Berjast gegn siðleysi í klæðaburði

Lögregla í Íran skar í gær upp herör gegn ósiðlega klæddu kvenfólki, og karlmönnum með vestrænar hárgreiðslur. Tugir lögreglumanna gengu um götur Teheran og stöðvuðu fólk sem ekki klæddi sig í samræmi við íslamskar siðsemisreglur. Hundruð manna hafa verið handtekin frá því í apríl, þegar lög voru sett sem um klæðaburð, en nú á að herða sóknina gegn siðleysinu. Viðurlög við brotunum geta verið hýðingar, sektir eða fangelsisvist.

Mugabe ætlar að þjóðnýta fyrirtæki í Zimbabwe

Robert Mugabe, forseti Zimbabwe, mun á næstunni kynna nýtt frumvarp um þjóðnýtingu og annað þess efnis að forseti landsins verði ekki kosinn af almenningi heldur þingmönnum. Zimbabwe, sem var áður eitt gjöfulasta land í suðurhluta Afríku, berst nú í bökkum vegna mikils matarskorts og gríðarlegrar verðbólgu.

Fyrstu netkappræðurnar

Frambjóðendur demókrata til forsetakosninganna í Bandaríkjunum á næsta ári hafa nýhafið kappræður á netinu, þær fyrstu sinnar tegundar. Í kappræðunum verður spurningum frá almenningi varpað til frambjóðendana í þrjátíu sekúndna löngum myndskilaboðum í gegnum myndbandsvefinn YouTube.

Bílslys á Reykjanesbraut

Bílslys varð á Reykjanesbraut norðanmegin við Kúagerði nú fyrir skömmu. Lögregla og sjúkraflutningamenn eru á staðnum og samkvæmt lögreglunni á höfuðborgarsvæðinu er talið einhverjir séu fastir í bílum. Lögreglan hafði ekki frekari upplýsingar um slysið að svo stöddu.

Hæstu salerni í Evrópu

Tveimur salernum hefur verið komið fyrir nálægt toppi Mont Blanc, að því er fram kemur á fréttavef Ananova, og eru þau hæstu salerni í Evrópu. Meira en þrjátíu þúsund manns klífa Mont Blanc á hverju ári og að sögn Jean-Marc Peillex, bæjarstjóra í Chamonix í Frakklandi, var löngu orðið tímabært að koma salernunum fyrir.

Sprenging í bókaútgáfu í Saudí-Arabíu

Sprenging hefur orðið í bókaútgáfu í Saudí-Arabíu síðastliðin tvö ár og um helmingur höfunda árið 2006 voru konur. 26 skáldsögur voru gefnar út árið 2005 en þær voru um 50 árið 2006. Aukningin er að miklu leyti rakin til bókarinnar sem ber enska titilinn "Girls of Riyadh" eftir Raja Alsanea.

Verðlag enska boltans

Eftir rétt um þrjár vikur hefst útsending á enska boltanum á sjónvarpsstöðinni SÝN 2. Deilt hefur verið á verðlagið á stöðinni sem sumir telja alltof dýra.

Á skaki frá Rifi

Það er bölvað basl að standa í trilluútgerð segir Sigurður Páll Jónsson trillukarl. Hann segir kvótaverð orðið svo hátt að menn séu hættir að geta veitt upp í kostnað.

Læknanýlenda í Ungverjalandi

Milli fimmtíu og sextíu Íslendingar stunda nú nám í læknisfræði í Ungverjalandi. Stærstur hluti þeirra reyndi að komast í læknisfræði við Háskóla Íslands en hafði ekki erindi sem erfiði. Læknanámið ytra er fullgilt á Íslandi, sem og í öðrum löndum innan ESB.

Kosovo mun ekki lýsa yfir sjálfstæði

Leiðtogar Kosovo fullvissuðu Condoleezzu Rice, utanríkisráðherra Bandaríkjanna, á fundi í Washington í dag um þeir hefðu ekki í hyggju að lýsa yfir sjálfstæði. Skender Hyseni, talsmaður leiðtoga Kosovo, sagði fundinn staðfesta að Kosovo muni áfram vera í nánu samstarfi við bæði Bandaríkin og Sameinuðu þjóðirnar

Sveitarstjórn hundsar eftirlitsskyldu vegna virkjunar

Skipulagsstofnun telur Eyja- og Miklaholtshrepp hafa hundsað eftirlitsskyldu sína gagnvart Múlavirkjun á Snæfellsnesi. Framkvæmdir eru ekki í samræmi við þau gögn sem stuðst var við þegar stofnunin mat að virkjunin skyldi undanskilin mati á umhverfisáhrifum. Oddviti sveitarstjórnarinnar er jafnframt er forsvarsmaður virkjunarinnar.

