Tveir á slysadeild eftir bílveltu

Tveir slösuðust og voru fluttir á slysadeild Landsspítalans, eftir að bíll þeirra valt úr af Grindavíkurvegi í gærkvöldi. Hvorugur þeirra meiddist alvarlega.

Karlar í kvennaklefa

Vegna endurbóta á karlaklefanum í Laugardalslaug hefur helmingur kvennaklefans verið stúkaður af fyrir karla. Framkvæmdum lýkur um mitt næsta ár.

Loftrýmisgæsla Finna er æfing en ekki hernaðaraðgerð

Jyrki Kateinen forsætisráðherra Finnlands segir að líta beri á loftrýmisgæslu finnska flughersins á Íslandi á næsta ári sem æfingu en ekki hernaðaraðgerð. Finnsku þoturnar munu t.d. ekki fljúga í veg fyrir aðrar þotur meðan á dvölinni á Íslandi stendur.

CIA hefur hafið formlega rannsókn á Petraeus

Bandaríska leyniþjónustan CIA hefur hafið formlega rannsókn á gjörðum Davids Petraeus fyrrum yfirmanns leyniþjónustunnar.

Eldflaugum skotið á Tel Aviv, varalið hersins kallað út

Ekkert lát er á loftárásum Ísraelsmanna á Gaza svæðið og færðust þær í aukana í gærkvöldi og nótt eftir að eldflaugum var skotið frá Gaza á Tel Aviv borg.

Daninn sem vann yfir milljarð í lottóinu kominn fram

Daninn sem var annar vinningshafa ofurpottsins í víkingalottóinu í vikunni er komin fram. Hann vill alls ekki að nafns síns sé getið.

Í nýju tvíeyki í Kína sameinast rauði aðallinn og bóndasonur

Í hinu nýja tvíeyki sem tekið hefur við æðstu völdum í Kína sameinast það sem kallað er rauði aðallinn og bóndasonur af fátækum ættum.

Fóru til Hollands fyrir bleyjusjóðinn

Fram kemur í bréfi Ríkisendurskoðunar að Alicante-ferð tengdasonar séra Sigurðar Helga Guðmundssonar, fyrrverandi framkvæmdastjóra Eirar, hafi verið greidd úr "þróunarsjóði“ sem hafi haldið utan um afslátt af innkaupum á sjúkrableyjum. Í svarbréfi frá séra Sigurði segir að með tilkomu þess sjóðs hafi komið "möguleikar til að standa undir kostnaði sem rekstrarsjóður réði ekki við. Þar má til dæmis nefna að þegar formaður og varaformaður fóru í kynnisferð til Hollands var það greitt úr Þróunarsjóði.“

Hillir undir náttúruminjasýningu í Perlunni

Borgarráð tók tillögu Jóns Gnarr borgarstjóra um að heimila Reykjavíkurborg að ganga til samninga um kaup á Perlunni af Orkuveitu Reykjavíkur til umfjöllunar í gær.

Stórhuga áform Walt Disney um Star Wars

Bandaríska fjölmiðlaveldið Walt Disney er stórhuga þegar kemur að þróun Star Wars söguheimsins.

Hefur ítrekað reynt að svipta sig lífi

James Holmes, sem grunaður er um að hafa staðið að baki einni mannskæðustu skotárás seinni tíma í Bandaríkjunum, hefur ítrekað reynt að svipta sig lífi í fangaklefa.

Djúpið ein víðförlasta íslenska kvikmynd allra tíma

Útlit er fyrir að kvikmyndin Djúpið verði ein víðförlasta íslenska mynd allra tíma. Búið er að selja sýningarétt á kvikmyndinni til fjölmargra landa.

Google býður í ævintýraferð um Vetrarbrautina

Tæknirisinn Google býður nú mannkyni í ævintýraferð um Vetrarbrautina. Notendur netvafrans Google Chrome geta nú kynnt sér leyndardóma alheimsins, hoppað á milli stjarna og pláneta, og fræðst um tilurð sólkerfisins.

