Slegist um hvalina

Félagar í Sea Shepherd samtökunum fá blautar móttökur þegar þeir hrella hvalveiðiskip Japana á Suður-Íshafinu.

Fundu flak af frægu orrustuskipi

Bandarískir fjársjóðsleitarmenn hafa fundið flakið af breska orrustuskipinu Victory sem fórst í fárviðri á Ermarsundi fyrir 264 árum.

Guðlaugur í formannsslag

Guðlaugur Þór Þórðarson, fyrrverandi heilbrigðisráðherra, hyggst bjóða sig fram til formanns í Sjálfstæðisflokknum á landsfundi flokksins sem fram fer dagana 26. til 29. mars í Laugardalshöll. Guðlaugur mun tilkynna um framboð sitt á morgun, samkvæmt heimildum fréttastofu.

Kragh krefst frávísunar

Athafnamaðurinn Þorsteinn Kragh, sem er ákærður fyrir stærsta fíkniefnasmygl Íslandssögunnar, hefur krafist frávísunar á dómsmálinu og sakar lögregluna um að hafa þverbrotið á réttindum sínum.

Femínistar fagna ríkisstjórn Jóhönnu

Femínistafélag Íslands fagnar nýrri ríkisstjórn Jóhönnu Sigurðardóttur sem tók við völdum í gær. „Í fyrsta sinn í sögu lýðveldisins er kona skipuð forsætisráðherra og í fyrsta sinn er jafnt kynjahlutfall ráðherra á Alþingi,“ eins og segir í ályktun félagsins.

Hraðahindrun ölvuðum ökumanni ofviða

Lögreglumenn komu að ökumanni sem átti í erfiðleikum með að komast yfir hraðahindrun á Selfossi nú um helgina. Í tilkynningu frá lögreglu segir að ekki hafi komið til þess að lögreglumenn þyrftu að aðstoða manninn því hann reyndist vera undir talsverðum áfengisáhrifum og án ökuréttinda.

Þingmenn VG skipta með sér verkum

Þingflokkur Vinstri grænna kemur saman í fyrsta sinn eftir stjórnarskiptin klukkan 18 í kvöld og skiptir með sér verkum. Fyrir liggur að kjörinn verður nýr þingflokksformaður. Ögmundur Jónasson sem gegnt hefur embættinu allt frá því að fulltrúar flokksins tóku fyrst sæti á Alþingi árið 1999 lætur af störfum í kjölfar þess að hann var skipaður heilbrigðisráðherra í gær.

Gaddafi nýr leiðtogi Afríkusambandsins

Muammar Gaddafi Líbýuleiðtogi var í morgun kosinn framkvæmdastjóri Afríkusambandsins á fundi þess í Eþíópíu. Gaddafí hlaut yfirgnæfandi stuðning í embættið en einhverjir fundarmenn voru áhyggjufullir vegna þess hve hann hefði verið umdeildur og væri talinn hvikull. Gaddafi hefur verið virkur innan sambandsins. Hann hefur lengi stutt hugmyndir um nánara samstarf Afríkuríkja á vettvangi þess og lagt til milljónir í stuðning við fátækari sambandsríki.

Mestu snjókomu í tvo áratugi spáð í Bretlandi

Spáð er mestu snjókomu í tvo áratugi um nánast allt Stóra-Bretland í dag. Almenningssamgöngukerfið í Lundúnum og víðar er nær algjörlega lamað vegna ofankomu.

Barist í Srí Lanka

Níu almennir borgarar féllu og tuttugu særðust þegar sprengjum var varpað þrívegis á sjúkrahús á norð-austurhluta Srí Lanka. Árásirnar voru gerðar á síðasta sólahring. Uppreisnarmenn Tamíltígra hafa völdin á svæðinu. Stjórnarher landsins segist ekki hafa gert árásir á sjúkrahúsið.

Öskuregn í Tokyo

Ösku rigndi í morgun yfir úthverfi Tokyo þegar gos hófst í eldfallinu Asama. Fjallið er um hundrað og fjörutíu kílómetra norðvestur af höfuðborg Japans. Viðvörun hefur verið gefin út og fólki bannað að fara innan við fjóra kílómetra að fjallinu. Aska hefur fallið til jarðar í allt að hundrað sjötíu og fimm kílómetra fjarlægð frá fjallinu og grjóthnullungar fundist í þúsund metra fjarlægð.

Ólafur í Mjólku: Hyggur á framboð í Kraganum

Ólafur Magnússon, framkvæmdastjóri Mjólku, hyggst bjóða sig fram gegn Siv Friðleifsdóttur í fyrsta sæti á lista Framsóknarflokksins í Suðvesturkjördæmi. „Ég hef ákveðið að taka slaginn,“ segir Ólafur aðspurður um framboð.

