Lögregluembættin greiða ekki kostnað við aukið umferðaeftirlit

Embætti ríkislögreglustjóra áréttar vegna frétta, um að aukið umferðareftirlit sé kostnaðarsamt fyrir lögreglembætti landsins, að þau beri ekki kostnað sem til fellur vegna aukins umferðareftirlits á vegum landsins.

Í fréttum Stöðvar 2 síðastliðinn laugardag kom fram að kostnaður lögregluembætta landsins aukist vegna herts umferðareftirlits þar sem embættin greiða embætti ríkislögreglustjóra gjald fyrir hvern ekin kílómetra lögreglubíla.

Í yfirlýsingu frá embætti ríkislögreglustjóra segir að þetta sé ekki rétt."Samkvæmt samningi sem gerður var á grundvelli umferðaröryggisáætlunar milli Samgönguráðuneytisins, Umferðarstofu, Vegagerðarinnar og ríkislögreglustjórans þá greiðir Samgönguráðuneytið fyrir aukið umferðareftirlit lögregluembættanna. Ráðuneytið greiðir að fullu fyrir þann akstur og laun lögreglumanna að auki. Enginn viðbótarkostnaður leggst á lögregluembættin vegna aukins umferðareftirlis."

Yfirlýsinguna í heild sinni má sjá hér að neðan.