Landsfundi Samfylkingar flýtt

Landsfundi Samfylkingarinnar verður að öllum líkindum flýtt og haldinn í mars eða apríl. Ráðgert var að halda fundinn næstkomandi haust. Sjálfstæðisflokkurinn hugðist halda landsfund sinn um næstu helgi en nú lítur allt út fyrir að kosið verði til Alþingis 9. maí. Miðstjórn flokksins ákvað í gærdag að fresta fundinum fram til 26. til 29 mars. Þá var ákveðið á stjórnarfundi Vinstri grænna í gær að boða til landsfundar þriðju helgina í mars.

Skemmdarverk á vefsíðu Nýs lýðveldis

Skemmdarverk hafa verið unnið á nýstofnaðri síðu Nýs lýðveldis, www.nyttlydveldi.is þar sem skorað er á forseta og Alþingi að hlutast til um myndun utanþingsstjórnar og boðun stjórnlagaþings, að fram kemur í tilkynningu frá Ólínu Þorvarðardóttur sem einn af forsvarsmönnum Nýs lýðveldis. Aðstandendur síðunnar hugleiða nú stöðuna og munu snúa sér með málið til lögreglu.

Ýttu manni fyrir lest í Kaupmannahöfn

Danska lögreglan handtók í morgun fjóra karlmenn og eina konu fyrir að hafa ýtt fjörutíu og átta ára gömlum karlmanni fyrir lest. Atvikið var í morgun á lestarstöð í Ishøj-hverfinu í norð-vesturhluta Kaupmannahafnar.

Nýtt lýðveldi kom fyrir hvítum borðum

Hvítum borðum var komið fyrir á ljósastaurum um alla borg í nótt. Hópur sem kallar sig Nýtt lýðveldi stóð fyrir þessu en hóurinn berst fyrir því að ný stjórnarskrá verði skrifuð og að nýtt lýðveldi verði stofnað á grundvelli hennar.

Ökumaðurinn í haldi lögreglu

Maður sem grunaður er um að hafa hafa ekið á ungan mann í nótt og stundið af er í haldi lögreglu. Maðurinn sem fyrir bílnum varð hlaut höfuðáverka og var fluttur lífhættulega slasaður á slysadeild.

Myrti tvö börn og fóstru á dagvist

Íbúar í bænum Dendermonde í austurhluta Belgíu eru harmi slegnir eftir að ungur maður réðst inn á dagvist barna í borginni í gær vopnaður hnífi. Hann myrti þar tvö ungabörn og fóstru þeirra og særði tólf til viðbótar.

Geir: Ekki rétt að mynda þjóðstjórn

Geir H. Haarde, forsætisráðherra og formaður Sjálfstæðisflokksins, segir ekki rétt að mynda þrátt fyrir veikindi sín og formanns Samfylkingarinnar. Geir sagði í þættinum Vikulokin í morgun að engan annan kost betri en núverandi ríkisstjórn Sjálfstæðisflokks eða Samfylkingar. Hvort sem um er að ræða minnihlutastjórn Samfylkingar og Vinstri grænna með hlutleysi Framsóknarflokks, utanþingsstjórn eða þjóðstjórn.

Mótmælt á Austurvelli

Safnast verður saman á Austurvelli í dag, 16. helgina i röð, á mótmælafundi Radda fólksins. ,,Þrátt fyrir áfangasigur með yfirlýsingu um kosningar 9. maí nk. má ekki slaka á. Þjóðin getur ekki búið við vanhæfa ríkisstjórn deginum lengur. Sömu stjórnirnar sitja sem fastast í Seðlabanka og Fjármálaeftirliti og útrásarvíkingarnir leika lausum hala. Sameinumst um að reka endahnút á siðleysi og spillingu – hefjum vorhreingerningar í íslenska stjórnkerfinu," segir á vef samtakanna.

Ingibjörg og Geir funda á eftir

Formenn stjórnarflokkanna hittast síðdegis til að ræða um stjórnarsamstarfið. Varaformaður Sjálfstæðisflokksins vonast til að ríkisstjórnarsamstarfið haldi fram að kosningum í vor.

Ríkisstjórnin hefur glatað trausti þjóðarinnar

Ágúst Ólafur Ágústsson, varaformaður Samfylkingarinnar, segir að ríkisstjórnin hafi glatað trausti sínu meðal þjóðarinnar. Hann viðurkennir að nýlegar skoðanakannanir séu flokknum áfall. ,,Okkur bíður mikil vinna við að endurvekja traust almennings ef við ætlum að halda áfram að starfa í núverandi ríkisstjórn."

