frestaði afgreiðslu málsins í gær þar sem ekki lá fyrir umsögn Minjasafns Reykjavíkur.

Segir lífeyrissjóðina fegra kostnaðartölur

Lífeyrissjóðirnir fegra kostnaðartölur sínar með því að reikna umsýslu­kostnað vegna fjárfestinga erlendis ekki inn í rekstrarkostnað, segir Ragnar Þór Ingólfsson, stjórnarmaður í VR. Hann segist áætla að rekstrar­kostnaður allra íslensku lífeyrissjóðanna í fyrra hafi verið á níunda milljarð króna.

Ólafur sofandi í öndunarvél

Ólafur Þórðarson tónlistarmaður liggur enn alvarlega slasaður á sjúkrahúsi eftir að sonur hans veitti honum alvarlega áverka á sunnudag. Að sögn læknis á Landspítalanum í gærkvöldi er líðan Ólafs óbreytt frá því á sunnudag. Honum er enn haldið sofandi í öndunarvél.

Eitt alstærsta verkefnið

„Þetta er ein sú allra stærsta sem við höfum farið í,“ segir Ólafur Þór Hauksson, sérstakur saksóknari, um aðgerðina í gær.

Nítján ára grunaður um nærri 70 innbrot

Nítján ára piltur er grunaður um að hafa framið að minnsta kosti á sjöunda tug innbrota í sumarhús auk annarra brota á þessu ári.

Helstu fjárfestar geirans verða viðstaddir

Íslenska sprotafyrirtækið ReMake Electric er komið í úrslit í alþjóðlegri keppni sprotafyrirtækja um grænar hátækni­lausnir, Cleantech Open Global Ideas Competition. Keppnin er sú stærsta sinnar tegundar í heiminum og er Hilmir Ingi Jónsson, framkvæmdastjóri ReMake, nú staddur í Kísildalnum í Kaliforníuríki í Bandaríkjunum að kynna hugmyndir fyrirtækisins. Úrslitin eru hluti af alþjóðlegu athafnavikunni.

Ekki gott ástand fyrir Icesave

„Ég held að ein af ástæðunum fyrir því að það hefur lítið til þessa máls spurst síðustu vikurnar sé pólitíska ástandið á Íslandi,“ segir Sigmundur Davíð Gunnlaugsson, formaður Framsóknarflokksins.

Gamla fólkið verði ekki sent í burtu

„Ég er mjög bjartsýnn á að fundin verði lausn og fullviss um að Sundabúð verði ekki lokað.“

Hafa sjálfstraust til að meta hvað tókst vel og hvað miður

Verkfræðingafélag Íslands vinnur að endurskoðun siðareglna sinna svo að þær endurspegli betur kröfur breyttra tíma til starfsins. „Eftir því sem verkefni verkfræðinga hafa orðið fjölbreyttari og þjóðfélagið flóknara hefur þörfin aukist fyrir einfaldar, almennar reglur sem gætu þjónað sem almennur siðlegur hornsteinn fyrir öll störf sem verkfræðingar takast á við í krafti menntunar sinnar,“ segir Jóhanna Harpa Árnadóttir, formaður Verkfræðingafélagsins. „Það hefur mikið breyst í vinnuumhverfi verkfræðinga, bæði með tölvuvæðingu og rafrænni upplýsingamiðlun. Eins má nefna uppgang og hrun bankakerfisins.“

Tíu dagar milli tunnutæminga

Fulltrúar meirihluta umhverfis- og samgönguráðs Reykjavíkur leggja til að frá og með áramótum verði sorp sótt á tíu daga fresti í stað þess að vera sótt á sjö daga fresti. Það sé í samræmi við sorphirðu hjá öðrum sveitarfélögum á höfuðborgarsvæðinu.

Borgarstjórnin öll rauðnefjuð

Jón Gnarr, borgar­stjóri Reykjavíkur, og aðrir í borgarstjórn keyptu í gær fyrstu rauðu nefin sem Barnahjálp Sameinuðu þjóðanna selur til styrktar bágstöddum börnum um allan heim.

Hjálparþurfi fólki fjölgar

Nær öruggt er talið að mun fleiri muni leita á náðir hjálparstofnana og félagasamtaka fyrir þessi jól en þau síðustu. Þetta kom fram á fundi sem haldinn var í gær til kynningar á átakinu Jólaaðstoð 2010.

Þarf að fjölga heimilislæknum um 20 til 30

Fulltrúar fjögurra stærstu þingflokkanna gáfu til kynna við umræður á Alþingi í gær að þeir styddu það að sérfræðiþjónusta í heilbrigðiskerfinu yrði endurskipulögð og aðgangur að ódýrri þjónustu takmarkaður með einhvers konar tilvísunarkerfi.

Sveik út peninga með stolnum greiðslukortanúmerum

Karlmaður um tvítugt var handtekinn fyrr í mánuðinum, grunaður um að hafa komist yfir á annað þúsund greiðslukortanúmer og notað þau til þess að svíkja út fé. Lögreglan á höfuðborgarsvæðinu fer með rannsókn málsins. Friðrik Smári Björgvinsson yfirlögregluþjónn segist í samtali við Vísi ekki geta sagt til um hversu mikið fé maðurinn sveik út. Þó sé víst að ekki sé um verulegar fjárhæðir að tefla.