Kreditkort fyrir 8 ára gömul börn

Bresk börn á aldrinum 8 til 16 ára geta nú verslað með kreditkort á veraldarvefnum. Það er hópur foreldra sem stendur að verkefninu en þau stofnuðu fyrirtæki þar sem börnum gefst tækifæri til að kynna sér veröld rafrænna viðskipta.

Hneyksli í Svíþjóð

Kent Ekeroth, þingmaður Sænska demókrataflokksins, hefur tekið sér leyfi frá störfum eftir að myndband var birt sem sýnir hann ásamt tveimur öðrum þingmönnum hafa niðrandi ummæli um ölvaðan mann og konu sem reyndi að stilla til friðar milli þeirra.

Stjórnvöld hafa brugðist í upplýsingagjöf um nauðasamninga

Bjarni Benediktsson, formaður Sjálfstæðisflokksins, segir stjórnvöld hafa brugðist í upplýsingagjöf um áhættu sem fylgir nauðasamningum og áhrifum þeirra á lífskjör í landinu.

Glæsilegustu sæðingahrútar landsins í einu riti

Allt áhugafólk um íslensku sauðkindina brosir breitt þessa dagana því ný hrútaskrá var að koma úr prentun. Þar er hægt er að fá allar upplýsingar um bestu og flottustu hrúta landsins.

Séra Sigurði Helga ráðlagt að endurgreiða utanlandsferðina

Ríkisendurskoðandi segir að fyrrverandi forstjóri hjúkrunarheimilisins Eirar hafi viðhaft örlætisgjörning þegar hann gaf tengdasyni sínum gjafabréf fyrir utanlandsferð. Forstjóranum fyrrverandi er ráðlagt að endurgreiða upphæðina.

Íslenska lýsið stóðst prófið

Íslenskar fiskolíur fengu toppeinkunn frá vísindamönnum Matís sem fréttastofa Stöðvar 2 fékk til að kanna. Í dönskum neytendaþætti komu þær ekki vel út en líklegt þykir að danskir fréttamenn hafi ruglað saman viðmiðum sem eigi við við jurtaolíu en ekki olíu úr fiski.

Fíkniefnastríðið er tapað

Staða lögreglunnar var rædd á Alþingi í dag og viðbrögð við skipulagðri glæpastarfsemi. Margrét Tryggvadóttir, þingkona Hreyfingarinnar, steig í pontu og lýsti því yfir að baráttan við fíkniefnadjöfulinn væri töpuð.

Fréttastjórinn undrast niðurstöðuna

"Ég undrast mjög þessa niðurstöðu, en ég á eftir að kynna mér dóminn betur," segir Óðinn Jónsson, fréttastjóri RÚV, um hæstaréttardóm yfir Svavari Halldórssyni fréttamanni.

Kókaínmaður í þriggja ára fangelsi

Hæstiréttur dæmdi í dag fjóra menn fyrir innflutning á tæpu kílói af kókaíni frá Danmörku í febrúar 2010.

Svavar dæmdur til að greiða Jóni Ásgeiri bætur fyrir meiðyrði

Svavar Halldórsson fréttamaður var í Hæstarétti Íslands dag dæmdur til að greiða Jóni Ásgeiri Jóhannessyni kaupsýslumanni 300 þúsund krónur í miskabætur fyrir meiðyrði vegna staðhæfinga um Jón Ásgeir í frétt sem birtist í kvöldfréttum Rúv. Héraðsdómur Reykjavíkur hafði áður sýknað Svavar.

Sæbjörg sædd af Úranusi og bar ljóssægráskjöldótta kvígu

Kýrin Sæbjörg sem býr ásamt tveimur öðrum kúm og einum uxa í fjósinu í Fjölskyldu- og húsdýragarðinum bar ljóssægráskjöldóttri kvígu aðfaranótt 8. nóvember síðastliðinn.

Íslendingar eru feitastir en fúlsa við brauði

Íslendingar eru feitasta Norðurlandaþjóðin samkvæmt rannsókn á mataræði, hreyfingu og holdafari sem unnin var í fyrra. Landlæknir vann að rannsókninni ásamt sérfræðingum frá Danmörku, Finnlandi, Noregi og Svíþjóð, en þetta er fyrsta samnorræna könnunin þessarar tegundar. Á vef Landlæknis segir að könnunin sé liður í aðgerðaáætlun Norrænu ráðherranefndarinnar um bætta heilsu og lífsgæði með næringu og hreyfingu.