Samtök gegn fóstureyðingum fordæma ákvörðun Obama

Barack Obama, Bandaríkjaforseti, aflétti í gærkvöldi takmörkunum á opinberum fjárstuðningin við bandarísk samtök sem veita fjölskylduráðgjöf utan Bandaríkjanna. Það tekur einnig til samtaka sem veita upplýsingar og ráðgjöf um fóstureyðingar. George Bush fyrrverandi forseti hafði komið þeim takmörkunum á.

Ísland reist við í Mývatnssveit í dag

Mótmælafundur verður haldin í annað sinn í Mývatnssveit í dag og beinast mótmælin að sömu atriðum og á Ísafirði, Akureyri, Egilsstöðum og Austurvelli, að fram kemur i tilkynningu. Krafist er afsagnar ríkisstjórnar, bankastjóra Seðlabankans og forstjóra Fjármálaeftirlitsins. ,,Fjöldi mótmælenda eða stærð byggðarlags skiptir hér ekki máli. Raddir fólksins þurfa að heyrast sem víðast."

Frjálslyndir hafna aðildarviðræðum í póstkönnun

Frjálslyndi flokkurinn vill ekki að Ísland leiti eftir aðild að Evrópusambandinu. Á miðstjórnarfundi flokksins sem hófst í morgun var kynnt niðurstaða úr skoðanakönnun sem gerð var meðal flokksmanna. 34,8% flokkamanna eru fylgjandi aðildarviðræður en 51,6 eru á móti. Tæplega 10% flokksmanna eru óákveðnir.

Vilja leiðtoga uppreisnarmanna framseldan

Ráðamenn í Kongó hafa óskað eftir því að Laurent Nkunda, leiðtogi uppreisnarmanna í landinu, verði framseldur. Ráðamenn í Rúanda tilkynntu í gærmorgun að herlið þeirra hefði tekið Nkunda höndum í búðum hands við landamærin að Úganda.

Birkir Jón: Ætlum að standa undir væntingum fólks

,,Þetta eru viðbrögð almennings að Framsókn er að svara því kalli að breytinga er þörf í íslenskum stjórnmálum," segir Birkir Jón Jónsson, varaformaður Framsóknarflokksins, um gott gengi flokksins í skoðanakönnunum.

SÞ skóla á nýjan leik á Gaza

Sameinuðu þjóðirnar opnuðu í morgun aftur skóla á Gaza svæðinu sem lokað var þegar árásir Ísraela á svæðið hófust rétt fyrir áramót. Búist er við að um tvö hundruð þúsund palestínsk börn setjist þar aftur á skólabekk.

Fámennt við þinghúsið í gær

Fámennur hópur mótmælenda kom saman við Alþingishúsið um kvöldmatarleytið í gær. Fólkið barði trommur og potta. Allt var með friði og spekt. Margir klæddust appelsínugulum flíkum til marks um að mótmælin væru friðsamleg.

Hálka víða um land

Vegagerðin varar ökumenn við hálku á þjóðvegum víða um land, einkum á fáfarnari leiðum og á fjallvegum. Þannig er flughált í kringum Þingvallavatn og á Bláfjalla- og Krýsuvíkurleið. Sömuleiðis er flughált á Mývatns- og Möðrudalsöræfum og á Vatnsskarði eystra.

Fjögur dauðsföll á tveimur vikum vegna fuglaflensu

Kínversk yfirvöld tilkynntu í morgun að kona um þrítugt hefði í gær látist af völdum fuglaflesnsu í norð vestur hluta landsins. Áður hafði verið tilkynnt um þrjú önnur dauðsföll af völdum sjúkdómsins síðasta hálfa mánuðinn. Fimmta manneskjan mun hafa veikst.

Opið í Hlíðarfjalli og Siglufirði

Skíðasvæðið á Siglufirði verðu opið í dag á milli klukkan 12 og 17. Að sögn Egils Rögnvaldssonar, umsjónarmanns svæðisins, er skíðafæri gott og nægur snjór. ,,Við höfum verið að fá 150 til 200 manns á góðum dögum. Aðkomufólk er mjög duglegt að heimsækja okkur sem er mjög ánægjulegt," segir Egill.

Rólegt hjá lögreglu víðs vegar um landið

Nóttin var víðast hvar tíðindalítil, að sögn lögreglu. Talsverður erill var þó hjá lögreglunni á höfuðborgarsvæðinu og voru þrír teknir grunaðir um ölvunarakstur og aðrir þrír grunaðir um akstur undir áhrifum fíkniefna. Þá hafði lögreglan í Borgarnesi afskipti af tveimur ökumönnum vegna fíkniefnaaksturs.

