Innlent

Bíll valt í Kópa­vogi

Agnar Már Másson skrifar
Frá vettvangi slyssins í Kópavogi við aðreinina á gatnamótum Nýbýlavegar og Reykjanesbrautar.
Frá vettvangi slyssins í Kópavogi við aðreinina á gatnamótum Nýbýlavegar og Reykjanesbrautar. Aðsend

Bíll valt á hliðina í umferðinni í Kópavogi á fimmta tímanum eftir hádegi í dag. Ökumaðurinn var einn í bílnum og slasaðist lítillega.

Útkallið barst slökkviliði upp úr kl. 16.25 í dag að sögn Lárusar Steindórs Björnssonar sem er varðstjóri hjá slökkviliðinu á höfuðborgarsvæðinu. Bíllinn valt við aðrein af Nýbýlavegi að Reykjanesbraut.

Búið er að rétta bílinn við. Hann hefur orðið fyrir verulegu hnjaski.Aðsend

Lárus segir að einn hafi verið í bílnum en sá hafi ekki hlotið alvarlega áverka og líklega þurfi ekki að flytja hann á sjúkrahús. Fleiri bílar hafi ekki orðið fyrir tjóni vegna slyssins.

Lárus kveðst ekki vita hver tildrög bílveltunnar voru. 

Slökkvilið Kópavogur Umferð Samgönguslys

Mest lesið


Fleiri fréttir

Sjá meira


×

Mest lesið