Uppboð á óskilamunum hjá lögreglunni

Hið árlega uppboð óskilamunadeildar lögreglunnar á höfuðborgarsvæðinu verður haldið laugardaginn 31. maí. Uppboðin eru gott tækifæri fyrir þá sem leita sér að tækjum og tólum og sérstaklega er úrvalið gott af reiðhjólum.

Guðni varaði við hvalveiðum þegar hann var ráðherra

Guðni Ágústsson hefur gagnrýnt afstöðu Samfylkingarinnar í hvalveiðimálinu harðlega. Hann sagði í fréttum RÚV í gær að Ingibjörg Sólrún Gísladóttir utanríkisráðherra hafi gert Ísland að athlægi á alþjóðavettvangi með yfirlýsingu sinni á dögunum. Ingibjörg hefur sagt að allir ráðherrar flokks síns leggist gegn áframhaldandi hvalveiðum í atvinnuskyni þrátt fyrir að sjávarútvegsráðherra hafi heimilað veiðarnar.

Möguleikar ferjutilboðs kynntir ríkisstjórn á föstudag

Samgönguráðherra mun á föstudag kynna fyrir ríkisstjórn þá valmöguleika sem Siglingastofnun leggur til vegna tilboðs Vinnslustöðvarinnar og Vestmannaeyjabæjar um smíði og rekstur nýrrar Vestmannaeyjaferju.

Undir áhrifum fíkniefna á stolnum bíl

Lögreglan á Suðurnesjum handtók í nótt ökumann vegna gruns um að hann væri undir áhrifum ólöglegra lyfja en hann er einnig grunaður um að hafa stolið ökutækinu.

Nígeríusvindlarar nýta sér nafn Barnahjálpar SÞ

Fjármunabrotadeild lögreglunnar á höfuðborgarsvæðinu varar við tölvupósti sem virðist við fyrstu sýn stafa frá Barnahjálp Sameinuðu þjóðanna, UNICEF.

Kaupmáttur launa hefur rýrnað síðustu tólf mánuði

Kaupmáttur launa hefur rýrnað um rúm þrjú prósent síðustu tólf mánuði ef mið er tekið af þróun launavísitölu og verðbólgu.

Mikill meirihluti stórkaupmanna vill taka upp evru

Tæplega sjötíu prósent félagsmanna í Félagi íslenskra stórkaupmanna eru hlynntir því að Íslendingar taki upp evru sem gjaldmiðil í stað krónunnar, samkvæmt skoðanakönnun sem Gallup gerði fyrir félagið.

Kvörtunum um lausagöngu búfjár rignir yfir lögregluna

Kvörtunum um lausagöngu búfjár á þjóðvegum í Rangárþingi rignir yfir lögregluna á Hvolsvelli, en lausaganga er bönnuð með lögum á svæðinu.

Tveir hundar úr Dalsmynni drápust

Það er mjög alvarlegt mál ef hundaræktendur fá leyfi til að selja grunlausu fólki sýkta hunda ár eftir ár. Þetta segir ung kona sem fékk þrjá hunda frá hundaræktendum að Dalsmynni. Tveir þeirra drápust og sá þriðji er fárveikur.

Vilja yfirtaka Hvalfjarðagöngin

Vegfarendur munu ekki lengur greiða fyrir að aka um Hvalfjarðargöngin, verði frumvarp Frjálslynda flokksins til fjáraukalaga samþykkt fyrir þinghlé í vor. Frumvarpið gerir ráð fyrir að ríkisstjórnin muni nú þegar semja við Spöl hf. , sem á og rekur Hvalfjarðargöngin, um yfirtöku eigna og skulda félagsins strax á þessu ári og samhliða verði veggjaldið fellt niður.

Hæna laus á Suðurlandsvegi

Tilkynning um lausa hænu á Suðurlandsvegi var meðal þeirra tilkynninga sem bárust lögreglunni á Hvolsvelli í liðinni viku eftir því sem segir í dagbók hennar.