Stakk af eftir að hafa ekið á vegfaranda

Lögreglan leitar manns sem ók á ungan mann á mótum Laugavegar og Smiðjustígs um klukkan hálf fjögur í nótt. Maðurinn var fluttur með höfuðáverka á slysadeild og sögn lögreglu er hann lífshættulega slasaður.

Fáir styðja núverandi stjórn

Núverandi ríkisstjórn er mjög óvinsæl, samkvæmt nýrri skoðanakönnun Fréttablaðsins. Bæði er það að ríkisstjórnarflokkarnir tveir, Sjálfstæðisflokkur og Samfylking, eru að tapa fylgi hvort sem litið er til síðustu könnunar eða síðustu alþingiskosninga. Hins vegar segjast einungis 20,3 prósent styðja núverandi ríkisstjórn, en stuðningur við ríkisstjórnina var 71,9 prósent í febrúar fyrir tæpu ári.

AGS styður stefnu en ekki flokka

„Mörg ríki hafa farið í gegnum kosningar og sum hafa jafnvel skipt um ríkisstjórn á meðan unnið er eftir áætlun Sjóðsins, án þess að áætlunin truflist mikið,“ segir Mark Flanagan, yfirmaður áætlunar Alþjóðagjaldeyrissjóðsins gagnvart Íslandi, í tölvupósti til Fréttablaðsins, aðspurður hvort kosningar eða breytt ríkisstjórn myndi hafa áhrif á samstarfið við sjóðinn.

Samstarfið í óvissu

Tillaga Sjálfstæðisflokksins um kosningar í maí dugar ekki ein og sér til að halda stjórnarsamstarfinu áfram. Ingibjörg Sólrún Gísladóttir segir ótímabært að fullyrða nokkuð um samstarfið fyrr en hún hefur hitt Geir H. Haarde. Þau munu ræða saman í dag og fara yfir stöðuna.

Pálína kann vel við sig á Gasasvæðinu

„Yfirleitt líður mér óskaplega vel inni á Gasa og fólkið þar er gott,“ segir Pálína Ásgeirsdóttir, sendifulltrúi Alþjóða Rauða krossins í Palestínu. Mikil samkennd sé meðal Gasabúa, sem taki erlendum hjálparstarfsmönnum fagnandi.

Fjögurra flokka stjórn erfið

Ármann Kr. Ólafsson, þingmaður Sjálfstæðisflokksins, segir að í ljósi allra aðstæðna hafi frestun landsfundar og tillaga um kosningar 9. maí verið það eina rétta.

Stjórnarslit voru tíð

„Það var mun eðlilegra áður fyrr að stjórnir sætu ekki út kjörtímabilið. Fyrir 1988 er það eiginlega bara Viðreisnarstjórnin sem svo gerir," segir Guðni Th. Jóhannesson sagnfræðingur.

Fylgi Samfylkingar hrynur

Fylgi Samfylkingar hrynur í nýrri skoðanakönnun Fréttablaðsins. Einungis 19,2 prósent segjast styðja flokkinn og hefur fylgið ekki verið minna í tvö ár.

Þrjú hundruð verið tilnefnd

Hátt í þrjú hundruð tilnefningar hafa borist vegna samfélagsverðlauna Fréttablaðsins sem veitt verða þann 5. mars.

Ný slökkvistöð sé í Seljahverfi

Hjá Slökkviliði höfuðborgarsvæðisins er nú til skoðunar ný lóð fyrir slökkvistöð í stað umdeildrar staðsetningar við Stekkjarbakka í Elliðaárdal. Stekkjarbakki er talinn ákjósanlegur fyrir byggingu nýrrar slökkvistöðvar en þessari hugmynd mótmæla þó bæði íbúar í næsta nágrenni og aðrir unnendur útvistarsvæðisins í Elliðaárdal.

Spyr um þinghald

„Ég tel þörf á því að forystumenn allra flokka verði nú kallaðir saman hið fyrsta,“ segir Guðjón Arnar Kristjánsson, formaður Frjálslynda flokksins. „Það þarf að ákveða hvaða mál á að fara með í gegnum þingið áður en því verður slitið og menn hefja sína kosningabaráttu.

Snýr sér að efnahagsmálum

Barack Obama Bandaríkjaforseti átti í gær fundi með þingmönnum beggja flokka og hvatti þá til að styðja efnahagsaðgerðir sínar. Ástandið í efnahagslífi þjóðarinnar krefjist þess að þingið taki til sinna ráða, jafnvel þótt sumum þingmönnum hugnist ekki sumir hlutar aðgerðanna.

