Þjálfari Patriots í leyni­legu ástar­sam­bandi með blaða­manni í mörg ár

Leynilegt ástarsamband þjálfarans Mike Vrabel og blaðakonunnar Dianna Russini var gert opinbert af bandarísku slúðurblöðunum Page Six og TMZ nýlega.

Þau eru bæði gift öðru fólki og lentu því í klandri þegar myndir birtust af þeim leiðast, knúsast og kyssast á lúxushóteli í Arizona í byrjun þessa mánaðar.

Vrabel og Russini reyndu fyrst að gera lítið úr málinu og sögðu þetta hafa verið saklausan vinahitting. En í síðustu viku viðurkenndi Russini hvað hefði gengið á og sagði starfi sínu lausu hjá The Athletic.

Vrabel hélt blaðamannafund í gærkvöldið rétt fyrir nýliðaval NFL-deildarinnar þar sem hann viðurkenndi framhjáhaldið. Hann hélt þjálfarastarfi sínu hjá Patriots og reynir nú að bæta fjölskyldunni þetta allt saman upp.

Nú virðist vera komið í ljós að þetta leynilega ástarsamband teygir sig töluvert lengra aftur í tímann en upphaflega var talið.

TMZ hefur birt myndir af þeim í spilavíti í Mississippi árið 2024 og Page Six svaraði með því að birta myndir af þeim frá árinu 2020.

Ef rétt reynist hafa þau verið í sambandi síðustu sex ár að minnsta kosti. Á þeim tíma hefur Vrabel eignast tvö börn með eiginkonu sinni. 

Russini gekk í hjónaband síðar á árinu 2020 og hefur verið gift síðustu sex árin tæplega. Hún eignaðist son árið 2021 sem hún skírði Michael, í höfuðið á hverjum er ekki vitað fyrir víst.