Skjöldur á loft hjá Glódísi og Bayern Munchen

Bayern vann í dag 2-0 sigur á Frankfurt á heimavelli í síðasta heimaleik sínum á tímabilinu. Bayern fyrir löngu búið að tryggja sér sigur í þýsku úrvalsdeildinni, ekki tapað leik til þessa og enn ein umferð eftir af deildarkeppninni. Tækifæri til þess að fara taplausar í gegnum tímabilið í deildinni. 

Pernille Harder og Arianna Caruso skoruðu mörk Bayern í dag en eins og hefð er fyrir eftir síðasta heimaleik Þýskalandsmeistaranna fær liðið afhent bikarinn fyrir sigur í deildinni. 

Sem fyrirliði Bayern Munchen féll það í skaut Glódísar að hefja bikarinn á loft. Hennar fjórði Þýskalandsmeistaratitill í röð.

Bayern á möguleika á því að vinna tvöfalt í ár. Liðið mætir Wolfsburg í úrslitaleik þýska bikarsins á fimmtudaginn kemur.