Gos hafið í eldfjalli í Chile

Gos er hafið í eldfjallinu Laima í Chile og hafa um 150 manns verið fluttir frá svæði í grennd við fjallið

Lögreglan á Suðurnesjum í sannkölluðu nýárshlaupi

Lögreglan á Suðurnesjum elti í gærmorgun uppi þrjá menn sem reyndu að komast undan eftir að lögregla hafði afskipti af þeim vegna gruns um akstur undir áhrifum vímuefna.

Vandræði um borð í Queen Victoria

Það þykir boða ógæfu ef kampavínsflaskan brotnar ekki þegar skipi er hleypt af stokkunum. Og það er einmitt raunin í tilfelli Queen Victoria einu nýjasta og dýrasta skemmtferðaskipi heims.

Obama eykur forskot sitt á Clinton í Iowa

Það stefnir í spennandi forkosningar í ríkinu Iowa á fimmtudag, hinar fyrstu í forvalinu á forsetaefnum flokkanna tveggja í Bandaríkjunum. Nýjustu kannanir sýna að Barak Obama eykur forskot sitt á Hillary Clinton hjá Demókrötum.

Þrír handteknir fyrir veggjakrot

Lögregla handtók þrjá sautján ára pilta undir morgun á Laugaveginum í morgun, grunaða um veggjakrot á þó nokkur hús í grenndinni.

Níu útköll í gærkvöldi vegna elda

Slökkviliðið á höfuðborgarsvæðinu var kallað út níu sinnum í gærkvöldi og fram á nótt vegna elda, en engan sakaði í þeim.

Lögreglan á höfuðborgarsvæðinu lýsir eftir 19 ára dreng

Lögreglan á höfuðborgarsvæðinu lýsir eftir 19 ára dreng Jakobi Hrafni Höskuldssyni, sem síðast sást við Broadway um kl. 05.30 aðfaranótt nýársdags.

Fréttaannáll Stöðvar 2

Brennd inni í kirkju í Kenya

Yfir 250 manns hafa látið lífið í óeirðum í Kenya eftir hinar umdeildu forsetakosningar 27. desember síðastliðinn.

Ráðherra í klámkvikmyndum

Heilbrigðisráðherra Malasíu hefur viðurkennt að hann sé karlmaðurinn í tveim klámmyndum sem hefur verið víða dreift í landinu.

Fjölskyldan er hjónaband karls og konu -Benedikt páfi

Í nýjársávarpi sínu lagði Benedikt sextándi páfi áherslu á að vernda þyrfti hina hefðbundnu fjölskyldu til að tryggja frið í heiminum á komandi ári.

Zuma fyrir dómstóla í ágúst

Jakob Zuma forseti Afríska þjóðarráðsins verður dreginn fyrir rétt fyrir spillingu. Embætti ríkissaksóknara tilkynnti í dag að búið væri að leggja fram ákæru og réttarhöld hæfust í ágúst næskomandi.

Handtekinn fyrir orðróm um Putin

Maður sem vann hjá símafyrirtæki í Íran hefur verið handtekinn fyrir að koma af stað orðrómu um að gert hefði verið samsæri um að myrða Vladimir Putin Rússlandsforseta þegar hann kæmi til ráðstefnu í Teheran í október síðastliðnum.

Margrét þú ert hræsnari

Extra Bladet danska vandar Margréti Þórhildi drottningu ekki kveðjurnar vegna áramótaávarps hennar.

Færeyskan verður þjóðtunga

Færeyska landstjórnin hefur látið undirbúa þingsálykturnartillögu um að færeyskan fái stöðu þjóðtungu og verði einnig notuð í opinberu máli.

Hvað varð Benazir Bhutto að bana ?

Benazir Bhutto er dáin og grafin, en það eru enn heitar deilur um hvað það í rauninni var sem varð henni að fjörtjóni.

Flýið, Marsbúar Flýið

Líkurnar á því að loftsteinn sem er á stærð við fótboltavöll rekist á Mars í lok þessa mánaðar hafa aukist umtalsvert.

Brennur tendraðar klukkan sex

Brennur á höfuðborgarsvæðinu verða haldnar klukkan sex í kvöld fyrir utan brennur á Seltjarnarnesi og í Hafnarfirði sem verða haldnar á þrettándanum. Þetta var ákveðið á fundi slökkviliðs og lögreglu rétt fyrir hádegi í dag. Öllum brennum á höfuðborgarsvæðinu var aflýst í gær sökum veðurs. Að sögn slökkviliðsstjóra höfuðborgarsvæðisins er spáð 5-10 metrum á sekúndu og lítilsháttar éljum í kvöld.

Fluttir fullir frá Suðurpólnum

Tveir menn voru fluttir með herflugvél frá Suðurpólnum á jóladag hefur að hafa lent þar í fyrstu barslagsmálum í sögu þess heimshluta.

