Á­kærður fyrir að taka son sinn háls­taki

Þetta kemur fram í fyrirkalli og ákæru á hendur manninum sem birt voru í Lögbirtingablaðinu í dag. Þar eru ákærur birtar þegar ekki tekst að birta þær mönnum með hefðbundnum hætti.

Þar segir að að afleiðingar árásarinnar hafi verið þær að pilturinn hlaut yfirborðskennda áverka á hálsi, það er roða og húðbólgu hægra megin á hálsi, ásamt verki í kvið.

Þess er krafist að maðurinn verði dæmdur til refsingar og greiðslu alls sakarkostnaðar. Þá er gerð skaða- og miskabótakrafa fyrir hönd piltsins upp á 1,5 milljónir króna.

Maðurinn er kvaddur til að koma fyrir Héraðsdóm Reykjaness þann 10. mars næstkomandi, hlýða á ákæru, halda uppi vörnum og sæta dómi. Hin meinta árás var framin á heimili mannsins í Reykjanesbæ, nánar tiltekið á Ásbrú.