Katrín ræður annan aðstoðarmann

Katrín Júlíusdóttir, fjármála- og efnahagsráðherra, hefur ráðið annan aðstoðarmann. Sá heitir Arnar Guðmundsson og mun starfa við hlið Kolbeins Marteinssonar sem er fyrir aðstoðarmaður Katrínar.

Vel yfir 200 á biðlista eftir hjúkrunarrýmum

Alls biðu 244 aldraðir einstaklingar eftir hjúkrunarrýmum á landinu öllu í lok október 2012 samkvæmt svari velferðarráðherra við fyrirspurn Sigmundar Ernis Rúnarssonar, þingmanns Samfylkingarinnar, um biðlista eftir hjúkrunarrýmum.

Norrænir lögreglumenn ræddu viðbrögð við Breivik

Fulltrúar greiningardeildar Ríkislögreglustjóra sóttu á dögunum ráðstefnu í Svíþjóð um skipulagða glæpastarfsemi. Boðað var til ráðstefnunnar í framhaldi af fundi ríkislögreglustjóra Norðurlanda. Á ráðstefnunni var ákveðið að auka enn frekar samstarf landanna hvað varðar baráttu gegn skipulagðri glæpastarfsemi og mögulegum umsvifum hryðjuverkamanna.

Ragnheiður Skúladóttir ráðinn leikhússtjóri á Akureyri

Starfsmönnum Leikfélags Akureyrar var í dag tilkynnt að stjórn Leikfélags Akureyrar hefði ráðið Ragnheiði Skúladóttur í starf leikhússtjóra félagsins næstu tvö leikár.

Öxnadalsheiðin lokuð - 35 metrar á sekúndu og brjálað veður

Öxnadalsheiðinni var lokað fyrir skömmu en þar mælist vindhraði allt upp í 35 metra á sekúndu auk þess sem þar er mikill skafrenningur. Lögreglan á Akureyri hefur óskað eftir aðstoð frá björgunarsveitum til að aðstoða nokkra ökumenn sem komast hvorki lönd né strönd vegna skyggnis og færðar. Ekki er vitað hvenær heiðin verður opnuð aftur en það er lítið annað sem ökumenn geta gert en bara að bíða, segir varðstjóri hjá lögreglu - eða fara Siglufjarðarleiðina til og frá Akureyri.

11 ára stúlka bjargaði móður sinni

„Hún bjargaði lífi mínu,“ segir María Bah Runólfsdóttir í Grundarfirði en 11 ára dóttir hennar, Amelía Rún, hringdi í Neyðarlínuna þegar María hneig niður á heimili þeirra.

Mengað vatn á Eskifirði - getur valdið niðurgangi

Kólígerlar hafa fundist í neysluvatni á Eskifirði og eru íbúar í bænum beðnir um að sjóða allt neysluvatn. Tekið var sýni úr vatnsbóli bæjarins í gær og bárust niðurstöðurnar í morgun. Helga Hreinsdóttir, framkvæmdarstjóri Heilbrigðiseftirlits Austurlands, segir að búið sé að bera bréf í öll hús í bænum þar sem íbúum er tilkynnt um þetta.

Jólabjórinn í verslanir í dag

Sala jólabjórs hófst í Vínbúðunum í dag, fimmtudag. Jólabjórinn vekur alltaf mikla athygli, en í ár er von á 21 tegund í sölu (auk annarrar jólavöru) samkvæmt frétt sem finna má á vefsíðu Vínbúðarinnar.

Ók bíl í gegnum rúðu hjá Heklu

Bíl var ekið í gegnum rúðu á bílaumboðinu Heklu á Laugavegi nú rétt eftir hádegið. Fjórir sjúkrabílar og einn tækjabíll frá lsökkviliðinu voru sendir á staðinn en ekki er vitað hvort nokkur maður hafi orðið fyrir meiðslum.