Tjá sig ekki um árás tígrisdýrsins

Bræðurnir sem urðu fyrir árás tígrisdýrs í San Francisco fyrir áramótin hafa verið útskrifaðir af sjúkrahúsi. Dýrið drap félaga þeirra.

Ellefu fengu fálkaorðuna

Við athöfn á Bessastöðum í dag, 1. janúar 2008 sæmdi forseti Íslands ellefu Íslendinga heiðursmerki hinnar íslensku fálkaorðu.

Rólegt á yfirborðinu í Naíróbí, en kraumar undir niðri

Ómar Valdimarsson, sendifulltrúi Rauða krossins er búsettur í Nairóbí í Kenýa þar sem nú ríkir afar ótryggt ástand í kjölfar umdeildra forsetakosninga þar sem stjórnvöld hafa verið ásökuð um víðtækt kosningasvindl. Að minnsta kosti 250 hafa fallið í átökum síðustu daga en Ómar, sem vinnur sem forstöðumaður upplýsingadeildar á svæðisskrifstofu Alþjóðasambands Rauða krossins og Rauða hálfmánans fyrir Austur-Afríku, segir að dagurinn í dag sé sá rólegasti frá því kosningarnar fóru fram í síðustu viku.

Olmert undirbýr skiptingu Jerúsalem

Ehud Olmert, forsætisráðherra Ísraels gaf í skyn í dag að Ísraelar kunni að neyðast til þess að deila Jerúsalem með Palestínumönnum.

Eldur kom upp í tilvonandi áhaldahúsi Hafnarfjarðarbæjar

Eldur kom upp í nýbyggingu sem verktakafyrirtækið Eykt reisir á Miðhellu í Hafnarfirðinum. Byggingunni er ætlað að hýsa áhaldahús bæjarins þegar fram líða stundir. Talið er líklegt að um íkveikju sé að ræða og er tjónið töluvert þó húsið sé tómt. Mikill hiti myndaðist inni í húsinu og stálbitar í lofti þess eru taldir hafa bognað af völdum hitans.

Ólafur Ragnar ætlar að bjóða sig fram í annað kjörtímabil

Ólafur Ragnar Grímsson, forseti Íslands, tilkynnti í áramótaávarpi sínu nú rétt í þessu að hann hyggist gegna embættinu áfram í annað kjörtímabil, fái hann til þess stuðning hjá íslensku þjóðinni.

Nýju ári fagnað um allan heim

Nýju ári var fagnað með skoteldum víða um heim í nótt. Á Rauða torginu í Moskvu dönsuðu Rússar um með þjóðfána sinn. Orð Pútíns forseta í áramótaávarpi hans um hagvöxt og samheldni þjóðarinnar þeim hvatning.

Fyrsta barn ársins fimmtán marka stúlka

Fyrsta barn ársins, eftir því sem næst verður komist, fæddist í Hreiðrinu á Kvennadeild Landspítalans í Reykjavík klukkan fimm mínútur yfir eitt í nótt. Það reyndist stúlka og var annað barn foreldra sinna.

Einbýlishús á Eskifirði skemmdist í eldi

Eldur kom upp í einbýlishúsi á Eskifirði skömmu fyrir miðnætti í gærkvöld. Eldurinn breiddist út á skömmum tíma og logaði glatt í miðrými hússins. Tvo klukkutíma tók að slökkva eldinn og urðu miklar skemmdir á húsinu. Engan sakaði og voru eigendur hússins ekki heima.

Sextíu hófu árið á slysadeild

Sextíu manns á öllum aldri komu á slysadeild Landspítalans á nýársnótt vegna ýmiss konar áverka. Þrír voru lagðir inn með beinbrot. Að sögn vakthafandi læknis voru einhverjir með brunasár á höndum og í andliti eftir notkun flugelda en þó engin alvarleg tilvik.

Erilsamt hjá lögreglu í Reykjavík

Nóttin var erilsöm hjá lögreglunni á höfuðborgarsvæðinu aðallega vegna almennrar ölvunar. Karlmaður á fertugsaldri var handtekinn í Breiðholti í nótt eftir að hann hafði lagt til annars manns með hníf og veitt honum áverka á hálsi.

Eldsvoðar í Gilsbúð og í Álakvísl

Nýársnóttin var tiltölulega róleg hjá Slökkviliði Höfuðborgarsvæðisins en þó voru tvö tiltölulega stór útköll. Eldur var borinn að stæðu af vörubrettum fyrir utan iðnaðarhúsnæði Gilsbúð í Garðabænum og logaði þar glatt. Rúða sprakk í hitanum frá eldinum og fór reykur inn í húsnæðið. Að sögn slökkviliðs mátti litlu muna að eldurinn kæmist ekki inn þar sem töluverður eldsmatur var.