Halldór skýrir skatta

Halldór Ásgrímsson, forsætisráðherra ætlar að boða forystu verkalýðshreyfingarinnar á sinn fund til að skýra skattastefnu stjórnvalda.

14 mánuðir fyrir kókaínsmygl

Héraðsdómur Reykjaness dæmdi í dag Litháa á þrítugsaldri í fjórtán mánaða fangelsi fyrir fíkniefnasmygl. Maðurinn var tekinn í Leifsstöð í ágúst með tæplega 300 grömm af kókaíni innvortis í um sjötíu pakkningum. Þess má geta að maðurinn er frá sama bæ og Vaidas Jucevicius sem fannst látinn í Norðfjarðarhöfn 11. febrúar síðastliðinn.

Ráðherra kannar skólahald

Þorgerður Katrín Gunnarsdóttir, menntamálaráðherra segist ætla að láta kanna starfsemi svokallaðs Hávallgötuskóla sem Haraldur Ólafsson, veðurfræðingur starfrækir í verkfalli kennara.

Meirihlutinn að springa

Allt útlit er fyrir að meirihlutasamstarf Vinstri grænna og Sjálfstæðisflokksins í Skagafirði sé að springa. Útlitið er ekkert alltof bjart, ég viðurkenni það alveg," segir forseti sveitarstjórnar.

Skipin á heimleið

Eftirlitsvélar á vegum Atlantshafsbandalagsins hafa vaktað rússnesku herskipin í allan dag en skipin eru nú að tínast heim á leið, hvert á fætur öðru. Rússar segja að óveður hafi valdið því að þrír björgunarbátar skoluðust fyrir borð.

Óvíst um ákæru

Ekki hefur verið ákveðið hvort máli manns sem skaut um tíu skotum á tvö hús á Reykhólum um verslunarmannahelgina ljúki með sektum eða ákæru, að sögn Þórólfs Halldórssonar, sýslumanns á Patreksfirði.

Rússar í sókn

Björn Bjarnason, dómsmálaráðherra og yfirmaður Landhelgisgæslunnar segir að koma rússneskra herskipa að ströndum Íslands sé til marks um að rússneski flotinn sé í sókn að nýju.

Skilorð fyrir líkamsárás

Nítján ára piltur var dæmdur í Héraðsdómi Suðurlands í tveggja mánaða fangelsi skilorðsbundið, fyrir fíkniefnabrot, eignaspjöll og líkamsárás. Refsingu annars, sem einnig var ákærður fyrir innbrot og eignaspjöll, var frestað og fellur hún niður haldi hann skilorð í tvö ár.

Lögreglan finnur ekki eigendurna

Tuttugu og þriggja ára Lithái, var í Héraðsdómi Reykjaness, dæmdur í fjórtán mánaða fangelsi, fyrir innflutning á rúmum 297 grömmum af kókaíni, í lok ágúst. Hann ákvað að una dómnum eftir ráðlegginum verjanda síns, Guðrúnar Sesselju Arnardóttur. Sækjandinn lagði til fimmtán mánaða fangelsi. Ekkert er vitað um vitorðsmenn Litháans.

Hótaði lífláti

Fertugur maður var dæmdur í Héraðsdómi Suðurlands í eins mánaðar skilorðsbundið fangelsi fyrir hótanir gegn dóttur sambýliskonu sinnar og kærasta hennar.

Skaðabætur fyrir símhleranir

Íslenska ríkinu var gert að greiða tveimur mönnum, fimmtíu þúsund krónur hvorum, fyrir símhleranir lögreglunnar á Blönduósi, samkvæmt dómi Héraðsdóms Reykjavíkur. Mennirnir voru búsettir á sveitabæ í Húnavatnssýslu og grunaði lögregluna að kannabisræktun færi fram á bænum. Mennirnir voru ekki viðriðnir ræktun kannabisplantna.

Ekkert verkfall hjá krökkunum

Verkfall grunnskólakennara hefur sett daglegt líf grunnskólabarna verulega úr skorðum. Krakkarnir deyja þó ekki ráðalausir heldur taka sér ýmislegt fyrir hendur á meðan skólinn er lokaður. Því er nóg að gera í myndbandaleigum, sundlaugum og bókasöfnum landsins svo dæmi séu nefnd.

Bara heræfing?

Rússnesku herskipin sem hafa haldið sig við norðausturstrendur Íslands síðustu dagana eru aðeins á hefðbundinni heræfingu. Þetta segir Sergej S. Gúsjín, talsmaður rússneska sendiráðsins, sem fullyrðir einnig að engir kafbátar hafi tekið þátt í æfingunni og ekkert slys hafi orðið.

Vont ef tæki til eftirlits vantar

Björn Bjarnason, dómsmálaráðherra, segir mjög óheppilegt ef ekki séu tæki á Keflavíkurflugvelli til að halda uppi nauðsynlegu eftirliti á varnarsvæðinu. Hann segir að vera rússnesku herskipanna við Ísland sýni að rússneski flotinn sé greinilega að sækja í sig veðrið, en lítur þó ekki á málið sem ögrun á neinn hátt.

Ríkið þarf að veita peninginn

Formaður Kennarasambandsins segir fjárframlag frá ríkinu nauðsynlegt til að leysa kjaradeilu grunnskólakennara og sveitarfélaganna. Kennarar komu saman á baráttufundi í Háskólabíói í dag, á 22. degi kennaraverkfalls.

