Ein­kunnir Ís­lands: Albert og Sverrir Ingi með mörkin

Íslenska liðið spilaði afskaplega vel í leiknum og náðu forystunni eftir tuttugu mínútna leik þegar Albert Guðmundsson skoraði eftir frábæran undirbúning Ísak Bergmanns Jóhannessonar.

Sverrir Ingi Ingason bætti við öðru marki Íslands á 39. mínútu, eftir frábæra fyrirgjöf frá Jóhanni Berg Guðmundssyni, sem spilaði sinn hundraðasta leik í kvöld.

Aserar komu aðeins kröftugri út í síðari hálfleik en vörn Íslands stóð sig vel. Fleiri urðu mörkin ekki og öruggur sigur Íslands niðurstaðan.

Einkunnir Íslands í leiknum:

Elías Rafn Ólafsson, markvörður - [6]

Hafði lítið að gera nema að grípa nokkrar fyrirgjafir og verja eitt langskot í seinni hálfleik. Átti slakt útspark undir lok leiksins sem hefði getað skapað hættu. Annars náðugur dagur hjá stóra manninum í kvöld.

Guðlaugur Victor Pálsson, hægri bakvörður - [7]

Örugg frammistaða hjá Guðlaugi Victori sem stendur alltaf fyrir sínu varnarlega hjá landsliðinu.

Sverrir Ingi Ingason, miðvörður - [8]

Skallaði yfir úr dauðafæri um miðjan fyrri hálfleik. Gerði engin mistök á 39. mínútu, þegar hann skallaði fyrirgjöf Jóhanns Berg fallegum boga í fjærhornið.

Daníel Leó Grétarsson, miðvörður - [7]

Leysti vel úr sínu. Þeir Sverrir ná alltaf betur og betur saman í miðri vörn Íslands. Bjargaði vel um miðbik seinni hálfleiks.

Mikael Egill Ellertsson, vinstri bakvörður - [7]

Öruggur í sínum aðgerðum og bætir sig með hverjum leik í vinstri bakvarðar stöðunni.

Jóhann Berg Guðmundsson, hægri kantmaður - [7]

Spilaði vel í sínum hundraðasta landsleik. Lagði upp annað mark Íslands í leiknum með nákvæmri fyrirgjöf.

Hákon Arnar Haraldsson, (fyrirliði), miðjumaður - [8]

Frábær á miðjunni í kvöld, átti þátt í því að stýra spilinu í leiknum.

Ísak Bergmann Jóhannesson, miðjumaður - [8]

Lagði upp mark Alberts með frábærri sendingu. Hélt góðum takti í spilinu og boltinn gekk vel í gegnum Skagamanninn.

Kristian Nökkvi Hlynsson, vinstri kantmaður - [7]

Fékk tækifæri í byrjunarliðinu eftir jöfnunarmarkið gegn Frakklandi. Stóð fyrir sínu.

Albert Guðmundsson, framherji - [7]

Skoraði markið, hans fjórða í síðustu fjórum leikjum hans fyrir landsliðið. Fór reyndar illa með 4 á 2 stöðu í seinni hálfleiknum. Flott frammistaða og sýndi hversu mikilvægur hann er fyrir þetta landslið.

Andri Lucas Guðjohnsen, framherji - [6]

Sást lítið en alltaf mikilvægur fyrir liðið bæði varnarlega og sóknarlega þó svo að það komi ekki alltaf mörk frá honum.

Varamenn

Brynjólfur Andersen Willumsson - kom inn á fyrir Andra Lucas á 68. mínútu [6]

Fékk gult spjald á mettíma en lét lítið finna fyrir sér.

Jón Dagur Þorsteinsson - kom inn á fyrir Jóhann Berg á 68. mínútu [7]

Fín frammistaða hjá Jón Degi og var nálægt því að bæta við þriðja marki Íslands.

Daníel Tristan Guðjohnsen - kom inn á fyrir Kristian á 68. mínútu [6]

Fín innkoma og gerði sitt ágætlega.

Stefán Teitur Þórðarson - kom inná fyrir Ísak Bergmann Jóhannesson á 90. mínútu.

Spilaði ekki nóg til þess að fá einkunn.

Gísli Gottskálk Þórðarson - kom inná fyrir Albert Guðmundsson 90+1

Spilaði ekki nóg til þess að fá einkunn.