Steytti á skeri í innsiglingunni að Sandgerðishöfn

Hraðfiskibátur skemmdist töluvert þegar hann steytti á skeri í innsiglingunni að Sandgerðishöfn laust fyrir klukkan fimm í dag.

Reykjavík verði skákhöfuðborg heimsins eftir tvö ár

Til stendur að koma á fót Skákakademíu Reykjavík og verður hún kynnt á blaðamannafundi í Höfða á morgun. Að Skákakademíunni standa Reykjavíkurborg, Landsbankinn, Mjólkursamsalan og Orkuveitan.

Fagna ákvörðun um að hefja hrefnuveiðar

Hagsmunaaðilar í sjávarútvegi fagna þeirri ákvörðun sjávarútvegsráðherra að hefja skuli hrefnuveiðar. Þeir segja þá ákvörðun vera í samræmi við stefnu stjórnvalda um sjálfbæra nýtingu lifandi auðlinda hafsins og ályktun Alþingis um hvalveiðar frá 10. mars 1999.

Segir Háskólann í Reykjavík græða á orðspori HÍ

„Orðstír háskóla verður ekki keyptur, það þarf að vinna fyrir honum,“ segir Runólfur Smári Steinþórsson, formaður viðskiptaskorar Háskóla Íslands í bréfi sem hann sendi nemendum í viðskiptafræði.

Plank í varðhaldi til 3. júní

Héraðsdómur Reykjavíkur framlengdi í dag gæsluvarðhald yfir Premyzlaw Plank, pólskum karlmanni sem grunaður er um ýmsa glæpi í heimalandi sínu.

Ólöf Ósk: „Eins og stanslaus jarðskjálftahrina“

„Það var ekki fyrr en mér var bent á það að ég fann að dómurinn var uppreisn æru fyrir mig", segir Ólöf Ósk Erlendsdóttir sem fyrst steig fram í kjölfar Kompásþáttarins um Byrgið og vitnaði um eigin reynslu af kynferðisbrotum Guðmundar forstöðumanns gegn sér.

Þörf á tilmælum til hagsmunasamtaka á matvörumarkaði

Samkeppniseftirlitið hefur ekki lokið athugun sinni á því hvort samtök fyrirtækja á matvörumarkaði hafi gengið of langt í hagsmunagæslu sinni en segir ljóst að beina þurfi tilmælum til slíkra samtaka til þess að gæta þess að aðildarfyrirtækin raski ekki samkeppni.

Sérsveitarmaður sendir þingmönnum bréf

Runólfur Þórhallsson, lögregluvarðstjóri í sérsveit Ríkislögreglustjóra, hefur sent öllum þingmönnum opið bréf þar sem hann talar fyrir hönd hins almenna lögreglumanns í sérsveitinni. Bréfið skrifar hann í tilefni af orðum Lúðvíks Bergvinssonar, alþingismanns, sem sagði á dögunum tímabært að leggja embætti Ríkislögreglustjóra niður í núverandi mynd. Þá segir hann tilefni bréfsins einnig vera hugmyndir Stefáns Eiríkssonar lögreglustjóra um að færa sérsveitina undir hans stjórn í Reykjavík.

Forlagið styrkir Réttindastofu sína

Töluverðar skipulagsbreytingar eru fyrirhugaðar á útgáfusviði Forlagsins á næstunni. Í fréttatilkynningu kemur fram að markmið breytinganna sé að styrkja starfsemi Réttindastofu Forlagsins

Fimm sækja um embætti ríkisendurskoðandA

Fimm sóttu um embætti ríkisendurskoðanda sem auglýst var nýverið en Sigurður Þórðarson lætur af því embætti í sumar eftir 16 ára starf.

Skýrslutökur fljótlega í Grímseyjarmáli

Skýrslutökur í máli fyrrverandi sveitarstjóra Grímseyjarhrepps hefjast hjá efnahagsbrotadeild Ríkislögreglustjóra í þessari eða næstu viku.

