Víkingar kaupa Hrannar Snæ frá Noregi

Knattspyrnudeild Víkings segir frá því í kvöld að félagið hafi komist að samkomulagi um kaupverð fyrir Hrannar Snæ.

Hrannar skrifar undir fjögurra og hálfs árs samning, eða út árið 2030.

Hrannar hóf ferill sinn hjá KF í 3 deildinni en hefur einnig leikið hér á landi fyrir Selfoss og Aftureldingu. 

Hann sló í gegn með Mosfellingum í Bestu deildinni í fyrrasumar og fór í framhaldinu út í atvinnumennsku til Kristiansund. 

Víkingar eru að styrkja sóknarlínu sína eftir að hafa misst öfluga sóknarleikmenn í meiðsli á síðustu vikum.