Harma breytingar á heilsugæslu

Stjórn Fagdeildar heilsugæsluhjúkrunarfræðinga harmar þá ákvörðun yfirstjórnar Heilsugæslu höfuðborgarsvæðisins að fækka stöðugildum hjúkrunarfræðinga um 12, sem og að gjörbylta starfsemi Miðstöðvar heilsuverndar barna og Miðstöðvar mæðraverndar sem báðar verða lagðar niður.

Gáfust upp á að prenta peninga

Seðlabankinn í Zimbabwe reyndi í dag að hressa upp á dollara sinn með því að skera tólf núll aftan af honum.

Össur kominn með lyklavöld í utanríkisráðuneytinu

Össur Skarphéðinsson tók við embætti utanríkisráðherra í gær af svilkonu sinni Ingibjörgu Sólrúnu Gísladóttur, formanni Samfylkingarinnar. Formleg lyklavöld fékk hann í morgun þegar Ingibjörg afhenti honum lykla af ráðuneytinu.

Kaldrifjaður forstöðumaður skattasviðs

Fyrrverandi ríkisskattstjóri, Indriði Þorláksson, telur það heldur kaldrifjað að fyrrum forstöðumaður skattasviðs Landsbankans, Kristján Gunnar Valdimarsson, hafi farið með umsjón fjögurra eignarhaldsfélaga sem öll eru skrásett á karabísku eyjunni Tortola.

Þing kemur saman á morgun

Samkomulag nýju ríkisstjórnarflokkanna felur meðal annars í sér að Guðbjartur Hannesson, þingmaður Samfylkingarinnar, verði forseti Alþingis. Guðbjartur telur líklegt að þing komi saman á morgun í fyrsta skipti eftir stjórnarskiptin. Á þeim tímamótum lætur Sturla Böðvarsson af embætti forseta en gera má ráð fyrir umtalsverðum breytingum á nefndarskipan og ljóst er að nýir nefndarmenn verða kjörnir.

Ásdís Halla íhugar forystuframboð í Reykjavík

Ásdís Halla Bragadóttir, fyrrum bæjarstjóri í Garðabæ, íhugar framboð í prófkjöri Sjálfstæðisflokksins í Reykjavík fyrir komandi þingkosningar. Samkvæmt heimildum Vísis stefnir hún á að leiða lista í öðru Reykjavíkurkjördæmanna.

Nældu sér í saur á náttúrugripasafninu í London

Steingerður risaeðlusaur var það eina sem nokkrir þjófar höfðu upp úr krafsinu þegar þeir létu greipar sópa á náttúrugripasafninu í London.

Ísraelar vörpuðu sprengjum á Gaza í gær

Ísraelskar orrustuþotur gerðu árás á öryggismiðstöð í þorpi á Gaza-svæðinu í gærkvöldi auk þess að varpa sprengjum á munna smyglganga við egypsku landamærin. Enginn særðist í árásinni en Ísraelar hringdu á undan sér og vöruðu við árásinni. Um var að ræða hefndaraðgerð eftir að liðsmenn Hamas-samtakanna skutu flugskeytum yfir til Ísrael og særðu nokkra hermenn fyrr í gær.

Japanska eldfjallið Asama gýs

Gos hófst í japanska eldfjallinu Asama snemma í morgun en það er um 140 kílómetra norðvestur af höfuðborginni Tókýó. Viðvörun hefur verið gefin út og er fólki bannað að vera á ferli nær fjallinu en fjóra kílómetra. Aska úr gosinu er tekin að falla til jarðar í allt að 175 kílómetra fjarlægð frá fjallinu. Asama, sem er eitt af 108 virkum eldfjöllum í Japan og gaus síðast árið 2004.

Sex ár frá Kólumbíuslysinu í gær

Fánar voru dregnir í hálfa stöng í gær við Kennedy-geimferðamiðstöðina til að minnast geimfaranna sjö sem fórust þegar Kólumbía splundraðist í þann mund sem hún kom til baka inn í lofthjúp jarðar eftir ferðalag sitt en þetta er í eina skiptið í bandarískri geimferðasögu sem slys hefur orðið á heimleið.

Fjöldi fíkniefnamála í Árósum tvöfaldast

Fjöldi fíkniefnamála í Árósum í Danmörku hefur meira en tvöfaldast síðan árið 1995. Þetta segir lögreglan á Austur-Jótlandi og bætir því við að fjöldi unglinga á aldrinum 15 til 19 ára, sem komast í kast við lögin, hafi á sama tíma fimmfaldast.