Kosningar geta lengt kreppuna um tvö ár

Eins og öðrum var Þorgerði Katrínu Gunnarsdóttur, menntamálaráðherra og varaformanni Sjálfstæðisflokksins, brugðið eftir tíðindin sem Geir H. Haarde færði samflokksmönnum sínum í Valhöll í gær. „Ég er slegin yfir þessum tíðindum og get ekki hugsað um annað að svo stöddu,“ sagði Þorgerður við fréttamenn í Valhöll í gær.

Systkini skölluðu og bitu varðstjóra

Systkini voru dæmd í fjögurra mánaða skilorðsbundið fangelsi í Hæstarétti í gær fyrir að hafa ráðist á varðstjóra lögreglu á lögreglustöð. Fólkið skallaði og beit lögregluþjóninn.

Mörg mál eru enn ókláruð

„Kosningar voru svo sem komnar á sjónarsviðið með einum eða öðrum hætti. Aðalatriðið er að út úr því ferli öllu komi einhver vilji og geta til að taka framtíðar-ákvarðanir, sem skila þjóðinni áfram en ekki aftur á bak,“ segir Vilhjálmur Egilsson, framkvæmdastjóri Samtaka atvinnulífsins.

Ingólfur köttur enn ófundinn

„Við höfum ekki enn fundið Ingólf, en höfum fengið fjöldann allan af vísbendingum frá fólki sem telur sig hafa séð hann,“ segir Phillip Krah, eigandi kattarins Ingólfs sem týndist þegar íbúð sem Phillip bjó í ásamt unnustu sinni og vini varð eldi að bráð í byrjun mánaðarins.

Þriðjungur að eyða fóstri á ný

Þriðjungur þeirra kvenna á Íslandi sem fór í fóstureyðingu á árinu 2007 hafði áður látið eyða fóstri. Þetta kemur fram í tölum frá Landlæknisembættinu.

Örfáir myndu framselja hann

Ratko Mladic nýtur enn mikilla vinsælda og stuðnings í Serbíu, þrátt fyrir að hafa verið eftirlýstur stríðsglæpamaður í meira en áratug.

Lögregluþjónn skaut unnustu

Lögregluþjónn í Tromsö í Noregi skaut í gær fyrrverandi sambýliskonu sína til bana á bílastæði fyrir utan barnaskóla þar sem hún vann. Því næst gerði hann tilraun til að svipta sig lífi.

Vilja fresta endurskoðun

Formenn aðildarfélaga ASÍ ræddu á fundi í gær að fresta endurskoðun kjarasamninga fram á vor. Vinnuveitendur vilja segja upp samningnum eða fresta hækkunum fram undir lok samningstímabilsins. Ákvörðun verður tekin í febrúar.

Stakk á annan tug ungbarna

Geðbilaður maður vopnaður hnífi óð inn á barnadagheimili í flæmskum bæ í gær og stakk þar alla sem á vegi hans urðu. Tvö ungbörn dóu og ein fóstra. Tíu börn til viðbótar liggja mismikið særð á sjúkrahúsi. Meiðsli sumra þeirra kváðu vera alvarleg.

Ljósastaurar skreyttir hvítum borðum

Menn hafa í kvöld farið um götur miðborgarinnar og bundið hvíta borða á ljósastaura. Um nokkurskonar gjörning virðist vera um að ræða sem gengur út á að vekja athygli á heimasíðunni nyttlydveldi.is, en þar setur rithöfundurinn Njörður P. Njarðvík fram hugmyndir um breytta stjórnarhætti hér á landi. Ætlun þeirra sem standa að gjörningnum er sú að í fyrramálið verði allir ljósastaurar miðborgarinnar skreyttir hvítum borðum.

Þyrla sækir slasaða konu

Þyrla Landhelgisgæslunnar var kölluð út í kvöld til þess að sækja slasaða konu í sumarbústað austan við Gunnarsholt á Suðurlandi. Samkvæmt upplýsingum mun konan hafa hrasað með þeim afleiðingum að hún brotnaði á öxl og handlegg. Útkallið barst um klukkan hálfníu og er búist við þyrlunni til baka fyrir klukkan hálfellefu.

Enn mótmælt á Austurvelli en á friðsamlegum nótum

Um 40 manns eru nú saman komin á Austurvelli þar sem trommur og pottar eru barðir taktfast og kallað er eftir því að ríkisstjórnin fari frá. Allt er með friði og spekt og lögregla er hvergi sjáanleg. Skilaboð forystumanna ríkisstjórnar um að boða skuli til kosninga hafa því ekki dregið tennurnar úr mótmælendum sem ætla ekki að láta deigann síga og tromma sem aldrei fyrr við Alþingishúsið.