Þurrt og bjart suð­austan til og stinning­skaldi í kortunum

„Hæð yfir Skotlandi og lægð norðaustur í hafi beina til okkar mildri vestanátt. Það er nokkuð hvasst á norðanverðu landinu, en yfirleitt mun hægari vindur syðra. Víða súld eða lítilsháttar rigning í dag, en lengst af léttskýjað á Austfjörðum og Suðausturlandi. Lægðin fer austur á bóginn og það fer að lægja seinni partinn þegar hún fjarlægist,“ segir meðal annars í hugleiðingum veðurfræðings hjá Veðurstofu Íslands.

Hæglætisveður um landið á morgun, stöku skúri en léttskýjað norðaustan til á landinu og hiti 3 til 10 stig yfir daginn. Á föstudaginn er svo búist við suðvestan kalda eða stinningskalda norðvestan til á landinu, en annars hægari vindur. Léttskýjað fyrir austan en skýjað og dálitlar skúrir vestanlands á föstudag.