Þjófóttur mávur

Nokkuð útsjónasamur mávur hefur undanfarið verið iðinn við að ræna pökkum af kartöfluflögum úr lítilli verslun í Skotlandi. Mávurinn virðist vita alveg upp á hár hvað hann vill og tekur alltaf sömu tegundina af flögum.

Danir gefast upp á Tetra-kerfinu

Danskir slökkviliðsmenn hafa gefist uppá Tetra fjarskiptakerfi sem hefur verið til reynslu í Kaupmannahöfn í nokkurn tíma. Í Bretlandi hafa líka orðið vart um vandræði með samskonar kerfi. Framkvæmdastjóri Neyðarlínunnar segir kerfin ekki sambærileg við það íslenska, sem sé nýjustu gerðar.

Tilraun til að setja heimsmet breyttist í harmleik

Flugmaður lést þegar hann flaug einshreyfilsvél sinni inn í fjögurra hæða íbúðarhúsnæði í Basal í Sviss í dag. Flugmaðurinn Hans Georg Schmid hugðist fljúga vél sinni yfir Atlantshafið í einni lotu. Hann lagði af stað frá flugvellinum í Basal og var ferðinni heitið til Bandaríkjanna.

Baráttan við alnæmi er að tapast

Heimurinn er að tapa baráttunni við alnæmi. Þetta segir einn helsti ráðgjafi Bush Bandaríkjaforseta í alnæmismálum. Hann segir að þrátt fyrir framfarir á sviði lækninga á sjúkdómnum þá sýkist árlega mun fleiri af alnæmi en hægt sé að hjálpa. Tuttugu og fimm milljónir manna hafa látist af völdum alnæmis í heiminum.

Samfylkingin svíkur kosningaloforð segja andstæðingar virkjana í Þjórsá

Guðfinnur Jakobsson bóndi í Skaftholti segir að Samfylkingin sé að svíkja kosningaloforð verði virkjanir í neðri hluta Þjórsár að veruleika. Heimamenn sem eru andsnúnir virkjununum þremur hittu iðnaðarráðherra að máli í vikunni og segja að hann hafi ekki útilokað að tekið yrði eignarnám vegna framkvæmdanna.

Þúsundir Breta án vatns og rafmagns eftir flóð

Björgunarsveitarmenn hafa í allan dag aðstoða fórnarlömb flóða nærri Gloucsterskíri í Bretlandi. Þúsundir manna eru nú án rafmagns og drykkjarvatns í einum mestu flóðum sem mælst hafa í Bretlandi í áratugi.

Dæmi um sumarbústaðir fari á allt að hundrað milljónir króna

Gríðarlega hækkanir hafa orðið sumarhúsum og virðast miklar framkvæmdir við smíði sumarbústaða ekki draga úr verðhækkunum. Dæmi er um að sumarhús fari á allt að hundrað milljónir króna.

Nokkur eldfjöll líkleg til að gjósa

Nokkrar þekktar eldstöðvar eru að gera sig líklegar til goss og jarðhræringarnar norðan Vatnajökuls benda til þess að eldgoss sé í aðsigi í Kverkfjöllum eða Öskju að mati Páls Einarssonar jarðeðlisfræðings. Ómögulegt er þó að segja til um hvar eða hvenær næsta eldgos á Íslandi verður.

Vill að Hagstofan fari með verðlagseftirlit

Finnur Árnason, Forstjóri Haga er hlynntur rafrænum verðkönnunum en segist ekki sjá fyrir sér að hægt verði að fylgjast með verðþróun dag frá degi. Hagar funduðu með Hagstofunni í lok júní þar sem þeir viðruðu þá hugmynd sína að veita Hagstofunni aðgang að gagnagrunni fyrirtækisins. Finnur segir eðlilegra að Hagstofan fari með verðlagseftirlit fremur en ASÍ eða Neytendastofa.

Áreitti flugfreyjur og hótaði þeim

Ofurölvaður flugdólgur, sem handtekinn var í Leifsstöð við komuna til landsins í gærmorgun frá Bandaríkjunum, á yfir höfði sér himin háar sektir og janfvel fangelsisdóm. Maðurinn veittist meðal annars að flugfreyjum og brást ókvæða við þegar lögregla hugðist ræða við hann.

Næturferðum Herjólfs ekki fjölgað frekar

Vegagerðin sér ekki ástæðu til þess að fara fram á það við Eimskip að fleiri næturferðir verði farnar milli lands og Eyja um verslunarmennahelgi en nú þegar hefur verið ákveðið. Þetta kemur fram í skeyti sem Elliða Vignissyni barst frá Gunnari Gunnarssyni aðstoðarvegamálastjóra í dag.

Ódýrara er auga en augu

Erlingur Brynjúlfsson hefur um nokkurt skeið rannsakað tölvusjón. Markmiðið er að geta búið til þrívíddarlíkön með einni venjulegri myndavél og reiknislíkani.

