Sýna(r)brjóstin, sýna stuðning

Sýn hefur leikið sér með eigið lógó á bolunum, snúið því á hvolf þannig það minni á brjóst, í anda mánaðarins. Þannig er verið að leika sér með útlit fyrirtækisins en um leið sýna samstöðu með þeim sem hafa orðið fyrir áhrifum krabbameins.

„Við vildum gera eitthvað sem er létt, skemmtilegt og með tilgang. Það er frábært að geta sýnt stuðning á okkar eigin hátt, með bros á vör og bleikan lit í hjartanu,“ segir Inga Heiða Lunddal, markaðssérfræðingur hjá Sýn.

„Ég fékk nokkrar konur til að sitja fyrir á myndum sem ljósmyndarinn Hulda Margrét tók fyrir markaðsefni verkefnisins,“ segir hún en þar má sjá ýmsar glæsilegar konur sem vinna fyrir Sýn.

Bolirnir eru fáanlegir á syn.is út októbermánuð.

Vísir er í eigu Sýnar.