Yfirlýsing frá Stoðum hf

Stoðir hf. hafa sent frá sér yfirlýsingu þar sem þeir segjast vilja leiðrétta misskilning sem rekja megi til tilkynningar sérstaks saksóknara um húsleitir sem fram fóru í dag.

Dró sér tæpar 18 milljónir frá Íslenskri getspá

Fyrrverandi umsjónarmaður sölukassa fyrir lottó og íþróttagetraunir var í dag dæmdur í átta mánaða fangelsi fyrir að draga sér tæpar 18 milljónir króna úr kössunum. Maðurinn starfaði í Happahúsinu í Kringlunni þar sem hann hafði umsjón með sölukössum fyrir Íslenska getspá. Féð dró maðurinn sér á um tveggja mánaða tímabili frá 9. ágúst til 4. október 2008.

Sérstakur skattur á fjármálafyrirtæki

Frumvarpi Steingríms J. Sigfússonar fjármálaráðherra um sérstakan skatt á fjármálafyrirtæki var dreift á Alþingi í dag. Ráðherra gerir ráð fyrir að með frumvarpinu sé hægt að afla ríkinu einum milljarði króna í viðbótartekjur.

Játaði þjófnað á sígarettum og skiptimynt

Búið er að upplýsa tvö innbrot í hraðbúðina á Hellissandi sem framin voru í síðasta mánuði. Úr hraðbúðinni voru meðal annars stolið sígarettum, skiptimynd og áfyllingarkortum fyrir síma. Eftir að nýjar upplýsingar bárust í málinu voru tveir menn, búsettir í Ólafsvík, handteknir 4. nóvember. Játaði annar þeirra bæði innbrotin og segist hann hafa verið einn að verki. Málin teljast því upplýst.

"Vötn öll skulu renna sem að fornu hafa runnið"

Ákvörðun um að færa ósa Markarfljóts kann að stangast við vatnalög, frá árinu 1923. "Vötn öll skulu renna sem að fornu hafa runnið," er lykilákvæði vatnalaga en í 7. grein er lagt bann við því að breyta vatnsbotni, straumstefnu eða vatnsmagni, hvort sem það verður að fullu og öllu eða um ákveðinn tíma, nema fyrir liggi sérstakt leyfi iðnaðarráðherra eða lagaheimild frá Alþingi.

Heimsfrægt tónskáld viðstatt tónleika með eigin verkum

Hið heimsfræga breska tónskáld Sir John Tavener er komið hingað til lands til að vera við útgáfutónleika Kammerkórs Suðurlands, sem haldnir verða í Kristskirkju í Landakoti í kvöld. Kammerkór Suðurlands ásamt einsöngvurunum Guðrúnu Jóhönnu Ólafsdóttur, Hrólfi Sæmundssyni, Margréti Stefánsdóttur, breska bassasöngvaranum Adrian Peacock og kammersveit flytur verk eftir Sir John Tavener af nýútkomnum diski sínum, IEPO ONEIPO - Heilagur draumur.

Saga Fjárfestingarbanki: Rannsóknin tengist ekki bankanum

Saga Fjárfestingarbanki hefur sent frá sér yfirlýsingu vegna rannsóknar Sérstaks saksóknara, en húsleit var gerð á skrifstofum bankans á Akureyri og í Reykjavík. Í yfirlýsingunni segir að bankinn hafi frá upphafi liðsinnt saksóknara og hans fólki við rannsóknina og að Ólafur Þór Hauksson sérstakur saksóknari hafi staðfest að rannsóknin beinist ekki að Saga Fjárfestingarbanka.

Þorvaldur Lúðvík yfirheyrður

Þorvaldur Lúðvík Sigurjónsson, forstjóri Saga fjárfestingarbanka, er einn þeirra sem hefur verið yfirheyrður í morgun í Glitnismálinu, samkvæmt heimildum fréttastofu.

Handtökurnar tengjast Stím málinu

Sérstakur saksóknari hefur handtekið menn í tengslum við rannsóknina á Glitnismálinu, samkvæmt heimildum fréttastofu.

Sérstakur saksóknari með umfangsmiklar aðgerðir vegna Glitnis

Umfangsmiklar aðgerðir sérstaks saksóknara vegna Glitnis standa yfir þessa stundina víðsvegar á höfuðborgarsvæðinu og á Akureyri.

Ákvörðun um færslu Markarfljóts veldur uppnámi

Ákvörðun samgönguráðherra í gær að færa ósa Markarfljóts um tvo kílómetra olli uppnámi í stjórnkerfinu í morgun. Umhverfisráðuneytið spurðist fyrir um hvort framkvæmdin þyrfti að fara í umhverfismat og sveitarstjóri Rangárþings eystra boðaði til skyndifundar en hann bendir á að leita þurfi samþykkis fjögurra landeigenda.