Bretar hugsanlega í samhæft verkfall

Samhæft verkfall starfsfólks í breska orkugeiranum gæti skollið á í þessari viku, fari sem horfir. Þetta segir breska blaðið Telegraph í grein um vaxandi óánægju Breta sem margir hverjir telja stjórnvöld útiloka innlenda starfskrafta og nýta sér þess í stað gloppur í Evrópulöggjöf til að ráða erlent starfsfólk gegn mun lægri launum.

Varað við fannfergi um allt Bretland

Breskir veðurfræðingar vara við mestu snjókomu í 20 ár um nánast allt Stóra-Bretland í dag. Ekki er nóg með að allt að 30 sentimetra djúpum jafnföllnum snjó sé spáð heldur gera veðurstofur landsins einnig ráð fyrir fimbulkulda alla vikuna.

Missti stjórn á bíl og hafnaði á grindverki

Ökumaður slapp ómeiddur þegar hann missti stjórn á bíl sínum á Hringbrautinni í Reykjavík um tvöleytið í nótt og lenti á grindverki á milli akbrautanna, rétt austan við Umferðarmiðstöðina.

Eldur í vörubrettastæðu og rusli

Eldur var kveiktur í vörubrettastæðu á athafnasvæði Bykó í Kópavogi á tólfta tímanum í gærkvöldi og náði hann að læsa sig í vörugám, þannig að eldur kviknaði í innihaldi hans. Slökkviliðinu tókst að hindra að eldurinn breiddist í nálægar byggingar, en töluverðan tíma tók að slökkva í innihaldi gámsins og varð að taka allt út úr honum til að slökkva örugglega í glæðum.

Brenndist á fæti í hver

Maður brenndist á fæti þegar jörðin gaf sig skyndilega undan honum þar sem hann var á göngu skammt ofan við Gufudal við Hveragerði í gærkvöldi. Annar fótur hans sökk upp að hné en mikill jarðhiti var undir yfirborðinu.

Hátt í tíu handteknir vegna hraðbankaþjófnaðar

Lögreglan á höfuðborgarsvæðinu hefur frá því í gærkvöldi handtekið hátt í tíu manns, grunaða um að hafa tekið þátt í að að stela heilum 500 kílóa hraðbanka úr anddyri verslunarmiðstöðvarinnar Sunnumarkar í Hveragerði í fyrrinótt.

Ólýðræðisleg skipun ráðherra

"Þarna er verið að styrkja sérfræðiþekkingu innan ríkisstjórnarinnar, en þessar skipanir eru ekki mjög lýðræðislegar. Þessir nýju ráðherrar eru ekki kosnir til þings og hafa því ekki lýðræðislegt umboð þjóðarinnar. Maður veltir því fyrir sér hvort stjórnarflokkarnir búi ekki yfir nógu öflugu fólki á þessum sviðum til að taka þessi ráðherraembætti að sér,“ segir Baldur Þórhallsson stjórnmálafræðiprófessor um skipun utanþingsráðherra í nýrri ríkisstjórn sem kynnt var í gær.

Stjórnendur kallaðir til vitnis

Lögmenn Hafnarfjarðarbæjar ætla að kalla hluta stjórnenda Orkuveitu Reykjavíkur (OR) og Bjarna Ármannsson, fyrrverandi stjórnarformann Reykjavik Energy Invest (REI), sem vitni í dómsmáli vegna sölu á hlut í Hitaveitu Suðurnesja (HS).

Brýnt að hraða uppgjöri banka

Nýr viðskiptaráðherra í stjórn Samfylkingar og Vinstri grænna, Gylfi Magnússon, segir sín fyrstu verk í starfi óhjákvæmilega verða tengd fjármálamarkaðinum enda vandamálin á þeim vettvangi fjölmörg. „Fyrst og fremst þarf að manna Fjármálaeftirlitið,“ segir Gylfi. „Þá þarf að hraða vinnu við að gera upp gömlu bankana og skilja milli þeirra og þeirra nýju, svo nýju bankarnir verði starfhæfir.“ Að auki þurfi að leysa úr vandamálum ýmissa smærri fjármálastofnana, sem séu í nokkru uppnámi. - hhs

Ánægður með lækkun vaxta

„Það sem ég sakna helst í verkefnaskránni er ákvörðun um að hverfa frá ríkisbankafyrirkomulaginu,“ segir Vilhjálmur Egilsson, formaður Samtaka atvinnulífsins um verkefnalista nýrrar ríkisstjórnar. „Það þarf að virkja erlenda kröfuhafa til að koma að eignarhaldi bankanna. Ég hefði viljað sjá nýja ríkisstjórn gefa merki um að það verði gert og að ekki verði byggt hér upp nýtt ríkisbankakerfi.“

