Missti öndvegisfolald úr hóstapest

„Ég missti þarna mjög fallegt folald, sem hugsað var sem reiðhestsefni,“ segir Sigurður Grímsson í Fossmúla, sem varð fyrir þeim skaða að missa vel ættað folald úr hestahóstanum á laugardaginn.

Sex þúsund flúðu heimilin

Fellibylurinn Matthew gekk yfir Mið-Ameríku og suðurhluta Mexíkó um helgina.

Segist ekki hafa misnotað pilta

Presturinn Eddie Long frá Georgíu í Bandaríkjunum hefur neitað ásökunum um að hafa misnotað fjóra unga menn kynferðislega og lokkað þá til sín með gjöfum.

Alvarlega slösuð eftir árekstur

Ríflega sextug kona var flutt með alvarlega innvortis áverka á gjörgæsludeild Landspítalans seinni partinn í gær eftir harðan árekstur tveggja jeppa við afleggjarann af Suðurlandsvegi inn að Dyrhólaey.

Strandaglópar komnir heim

Strandaglópar í Þórsmörk komust allir til síns heima í gær eftir að sljákkaði í ám á svæðinu. Eins og komið hefur fram voru 120 manns fastir í Þórsmörk eftir að ár flæddu yfir bakka sína í úrhellisrigningum.

Stálu sófasetti úr veiðihúsi

Tilkynnt var um innbrot í fimm sumarbústaði í og við Hestvík í Grafningi í síðustu viku.

Gæti orðið jafnlág og árið 2007

Verðbólga lækkar úr 4,5 prósentum í 4,0 prósent í mánuðinum, gangi verðbólguspá IFS greiningar eftir.

Kreppunni er ekki lokið

Sjötíu og fjögur prósent Bandaríkjamanna telja að kreppan sé enn við lýði í landinu samkvæmt nýrri skoðana-könnun á vegum sjónvarpsstöðvarinnar CNN.

Segir skilið við arfleifð Blairs

Ed Miliband, nýkjörinn leiðtogi Verkamannaflokksins í Bretlandi, segir að arfleifð Tonys Blair eigi að heyra sögunni til.

Ofurhetja í hjólastól

Ólíkleg myndasöguhetja lítur brátt dagsins ljós, eða múslimadrengur í hjólastól með yfirnáttúrulega eiginleika.

Senda farsíma í endurvinnslu

Í stað þess að henda gömlum eða ónothæfum farsímum í ruslið geta eigendur þeirra nú skilað þeim í söfnunarkassa sem komið hefur verið fyrir í verslunum Vodafone.

Framhald friðarviðræðna í óvissu

Mahmoud Abbas, forseti Palestínustjórnar, sagði í Frakklandi í gær að stjórnin muni bíða í að minnsta kosti viku þangað til ákvörðun verður tekin um framhald friðarviðræðna við Ísrael.

Chavez er ekki lengur einráður

Þótt stuðningsmenn Hugo Chavez, forseta Venesúela, hafi náð ótvíræðum meirihluta í þingkosningum um helgina, þá eru þeir ekki lengur með yfir 75 prósent þingsæta, sem dugði þeim til að keyra mótstöðulaust í gegnum þingið svo til hvaða mál sem þeim sýndist.

Ofveiði Skota og Íra gríðarleg

Skosk og írsk fiskiskip veiddu tæplega 200 þúsund tonn af makríl og síld umfram kvóta á árunum 2001-2005.

Telur makrílveiðar Íslands og Færeyja óviðunandi

„Einhliða makríl-kvótar Færeyinga og Íslendinga eru ekkert minna en óviðunandi,“ sagði Maria Damanaki, sjávarútvegsstjóri ESB, á blaðamannafundi eftir að sjávarútvegsráðherrar ESB-ríkjanna höfðu rætt makríldeiluna á fundi í gær.

Arftaki Kim Jong-Il líklega kynntur

Félagar í Kommúnistaflokki Norður-Kóreu komu saman í gær í höfuðborginni Pjongjang til að undirbúa landsþing flokksins, sem hefst í dag. Almennt er reiknað með að Kim Jong-Il, leiðtogi flokksins, muni kynna þar yngsta son sinn, Kim Jong Un, sem arftaka sinn.

Kona grýtt í hel -vörum við þessu myndbandi

Rétt er að ítreka að þetta er mjög hrottalegt myndband og ekki fyrir viðkvæma. Arabisk sjónvarpsstöð hefur sýnt þetta myndskeið af því þegar kona er grýtt í hel í Afganistan.

Tveir alvarlega slasaðir eftir árekstur

Tveir einstaklingar voru fluttir alvarlega slasaðir til Reykjavíkur eftir bílslys í Vestur-skaftafellssýslu í dag.

Sigurplast í þrot - 17 missa vinnuna

Plasverksmiðja Sigurplast hefur óskað eftir því fyrir Héraðsdómi Reykjavíkur að fyrirtækið verði tekið til gjaldþrotaskipta.