Rennibrautin í Laugardal opnuð innan viku

Sundlaugargestir af yngri kynslóðinni hafa margir hverjir verið ósáttir með rennibrautarleysið í Laugardalnum. Rennibrautin sem orðin er tuttugu ára gömul hefur verið lokuð í rúman mánuð en sá tími er senn á enda. Logi Sigurfinnsson forstöðumaður Laugardalslaugarinnar vonast til þess að brautin opni í næstu viku. Von er á nýrri braut innan þriggja ára.

Borgarsjóður rekinn með 22,.5 milljarða króna afgangi

Borgarsjóður var rekinn með 22,5 milljarða króna afgangi í fyrra samkvæmt ársreikningi sem birtur var í dag og tekinn var til fyrri umræðu á borgarstjórnarfundi sem nú stendur yfir.

Borgarstjóri óskar borgarbúum til hamingju með Bitruvirkjunarákvörðun

Ólafur F. Magnússon borgarstjóri óskar borgarbúum til hamingju með að Bitruvirkjun hefði verið slegin af. Þessi orð féllu á borgarstjórnarfundi fyrir skömmu samkvæmt tilkynningu sem Vísi barst frá Svandísi Svavarsdóttur, borgarfulltrúa vinstri-grænna.

Verð hér 64 prósentum hærra en að meðaltali innan ESB

Verð á matvöru hér á landi er 64 prósentum hærra en að meðaltali í ESB-ríkjunum og allmargir samningar birgja og matvöruverslana fela í sér ákvæði sem kunna að raska samkeppni

Íslendingar henda mat fyrir 3,4 milljarða á ári

Gera má ráð fyrir að að verðmæti þess matar sem Íslendingar henda á ári hverju sé um 3,4 milljarðar króna og að heildarsóun samfélagsins sé um átta milljarðar.

Ölfusingar bitrir vegna Bitru

Ólafur Áki Ragnarsson, bæjarstjóri í Ölfusi, segist vera mjög hugsi yfir því hvernig mál jarðgufuvirkjana séu að þróast eftir að stjórn Orkuveitu Reykjavíkur samþykkti í morgun einróma að hætta undirbúningi Bitruvirkjunar.

Ræddi um áhrif loftlagsbreytinga á heilbrigðisþingi

Áhrif loftlagsbreytinga í heiminum var meðal þess sem Guðlaugur Þór Þórðarson heilbrigðisráðherra ræddi um í ávarpi sínu á 61. alþjóðaheilbrigðisþinginu í morgun, en þingið stendur yfir í Genf þessa dagana.

Hvetja stjórnvöld til að stöðva hvalveiðar

Samtök ferðaþjónustunnar mótmæla harðlega fyrirhuguðum hrefnuveiðum sem sjávarútvegsráðherra hefur nú heimilað og hvetja stjórnvöld til að stöðva þær áður en þær valdi öðrum atvinnugreinum skaða.

Farið fram á áframhaldandi gæsluvarðhald yfir Plank

Farið verður fram áframhaldandi gæsluvarðhald yfir Premyzlaw Plank, pólskum karlmanni sem grunaður er um ýmsa glæpi í heimalandi sínu, í dag.

Færsla Nýbýlavegar sett á skipulag 2004

Þór Jónsson, upplýsingafulltrúi Kópavogsbæjar, segir að öllum hafi mátt það vera ljóst að Nýbýlavegur yrði færður eins og nú er orðin raunin. Í 24 stundum í dag er rætt við íbúa í Lundi 1, nýbyggðri blokk á Lundarsvæðinu en eftir færslu vegarins er hann kominn mjög nálægt blokkinni. Þór segir að færlan hafi verið sett inn á skipulag áður en byggðin tók að rísa á Lundi.

Ríkið þurfi að koma að kaupum á lager verka Laxness

Forlagið hefur auglýst allan lager verka Halldórs Laxness og útgáfurétt Íslenskrar orðabókar og Íslendingasagna til sölu. Útgáfustjóri Forlagsins efast um að kaupandi finnist að verkunum nema með aðkomu ríkisins.

Tímamót í afstöðu opinberra aðila til náttúru- og umhverfisverndar

Áliti Skipulagsstofnunar er fagnað þar sem tekið er undir þau sjónarmið að fyrirhuguð virkjun sé ekki ásættanleg vegna verulegra óafturkræfra áhrifa á landslag, útivist og ferðaþjónustu.