Lögregluembættin greiða ekki kostnað við aukið umferðaeftirlit

Embætti ríkislögreglustjóra áréttar vegna frétta, um að aukið umferðareftirlit sé kostnaðarsamt fyrir lögreglembætti landsins, að þau beri ekki kostnað sem til fellur vegna aukins umferðareftirlits á vegum landsins.

Allur pakkinn í Sony Center

Breytingar gerðar á starfsemi Sony Center í Kringlunni. Til stendur að auka úrval svokallaðra „high-end" vara og auka um leið þjónustu.

Írakar reyna að setja niður deilur sínar

Fimm helstu stjórnmálaleiðtogar Íraks munu setjast saman á fund í þessari viku til þess að reyna að binda enda á það pólitíska neyðarástand sem hefur lamað þjóðina í marga mánuði. Þar munu hittast leiðtogar kúrda og sjía og súnní múslima. Þeir munu meðal annars ræða um skiptingu á tekjum af olíuframleiðslu og um yfirráðasvæði hvers hóps fyrir sig.

Réttindalaus á níræðisaldri

Lögreglan á höfuðborgarsvæðinu stöðvaði um helgina réttindalausan ökumann á níræðisaldri. Hann var sá elsti af sautján réttindalausum ökumönnum sem voru stöðvaðir í bænum um helgina. En flestir hinna eru á þrítugs- eða fertugsaldri. Þeir höfðu ýmist verið sviptir ökuleyfi eða höfðu aldrei öðlast ökuréttindi. Fimmtán þeirra voru karlar og tvær konur. Fimm hinna réttindalausu reyndust jafnframt vera ölvaðir og tveir eru grunaðir um akstur undir áhrifum fíkniefna.

Skotið, klippt og upphalað beint

Talið er að nýi Samsung SCH-B750-farsíminn verði búinn ýmsum spennandi eiginleikum, meðal annars getunni til að taka upp hreyfimyndir, klippa þær og upphala á netið án milligöngu tölvu.

Lúkas kominn heim

Hundurinn Lúkas er kominn heim heill á húfi. Egnt var fyrir hann með æti og náðist hann í felligildru í morgun. Hann hefur verið týndur frá því í maí og hinar furðulegustu sögur gengið um afdrif hans síðan þá. Lögreglan á Akureyri rannsakaði meðal annars meint dráp á honum, þangað til að sást til hans sprellifandi í hlíðunum fyrir ofan Akureyri á dögunum.

21 stútur undir stýri um helgina

Tuttugu og einn ökumaður var tekinn fyrir ölvunarakstur í umdæmi lögreglunnar á höfuðborgarsvæðinu um helgina. Tveir voru stöðvaðir á föstudag, ellefu á laugardag, sjö á sunnudag og einn í nótt. Sextán voru teknir í Reykjavík, tveir í Kópavogi og Hafnarfirði og einn í Mosfellsbæ. Þetta voru sextán karlar og fimm konur. Fjórar kvennanna eru um tvítugt en ein er rúmlega hálffertug. Tæplega þriðjungur karlanna er undir tvítugu. Þar af eru tveir 17 ára en annar þeirra var á stolnum bíl.

Gordon Brown útilokar ekki hernað gegn Íran

Gordon Brown, forsætisráðherra Bretlands, útilokar ekki að hervaldi verði beitt til þess að fá Íran til þess að hætta kjarnorkuvopnaframleiðslu. Hann telur hinsvegar að refsiaðgerðir sem öryggisráð Sameinuðu þjóðanna hefur samþykkt muni duga til þess að fá Írana ofan af fyrirætlunum sínum.

Kvartað yfir reykjandi veitingahúsagestum

Nokkuð hefur borið á kvörtunum til lögreglu vegna háreysti gesta sem bregða sér út af veitingastöðum til að reykja. En eins og kunnugt er hefur verið bannað að reykja innandyra á öldurhúsum frá 1. júní. Í dagbók lögreglu kemur fram að hún hafi verið að benda gestgjöfunum á að það er bannað að hafa með sér áfengi út úr veitingahúsum, jafnvel þó það sé „bara" út á gangstétt. Lögreglan mun herða eftirlit með þessari hegðan gesta.

Ekkert bendir til að handtökuskipun hafi verið gefin út

Ræðismaður Íslands á Möltu segir ekkert benda til þess að handtökuskipun hafi verið gefin út á hendur skipstjóranum á Eyborginni. Ekkert bendir heldur til þess að yfirvöld á Möltu vilji ná tali af Ólafi Ragnarssyni skipstjóra Eyborgar.