Ánægður með nýjar áherslur

„Ég fagna því sérstaklega að það standi til að gera veigamiklar breytingar á gjaldþrotalöggjöfinni og varðandi greiðsluaðlögun heimila,“ segir Gylfi Arnbjörnsson, forseti ASÍ. „Áhersluatriði nýrrar stjórnar fara vel saman við það sem við hjá Alþýðusambandinu höfum lagt áherslu á á undanförnum vikum. En ríkisstjórnin hefur skamman tíma til stefnu. Því ríður á að fulltrúar ríkisstjórnar og aðilar vinnumarkaðar snúi bökum saman og finni leiðir út úr því skelfilega ástandi sem ríkir í atvinnumálum landsmanna.“ - hhs

Fólk í kröggum fær sparnað greiddan út

Nýmynduð ríkisstjórn Samfylkingar og Vinstri grænna hyggst setja lög um séreignarsparnað svo sjóðsfélagar sem komnir eru í fjárhagskröggur geti fengið fyrirgreiðslu úr honum tímabundið til þess að borga skuldir sínar.

GSM-endurvinnsla í Grafarvogi

Gylfi Gylfason í Símabæ í Hverafold hefur sett á fót GSM-endurvinnslu í búðinni. Endurvinnslan hefur tekið mikinn kipp í kreppunni. „Það er bara svo mikil taktbreyting í þjóðfélaginu núna. Farsímasnobbið er að deyja út,“ segir hann.

Þykir vænt um Geir

Jóhanna Sigurðardóttir sagði að sér þætti vænt um Geir H. Haarde fráfarandi forsætisráðherra þegar hún tók við lyklum af forsætisráðuneytinu úr höndum Þorgerðar Katrínar Gunnarsdóttur í kvöld. Hún sagði Geir gæddann mörgum mannkostum og bað Þorgerði að skila kveðju til formannsins.

Segir Jóhönnu ekki fara vel af stað

Björn Bjarnason fyrrverandi dóms- og kirkjumálaráðherra segir Jóhönnu Sigurðardóttur ekki hafa farið vel af stað á blaðamannafundi þar sem ríkisstjórnin var kynnt. Þar segir Björn að hún hafi sakað sig um að vera sveifaseinn sem ráðherra og vísaði þar til frumvarps um skuldaaðlögun.

Ætlar að endurskoða útgefnar veiðiheimildir

Steingrímur J. Sigfússon fjármála-, landbúnaðar- og sjávarútvegsráðherra í nýrri ríkisstjórn segir eitt af sínum fyrstu verkefnum verða að fara yfir aukningu á ákveðnum veiðiheimildum sem gefnar hafa verið út á þessu ári og því næsta.

Kolbrún komin með lyklana

Kolbrún Halldórsdóttir tók við embætti umhverfisráðherra í dag, sunnudaginn 1. febrúar 2009, af Þórunni Sveinbjarnardóttur sem gegnt hefur embætti umhverfisráðherra síðan 24. maí 2007.

Össur fær lyklana í fyrramálið

Össur Skarphéðinsson mun taka við lyklavöldum í Utanríkisráðuneytinu af Ingibjörgu Sólrúnu Gísladóttur klukkan 11:00 í fyrramálið. Össur sest þá í stól utanríkisráðherra en mun einnig gegna embætti iðnaðarráðherra.

Rúmlega hundrað létust eftir sprengingu í eldsneytisbíl

Að minnsta kosti 111 manns létust þegar eldsneytisflutningabíll sprakk í loft upp í Keníu í morgun. 200 til viðbótar særðust í eina af mannskæðasta slysi í sögu landsins.

Gamalt vín á nýjum belgjum

Varaformaður Sjálfstæðisflokksins segir stjórnarsáttmála nýrrar ríkisstjórnar gamalt vín á nýjum belgjum. Hún útilokar samt ekki að flokkurinn muni styðja eitthvað að fumvörpum nýju stjórnarinnar.

Samstaða á miðstjórnarfundi Framsóknarflokksins

Fjölmennur miðstjórnarfundur Framsóknarflokksins var haldinn í dag í húsnæði Háskóla Íslands við Stakkahlíð í Reykjavík. Mikil stemning og samstaða ríkti á fundinum og kom m.a. fram mikil ánægja með framgöngu nýrrar forystu og þingflokks framsóknarmanna í stjórnarmyndunarviðræðum undanfarna daga.

Áframhaldandi samstarf við AGS mikilvægt

Jóhanna Sigurðardóttir var beitt á blaðamannafundi nýrrar ríkisstjórnar á Hótel Borg fyrir stundu. Þar sagði hún að allir sínir ráðherrar þyrftu að vinna hratt, af festu og ábyrgð til þess að heimilin í landinu sjái að ný ríkisstjórn ætli að slá skjaldborg um heimilin í landinu. Hún sagði einnig grundvallaratriði að halda áfram samstarfi við Alþjóðagjaldeyrissjóðinn.