Við erum feit, á þunglyndislyfjum, með klamydíu og skemmdar tennur

Íslenska þjóðin er sú hamingjusamasta í heimi. Feit, á þunglyndislyfjum, með klamydíu og skemmdar tennur. Þetta sýna niðurstöður nýlegra kannana.

Styttist í atkvæðagreiðslu um ákærur

Meirihluti Atlanefndarinnar leggur enn til að þrír til fjórir fyrrverandi ráðherrar verði ákærðir til Landsdóms. Minnihluti Sjálfstæðismanna í nefndinni telur engar efnislegar forsendur vera til ákæru á hendur ráðherrunum. Atkvæðagreiðsla um málið fer í fyrsta lagi fram á morgun.

Gríðarleg fjölgun á opinberum starfsmönnum í kreppu

Opinberum starfsmönnum hefur fjölgað um þrjú þúsund og fimm hundruð frá hruni meðan um tuttugu þúsund störf hafa tapast á einkamarkaði segir framkvæmdastjóri Samtaka iðnaðarins. Hann telur stjórnvöld ekki sníða sér stakk eftir vexti. Atvinnuleysi verði ekki leyst með því að ráða fleiri til hins opinbera.

Eldur í bíl og ekið á vélhjólamann

Mikill erill hefur verið hjá slökkviliði og sjúkraflutningamönnum í dag. Slökkviliðið var meðal annars kallað upp í Grafarvog í dag vegna elds í vélarhúddi bíls. Um minniháttar atvik var að ræða.

Kastaníutré Önnu Frank fær framhaldslíf

Í dagbók sinni, Dagbók Önnu Frank minnist hollenska gyðingastúlkan oft á kastaníutré sem stóð fyrir utan glugga í risinu þar sem fjölskylda hennar faldi sig fyrir nazistum í síðari heimsstyrjöldinni.

Lægstu laun duga ekki fyrir framfærslu

Lægstu laun kauptaxta eru svo lág að þau duga ekki fyrir framfærslu. Þetta kemur fram í ályktun frá Afli starfsgreinafélagi.

Fjör á slökkvistöðinni -myndband

Pólskir slökkviliðsmenn eru víst bæði tónlistarunnendur og dansunnendur. Að minnsta kosti reykkafararnir á þessu myndbandi.

Frekar slæm staðsetning -myndband

Annaðhvort var illa staðsett. Símastaurinn á kappakstursbrautinni í Þýskalandi, eða þá brautin sjálf.

Slökkviliðið kallað í Hátún

Allt tiltækt slökkvilið hefur verið kallað að Hátúni 6 í Reykjavík en tilkynnt var um reyk á þaki hússins sem er fjölbýlishús. Nánari upplýsingar er ekki að hafa frá Slökkviliði höfuðborgarsvæðisins í augnablikinu.

Samkomulag milli Haga og kjötbirgja í gildi áratugum saman

Stjórn Haga segir að það vinnufyrirkomulag sem verið hefur í gildi milli smásala og kjötbirgja, og fyrirtækið hefur nú samþykkt að greiða 270 milljóna króna sekt vegna, hafi verið viðhaft áratugum saman.

Með hníf í hausnum

Fyrir þrem árum lenti Edilson do Nacimento í slagsmálum á krá í heimabæ sínum í Brasilíu.

Gústav Axel er Matreiðslumaður ársins

Gústav Axel Gunnlaugsson matreiðslumaður á Fiskfélaginu vann í gær titilinn Matreiðslumaður ársins 2010 en sigurvegarinn var kynntur við hátíðlega athöfn í Vetrargarðinum í Smáralind í gær þegar Matardögunum 2010 lauk. „Annað sætið hreppti Ólafur Ágústsson og það þriðja Sigurður Kristinn Haraldsson en þeir starfa báðir á VOX,“ segir í tilkynningu en það er Klúbbur Matreiðslumeistara sem hefur haft veg og vanda af skipulagningu Matardaga 2010.

Þrettán pólskir ferðamenn fórust

Þrettán manns létu lífið og 29 slösuðust þegar rúta sem var að flytja pólska ferðamenn lenti í hörðum árekstri skammt frá Berlín í gær.

Kínverjar sauma enn að Japönum

Tvö japönsk strandgæsluskip tóku fyrr í þessum mánuði kínverskt fiskiskiskip að veiðum við eyjar sem Japan og Kína deila um eignarhald á.

Hættur hjá Wikileaks eftir deilur við Julian

Daniel Schmitt, talsmaður Wikileaks í Þýskalandi, hefur sagt skilið við síðuna eftir deilur við stofnanda Wikileaks, Julian Assange. Daniel segir í samtali við þýska blaðið Der Spiegel að gríðarlegt álag hafi verið á starfsmönnum Wikileaks undanfarna mánuði og að hans mati hafi mistök verði gerð.

