Martraðarvítaspyrnukeppni og læri­sveinar Sigga Ragga úr leik

Um var að ræða seinni leik viðureignarinnar en sá fyrri fór 4-2 fyrir Klaksvik.

Eftir venjulegan leiktíma var staðan 2-0 fyrir NSÍ og því varð að framlengja leikinn. NSÍ komst í 3-0 í framlengingunni en þá skoraði Pétur Knudsen. Þá var NSÍ með pálmann í höndunum. Næstu tvö mörk gerði Klaksvík og var staðan allt í einu orðin 3-2 og lítið eftir af framlengingunni. En leikmenn NSÍ gáfust ekki upp og Daniel Obbekjær kom heimamönnum í 4-2 í uppbótartíma framlengingarinnar og náði að knýja fram vítaspyrnukeppni. Daniel Obbekjær er fyrrum leikmaður Breiðabliks.

NSÍ byrjaði á því að skora úr fyrstu tveimur vítaspyrnunum á meðan Klaksvík misnotaði eina af fyrstu tveimur. En þá byrjaði martröð heimamanna. Þeir klikkuðu á þremur síðustu spyrnunum og töpuðu einvíginu að lokum. 3-2 sigur Klaksvík í vítaspyrnukeppninni.

Alex Freyr Elísson lék allan leikinn fyrir NSÍ í kvöld. Víking og Þórhöfn mætast í hinni viðureigninni á morgun.