Mótmæltu ömurlegum húsakosti Listaháskólans

Nemendur Listaháskólans komu saman í mennta- og menningarmálaráðuneytinu í dag til að mótmæla því slæmum húsnæðiskostnaði skólans við Sölvhólsgötu. Þeir segja að húsnæðið þar sé ótækt fyrir þá starfsemi sem þar fer fram. Reglur um brunavarnir og aðgengi séu þverbrotnar, loftræsting ónýt og hljóðeinangrun lítil sem engin. Katrín Jakobsdóttir ráðherra ræddi við nemendurna í ráðuneytinu.

Búið að skera niður um tæpa þrjá milljarða til lögreglunnar

Skorið hefur verið niður um 2,8 milljarða króna í löggæslumálum á Íslandi frá hruni, eða um 0,5%. Þetta kom fram í svari Ögmundar Jónassonar innanríkisráðherra, þegar hann svaraði spurningu Sivjar Friðleifsdóttur, þingmanni Framsóknarflokksins, þegar hún spurði hvort þetta væri rétt upphæð.

Frumvarp að nýrri stjórnarskrá lagt fram á þingi

Stjórnskipunar- og eftirlitsnefnd Alþingis samþykkti í morgun að leggja fram frumvarp til breytinga á stjórnskipunarlögum, sem byggir á vinnu sérfræðingarhóps sem fór yfir tillögur stjórnlagaráðs. Tillögurnar voru samþykktar í þjóðaratkvæðagreiðslu þann 20. október síðastliðinn. Fyrsta umræða um stjórnskipunarfrumvarpið mun fara fram á þriðjudaginn.

Bókaþjóð á breytingaskeiði

Aldrei hafa jafnmargar bækur verið skráðar í Bókatíðindi og í ár, alls um 840 titlar.

Þingið setji reglur um slit þrotabúanna

Bjarni Benediktsson, formaður Sjálfstæðisflokksins segir það vera skýlausa kröfu að þingið hafi um það lokasvar hvernig reglum um útgreiðslur úr þrotabúum verði háttað. Til stendur að gera nauðasamninga öðru hvoru megin við áramót.

Starfsfólk Iceland Express efnir til markaðar vegna ferðaloka

Starfsfólk Iceland Express, sem missti nýverið vinnuna eftir að félagið var lagt niður og WOW air keypti flugrekstrarhluta fyrirtækisins, hyggst halda "Bjútý frí“ markað.

Rússar missa sambandið við gervihnetti sína og geimstöðina

Rússar hafa misst sambandið við megnið af almennum gervihnöttum sínum á braut um jörðu sem og við sinn hluta af Alþjóðlegu geimstöðinni.

Vilja skipalægi við Hörpuna og að tónlistarhúsið verið "terminal“

Samtök kaupmanna og fasteignaeigenda við Laugaveg vilja breyta höfninni við Skúlagötu í skemmtiferðaskipalægi og að Harpan yrði nýtt í í aðkomuhús eða "terminal“ fyrir gesti skipanna. Þetta kemur fram í ályktun sem Björn Jón Bragason sendi á fjölmiðla fyrir hönd samtakanna.

Enginn heimsendir er í nánd

Ekkert bendir til þess að fyrirbæri utan úr geimi muni koma til með að tortíma lífi á jörðinni fyrir árslok og sögur um yfirvofandi heimsendi 21. desember næstkomandi eiga ekki við rök að styðjast.

Útsvarið á Seltjarnarnesi lækkar

Útsvarsprósentan í Seltjarnarnesbæ lækkar úr 14,18 í 13,66, samkvæmt fjárhagsáætlun fyrir næsta ár og þriggja ára áætlun sem var samþykkt í gær. Í fréttatilkynningu segir að rekstur bæjarsjóðs skili afgangi og hægt sé að auka þjónustuna við bæjarbúa.

Voru lykilmenn í gerð talgreinis

lKristinn Halldór Einarsson, Jón Guðnason og Trausti Kristjánsson hlutu viðurkenningar Íslenskrar málnefndar fyrir störf í þágu íslenskrar tungu í ár.