Ríkið kemur ekki að deilunni

Menntamálaráðherra ítrekaði það á Alþingi í dag að ríkisstjórnin ætlaði ekki að blanda sér í kennaradeiluna og sagðist ekki trúa öðru en að deiluaðilar næðu saman.Staðan í kennaradeilunni kom til umræðu í fyrirspurnartíma þegar Björgvin Sigurðsson spurði Þorgerði Katrínu Gunnarsdóttir, menntamálaráðherra, hvort ríkisstjórnin hygðist koma að málinu.

Iðnnemar bitbein HÍ og ríkisins

Nemendur í iðn- og verknámi hafa ónothæf stúdentspróf í höndunum og eru notaðir sem bitbein í deilu Háskóla Íslands og ríkisins, segir Jónína Brynjólfsdóttir, framkvæmdastjóri Iðnnemasambands Íslands. Hún segir aðhaldsaðgerðir Háskólans aðför að verknámi.

Hunda leitað

Hundaeftirlit Reykjavíkurborgar leitar tveggja hunda sem rifu í sig heimiliskött í Seljahverfi fyrir helgi. Fólk í hverfinu hefur ítrekað kvartað yfir því að hundarnir gangi lausir.

Ráðningin gagnrýnd

Það þýðir ekkert fyrir konur að sækja um stöðu hæstaréttardómara, því strákarnir sjá um sína, sagði Þórunn Sveinbjarnardóttir Samfylkingunni á Alþingi í dag í umræðu um skipan í dómaraembætti. Settur dómsmálaráðherra var sakaður um geðþóttaákvörðun þegar Jón Steinar Gunnlaugsson var skipaður.

Kennarar: Peningar í pakkann

"Það vantar einfaldlega meiri peninga í pakkann," segir Finnbogi Sigurðsson, formaður Félags grunnskólakennara, á vef Kennarasambandsins.

Banki stefnir Vélaborg

KB banki krefst opinberrar rannsóknar á viðskilnaði fyrri eigenda á fyrirtækinu Vélum og þjónustu hf. Helgi Sigurðsson, yfirlögfræðingur hjá KB banka, segir að óskað verði eftir opinberri rannsókn á ákveðnum þáttum í rekstri félagsins.

Nýr skóli í verkfalli kennara

Einkaskóli með á annan tug grunnskólabarna úr þriðja til sjöunda bekk hefur verið starfræktur frá fyrsta degi verkfalls kennara. Haraldur Ólafsson veðurfræðingur er skólastjóri og kennir með aðstoð kennaranema og foreldra barnanna.

Menntamálaráðuneytið ónauðsynlegt

"Ef ríkisstjórninni kemur ekki við hvað er að gerast í skólum landsins þá legg ég til að menntamálaráðuneytið verði lagt niður og það strax," segir Eiríkur Jónsson formaður Kennarasambands Íslands.

Rannsaka vinnuferli við sprengingu

"Við förum í gegnum þetta, bæði með okkar eftirliti og með verktökunum sem eru þarna að störfum," segir Jón Rögnvaldsson vegamálastjóri um rannsókn stofnunar sinnar á því hvers vegna sjö menn lentu í hættu þegar síðasta haftið í Almannaskarðsgöngum var sprengt þrettán mínútum of snemma á föstudag.

Konan á batavegi

Ekki er vitað hvað olli því bílslysi á Þjórsárdalsvegi að morgni sunnudags en lögreglan á Selfossi og Rannsóknarnefnd umferðarslysa rannsakar málið. Ljóst er að bílnum var ekið út á hægri vegaröxl og svo aftur inn á veginn þar sem hann valt. Talið er að hann hafi farið fleiri en eina veltu.

Sólbakur á leið í land

Talið er að Sólbakur, skip Brims, komi í höfn á morgun. Jónas Garðarsson, formaður Sjómannafélags Reykjavíkur, segist ekkert gefa upp um það hvort sjómenn ætli aftur að reyna að stöðva löndun úr skipinu.

Fjögur fíkniefnamál í Hafnarfirði

Lögreglan í Hafnarfirði kom upp um fjögur fíkniefnamál um helgina. Á föstudagskvöldið lagði hún hald á fimmtíu grömm af meintu amfetamíni eftir leit í bifreið og í framhaldi af því í íbúð manns.

Stærðfræði hjálpar fiskifræðingum

Með stærðfræðiútreikningum á að segja til um göngur fiskistofna hér við land með nákvæmari hætti en verið hefur. Kjartan G. Magnússon stærðfræðingur kynnti á fundi Hafrannsóknastofnunarinnar fyrir helgi reiknilíkan sem nota á til að segja fyrir um loðnugöngur.

Vill ljósleiðaravæða bæinn

Níu hafa þegar sótt gögn til Seltjarnarnesbæjar eftir að bærinn auglýsti eftir samstarfsaðilum til að ljósleiðaravæða bæinn. Jónmundur Guðmarsson, bæjarstjóri á Seltjarnarnesi, segir að 22. október verði innsendar hugmyndir opnaðar og skoðaðar.

Sjómenn styðja forystuna

Áhöfn Þerneyjar RE-101 lýsir fullum stuðningi við forystu samtaka sjómanna í svokölluðu Sólbaksmáli, sem og í öðrum málum, að því er fram kemur í tilkynningu frá áhöfninni.