Stálu útivistarfatnaði við Geysi

Þjófar brutust inn í ferðamannaverslunina við Geysi í Haukadal á þriðja tímanum aðfaranótt laugardags. Þjófarnir voru þrír og huldu andlit sín að því er fram kemur í tilkynningu. Þeir létu greipar sópa og höfðu á brott með sér talsvert magn af verðmætum útvistarfatnaði. „Þjófarnir létu ekki þar við sitja heldur komu aftur tæpri klukkustund síðar og tóku meira af fatnaði sem að megninu til er frá 66° Norður,“ segir ennfremur.

„Þetta er ekki loðmulla, háttvirtur þingmaður“

Pétur Blöndal, þingmaður Sjálfstæðisflokks, er ekki hrifinn af skýrslu þingmannanefndar um rannsóknarskýrsluna. Pétur kallaði niðurstöðu nefndarinnar loðmullu og lét þannig í ljós að honum fyndist nefndin sýna linkind í afstöðu sinni.

Bjarni Ben: Trúnaðargögnum haldið frá þingmönnum

Bjarni Benediktsson, formaður Sjálfstæðisflokksins, tók til máls á Alþingi í dag þar sem hann gagnrýndi málflutning þingmannanefndar um rannsóknarskýrsluna þar sem því er borið við að stór hluti þeirra gagna sem nefndin notaðist við í vinnu sinni sé trúnaðarmál og því ekki hægt að opinbera þau.

Þeim fjölgar sem vilja afturkalla veiðiheimildir

Markaðsrannsóknafyrirtækið MMR hefur birt niðurstöður könnunar þar sem spurt var um álit fólks á því að afturkalla fiskveiðiheimildir. 70,9% svarenda sögðust vera frekar eða mjög hlynntir því að stjórnvöld afturkalli með einum eða öðrum hætti gildandi fiskveiðiheimildir og úthluti þeim að nýju með breyttum reglum. 18,8% eru andvígir hugmyndunum og 10,3% sögðust hvorki vera hlynnt né andvíg málinu. „Þetta er nokkur breyting frá könnun MMR í febrúar 2009 þegar 61% svarenda sögðust fylgjandi afturköllun og endurúthlutun fiskveiðiheimilda,“ segir í tilkynningu frá fyrirtækinu.

Þriðji varaþingmaður tekur sæti á Alþingi

Víðir Smári Petersen háskólanemi tók sæti í fyrsta sinn á Alþingi í dag. Víðir er þriðji varamaður Jóns Gunnarssonar, þingmanns Sjálfstæðisflokks í Suðvesturkjördæmi. Óli Björn Kárason og Rósa Guðbjartsdóttir eru fyrsti og annar varamaður flokksins í kjördæminu en þau sáu sér ekki fært að taka sæti að þessu sinni.

Kínverjar reyndu að stöðva sýningu Tíbet-myndar

Kínverska sendiráðið á Íslandi gerði tilraun til að fá Alþjóðlega kvikmyndahátíð í Reykjavík (RIFF) til þess að hætta við sýningar á bandarísku heimildarmyndinni When The Dragon Swallowed The Sun.

Safna gömlum símtækjum og styrkja SAFT

GSM notendur geta nú skilað gömlum símtækjum í söfnunarkassa í verslunum Vodafone og sýnt þannig í verki ábyrgð gagnvart umhverfinu. Vodafone í samstarfi við Græna framtíð kemur símtækjunum í endurnýtingu hjá viðurkenndum aðilum erlendis, sem lagfæra tækin eða búa til ný með því að sameina íhluti úr nokkrum tækjum í eitt.

Mamma Gógó framlag Íslands til Óskarsverðlaunanna

Íslenska kvikmynda- og sjónvarpsakademían kaus kvikmyndina Mamma Gógó sem framlag Íslands til Óskarsverðlaunanna 2011 í rafrænni kosningu sem fram fór 21. - 24. september. Myndin fékk 43% atkvæða akademíumeðlima. Kosið var á milli átta mynda sem frumsýndar voru á tímabilinu 1. október 2009 - 30. september 2010.

Fór yfir Steinsholtsá

Fyrsti breytti torfærujeppinn komst yfir Steinsholtsá á Þórsmerkurleið á tíunda tímanum í morgun, en áin verður ófær óbreyttum jeppum eitthvað fram yfir hádegi, að minnsta kosti, að sögn kunnugra.

Ríksstjórnin heldur velli

Ríkisstjórn Samfylkingar og Vinstri grænna heldur velli samkvæmt nýrri skoðanakönnun Fréttablaðsins.

Klámvæðing hefur alvarlegar afleiðingar fyrir karlmenn

Katrín Anna Guðmundsdóttir, jafnréttishönnuður og stundakennari í kynjafræði, segir fjölmiðla fjalla um klám á mun jákvæðari hátt en áður og klámi jafnvel hampað í fjölmiðlum. Henni finnst þetta alvarleg þróun þar sem klám sé nátengt ofbeldi og fólk þar hlutgert kynferðislega.