Búast við að 4500 fjölskyldur þiggi jólaaðstoð

Talið er að rúmlega 4500 fjölskyldur muni leita sér aðstoðar fyrir jól, hjá fjórum af helstu hjálparsamtökum landsins.

Árni Páll mælir fyrir gengisfrumvarpinu í dag

Árni Páll Árnason, efnahags- og viðskiptaráðherra, mælir fyrir frumvarpi á Alþingi í dag vegna gengisdóma Hæstaréttar frá því í sumar og í haust. Með dómunum voru gengistryggð lán dæmd ólögmæt og þau ætti að gera upp í íslenskum krónum miðað við lægstu óverðtryggðu vexti Seðlabanka Íslands. Frumvarpinu er ætlað að tryggja jafnræði og sanngirni í garð lánþega óháð því hvernig gengið var frá lánasamningum i upphafi.

Lögreglan óskar eftir vitnum að árekstri Yaris og Sonötu

Lögreglan á höfuðborgarsvæðinu óskar eftir vitnum að umferðarslysi sem varð á gatnamótum Kringlumýrarbrautar og Borgartúns í Reykjavík laust fyrir klukkan hálfellefu þriðjudagskvöldið 9. nóvember.

Ákvörðun um ákæru á hendur Gunnari Rúnari tekin fyrir helgi

Ríkissaksóknari þarf að taka ákvörðun um hvort ákæra verði gefin út á hendur Gunnari Rúnari Sigurþórssyni i síðasta lagi á föstudag. Gunnar Rúnar er grunaður um morð á Hannesi Þór Helgasyni í Hafnarfirði þann 15. ágúst síðastliðinn. Valtýr Sigurðsson ríkissaksóknari segir að

Niðurstaða í Icesave kemur Bjarna ekki á óvart

Betri niðurstaða í Icesave málinu sem nú stefnir í kemur ekki á óvart, segir formaður Sjálfstæðisflokksins. Hann hafi fylgst vel með samningaferlinu og orðiðáskynja að mikill árangur hafi náðst.

Jólagjöfin í ár er íslensk lopapeysa

Valinkunnir neyslufrömuðir sem Rannsóknasetur verslunarinnar fékk til liðs við sig hafa valið íslenska lopapeysu sem jólagjöf ársins 2010. Það er nú orðið árvisst að Rannsóknasetrið velji jólagjöf ársins. Á síðasta ári var „jákvæð upplifun," jólagjöf ársins 2009 var íslensk hönnun. Árin þar áður hafði kveðið við annan tón en árið 2007 var jólagjöf ársins GPS staðsetningartæki en árið 2006 var hún ávaxta- og grænmetispressa.

Bókaþjóðin orðin nettengd

Edda útgáfa hefur fyrst íslenskra útgáfna gert samning við Apple um dreifingu á rafrænum bókum. Eigendur iPad og iPhone geta nú nálgast fyrstu bókina á íslensku á rafrænu formi. Nýtist öðrum forlögum til að koma bókum sínum á netið.

Ekki hægt að skipta ævisögum Jónínu og Björgvins

Enginn skilaréttur er á ævisögum þeirra Jónínu Benediktsdóttur og Björgvins G. Sigurðssonar sem einungis eru seldar í verslunum N1. Viðskiptaráðuneytið hefur í samvinnu við Neytendasamtökin sett fram leiðbeinandi verklagsreglur um skilarétt en verslunum er í sjálfvald sett hvort þær fara eftir þeim. Það er því fullkomlega löglegt að meina viðskiptavinum að skipta ógallaðri vöru. „Fólk þarf að kaupa þessar bækur með þá staðreynd í huga að þeim er ekki hægt að skila. Við hvetjum fólk til að vera meðvitað um þetta. Það er í raun það eina sem við getum gert," segir Jóhannes Gunnarsson, formaður Neytendasamtakanna.

Leiðbeina aðstandendum geðsjúkra

Aðstandendur geðsjúkra vita ekkert hvert þeir eiga að leita eftir stuðningi og ráðgjöf, segir Kristín Tómasdóttir ráðgjafi hjá Geðhjálp.

Ella Dís er komin til meðvitundar

Ella Dís opnaði augun seint í gær og er komin til meðvitundar. „Mér fannst hún samt ekki alveg þekkja mig en þetta er skref fram á við og ég vona svo og bið að framhaldið sé aðeins upp á við," segir Ragna Erlendsdóttir, móðir Ellu Dísar, sem lá meðvitundarlaus á Barnaspítala Hringsins. Eins og Vísir sagði frá í gær var ástand Ellu Dísar mjög alvarlegt en svo virðist sem líðan hennar sé betri í dag.

Siðanefnd BÍ vísar kæru forseta ASÍ frá

Siðanefnd Blaðamannafélags Íslands hefur vísað frá kæru Gylfa Arnbjörnssonar, forseta ASÍ, gegn fréttavefnum Eyjunni.

Líðan Ólafs óbreytt

Líðan tónlistarmannsins Ólafs Þórðarsonar var óbreytt, samkvæmt upplýsingum frá vakthafandi lækni á gjörgæsludeild sem Vísir talaði við í laust eftir klukkan níu í morgun.