Libya heimtar hátt lausnargjald fyrir hjúkrunarfólk

Libya vill fá fullt stjórnmálasamband við ríki Evrópusambandsins í skiptum fyrir fimm búlgarskar hjúkrunarkonur og palestinskan lækni sem hafa verið þar í fangelsi í átta ár. Þau eru sökuð um að hafa vísvitandi smitað yfir 400 libysk börn af eyðni og voru dæmd til dauða. Libyumenn krefjast einnig hárra skaðabóta og efnahagsaðstoðar.

Þúsundir heimila á rafmagns og drykkjarvatns í Englandi

Hátt í fimmtíu þúsund heimili eru án rafmagns og fjöldi fólks er án drykkjarvatns eftir miklar rigningar og flóð í vesturhluta Englands. Talið er að tryggingafélögin geti á endanum staðið frammi fyrir því að þurfa að greiða út hátt í tvö hundruð og fimmtíu milljarða króna í bætur vegna flóðanna.

Flokkur Erdogans vann stórsigur í kosningum í Tyrklandi

Forsætisráðherra Tyrklands ætlar að halda áfram endurbótum í landinu og vinna að inngöngu Tyrklands í Evrópusambandið. Flokkur Erdogans forsætisráðherra vann sigur í þingkosningum í Tyrklandi í gær.

Miklar líkur á eldgosi á næstunni

Miklar líkur eru á að eldgos verði á Íslandi á næstunni, að mati Páls Einarssonar jarðeðlisfræðings.. Nokkrar þekktar eldstöðvar eru að gera sig líklegar til goss og aðrar eru í startholunum. Jarðhræringarnar norðan Vatnajökuls gætu allt eins bent til eldgoss sé í aðsigi í Kverkfjöllum eða Öskju.

Skemmdir unnar á bílum á Selfossi

Nokkuð hefur verið um að skemmdir séu unnar á bílum í umdæmi lögreglunnar á Selfossi. Í síðustu viku bárust lögreglunni fjórar tilkynningar þar sem búið var að rispa lakk á bílum. Þá var umferðarmerkjum að verðmæti um 200 þúsund krónum stolið um helgina.

Tvær bílveltur í Borgarfirði í morgun

Tvær bílveltur urðu í morgun í umdæmi lögreglunnar í Borgarnesi. Flytja þurfti þrjá á slysadeild með minniháttar meiðsl. Báðir bílarnir eru gjörónýtir að sögn lögreglu.

Flugfélag til sölu -ódýrt

Ítalir eru nú svo örvæntingafullir að þeir eru tilbúnir til þess að selja ríkisflugfélagið Alitalia hverjum sem er, hvort sem það eru Eskimóar eða Kínverjar. Evrópuráðherra landsins, Emma Bonino lét þessi orð falla á blaðamannafundi þar sem fjallað var um flugfélagið.

Fjallað um Ísland í virtu bandarísku ferðatímariti

Fjallað er ítarlega um Norðurland og Vestfirði í nýjasta tölublaði bandaríska ferðatímaritsins Condé Nast Traveler. Greinin er 13 síður að lengd og er auglýsingaverðmæti umfjöllunarinnar metið á um 5,5 milljónir króna.

Matís leitar að óþekktum örverum

Matís tekur nú þátt í rannsóknum á lífríki lónsins í Skaftárkötlum sem hafa það að markmiði að finna óþekktar örverutegundir sem má nota í líftækni. Sérstakur bræðslubor var notaður til að bora í gegnum þrjúhundruð metra þykka íshellu til að komast að lóninu. Aðstæður eru einstakar, því lón undir íshellu jökla eru mjög sjaldgæf og þar má finna mjög einangruð og vel varðveitt vistkerfi.

Svindlað á íslenskum gististöðum

Dæmi eru um að erlendir aðilar reyni að svindla á gististöðum hérlendis og hafa af þeim fé. Um er ræða svindl þar sem notast er við stolin greiðslukort eða bankaávísunum. Upplýsingamiðstöðin á Hólmavík hefur sent út sérstaka viðvörun vegna þessa.

Krefjast þess að Múlavirkjun verði lagfærð

Svo kann að fara að Múlavirkjun valdi tjóni á lífríki Straumfjarðarár og Baulárvallavatns að mati Landverndar, landgræðslu og umhverfisverndarsamtaka Íslands. Þetta kemur fram í yfirlýsingu frá samtökunum. Þau krefjast þess að virkjunin verði lagfærð til samræmis við þau gögn sem lágu til grundvallar ákvörðun skipulagsstofnunar um að virkjunin skyldi ekki háð mati á umhverfisáhrifum. Segja þau að lög hafi verið brotin.

Ölvaður í flugi

Lögreglan á Suðurnesjum handtók í morgun karlmann sem var að koma úr flugi frá Bandaríkjunum. Að sögn lögreglunnar var maðurinn mjög ölvaður og lét ófriðlega. Honum var sleppt að lokinni skýrslutöku.