Nýútskrifaður hundaþjálfari liður í hertu eftirliti í fangelsum

Elín Ósk Þórisdóttir, fangavörður og hundaþjálfari, lauk grunnnámskeiði fíkniefnaleitarhunds og -þjálfara fyrir helgina. Um fjögurra vikna bóklegt og verklegt námskeið var að ræða og bættist hundurinn Amiga þar með í hóp fíkniefnaleitarhunda landsins.

Orkusala til netþjónabús og kísilverksmiðju í Þorlákshöfn í salt?

Ákvörðun Orkuveitu Reykjavíkur um að hætta undirbúningi Bitruvirkjunar þýðir að öllum líkindum að viðræður um orkusölu til netþjónabús og kísilhreinsunarverksmiðju í Þorlákshöfn verða settar í salt.

Hvalaskoðunarmenn í sjokki eftir ákvörðun ráðherra

Hvalskoðunarmenn eru í sjokki eftir að sjávarútvegsráðherra ákvað að leyfa veiðar á 40 hrefnum. Ákvörðunin er óskiljanleg, segir Hörður Sigurbjarnason, framkvæmdastjóri Norðursiglingar á Húsavík.

Njörður til hrefnuveiða í hádeginu

Hrefnuveiðibáturinn Njörður heldur til veiða nú í hádeginu. Guðmundur Haraldsson, skipstjóri á Nirði, sagði í samtali við fréttamann Stöðvar 2

Lögreglan finnur fíkniefni

Karl um þrítugt var handtekinn í Reykjavík á föstudagskvöld en í bíl hans fundust um 20 grömm af kókaíni. Í kjölfarið var farið á dvalarstað mannsins í borginni en þar fannst lítilræði af marijúana.

Samþykkt einróma að hætta undirbúningi Bitruvirkjunar

Stjórn Orkuveitu Reykjavíkur samþykkti einróma á fundi sínum sem var að ljúka að hætta undirbúningi Bitruvirkjunar og hætta öllum frekari framkvæmdum á svæðinu.

Hraðakstur á Hjarðarhaga

Brot 16 ökumanna voru mynduð á Hjarðarhaga í gær. Fylgst var með ökutækjum sem var ekið Hjarðarhaga í suðurátt, að Tómasarhaga. Á einni klukkustund, eftir hádegi, fóru 38 ökutæki þessa akstursleið og því óku margir ökumenn, eða 42%, of hratt eða yfir afskiptahraða.

Björgunarskip aðstoðar aflvana bát

Björgunarskipið Gunnbjörg frá Raufarhöfn er nú á leið í land með bát sem varð aflvana um 0,8 sjómílur frá landi, norðaustur af Ásmundarstaðareyjum.

Stal ekki dínamíti en fékk það lánað

Miskilningur olli því að sá kvittur komst á kreik á Kárahnjúkum að átta tonnum af sprengiefni hefði verið stolið á vinnusvæðinu við Hraunaveitu. Óskar Bjartmarz, yfirlögregluþjónn hjá lögreglunni á Egilsstöðum segir að engu sprengiefni hafi verið stolið en á Vísi í gærkvöldi var greint frá því að átta tonn af dínamíti hafi verið tekin ófrjálsri hendi á föstudagskvöldið.

Markaður fyrir hrefnukjötið, segir sjávarútvegsráðherra

„Það standa bara einfaldlega öll rök til þess. Hér er um að ræða sjálfbærar veiðar og það er markaður fyrir þessa framleiðslu hér innalands þannig að það var auðvitað í rauninni ekkert sem mælti gegn því að taka þessa ákvörðun," segir Einar K. Guðfinnson sjávarútvegs- og landbúnaðarráðherra um þá ákvörðun sína að heimila veiðar á 40 hrefnum fyrir innanlandsmarkað.

Flugfreyjur semja við Icelandair

Forsvarsmenn Flugfreyjufélags Íslands undirrituðu í nótt kjarasamning við Icelandair hjá ríkissáttasemjara.