Sjáðu öll mörk helgarinnar í Bestu deildinni

Víkingur 2-2 Fram

Víkingur komst einu sinni yfir og Fram einu sinni í hörkuleik liðanna sem enda í efstu tveimur sætunum fyrir skiptingu. Ármann Ingi Finnbogason og Daníel Hafsteinsson skoruðu fyrir Víking en Kyle McLagan og Haraldur Einar Ásgrímsson fyrir Fram.

ÍA 3-1 KR

Viktor Jónsson skoraði öll þrjú mörk ÍA sem tryggði sér sæti í efri hlutanum með frábærum sigri á andlausum KR-ingum.

Þór 1-0 FH

Þór vann einkar mikilvægan 1-0 sigur á FH í lokaumferð Bestu deildar karla í fótbolta fyrir skiptingu. Þorri Ingólfsson, 17 ára lánsmaður frá Víkingi, skoraði sigurmarkið.

KA 2-1 Breiðablik

KA komst upp úr botnsæti Bestu deildar karla í fótbolta með 2-1 sigri á heillum horfnum Blikum á Akureyri í lokaumferðinni fyrir skiptingu. Hans Viktor Guðmundsson og Mikael Breki Þórðarson skoruðu mörk KA en Jónatan Guðni Arnarsson fyrir Blika.

Stjarnan 2-2 ÍBV

Stjarnan náði í stig gegn ÍBV eftir að hafa lent 2-0 undir í Miðgarði í lokaumferð Bestu deildar karla í fótbolta fyrir skiptingu. Mörk Daníels Finns Matthíassonar og Andra Rúnars Bjarnasonar jöfnuðu eftir að Aron Lucas Vokes og Alex Freyr Hilmarsson höfðu skorað fyrir ÍBV.

Keflavík 1-2 Valur

Valur vann 2-1 sigur á Keflavík á Ljósanótt á laugardag. Jónatan Ingi Jónsson og Dagur Orri Garðarsson skoruðu mörkin sem dugðu Val fyrir sigri.