Erlent

Geim­skipið sprakk á jörðu niðri

Samúel Karl Ólason skrifar
Líklega stóð til að reyna að skjóta geimfarinu sem sprakk í nótt á loft seinna í mánuðinum.
Líklega stóð til að reyna að skjóta geimfarinu sem sprakk í nótt á loft seinna í mánuðinum. Skjáskot

Nýjasta geimflaug SpaceX af gerðinni Starship sprakk í loft upp á jörðu niðri í Texas í nótt. Verið var að undirbúa eldflaugina fyrir tilraun þar sem kveikja átti á hreyflum hennar og varð gífurlega stór sprenging á tilraunapallinum. Engan sakaði í sprengingunni.

Sprengingin náðist á myndband en ekki liggur fyrir hve miklar skemmdir urðu á pallinum.

Tilraunin átti að vera undirbúningur fyrir tíunda tilraunskot SpaceX á Starship geimfari fyrirtækisins. Fyrri tilraunaskot hafa ekki gengið vel en þrenn Starship geimskip hafa sprungið í loft upp í þremur síðustu tilraunaskotum.

Samkvæmt Spaceflightnow stóð líklega til að reyna nýtt tilraunaskot þann 29. júní. Þá átti að skjóta Starship geimfarinu á braut um jörðu með Super Heavy eldflaug SpaceX.

Sprenginguna má sjá í spilaranum hér að neðan en myndavélum er iðulega beint að starfstöð SpaceX í Texas og var verið að fylgjast með tilrauninni í nótt.

Forsvarsmenn SpaceX segja íbúa á svæðinu í engri hættu en hafa beðið fólk um að halda sig fjarri staðnum þar sem sprengingin varð.

SpaceX Bandaríkin Geimurinn Elon Musk

Tengdar fréttir

Geimfar SpaceX splundraðist eftir 45 mínútna flug

Starship-geimfarið sem fyrirtækið SpaceX, sem er í eigu Elons Musk, splundraðist 45 mínútum eftir að því var skotið á sporbaug um jörðu í gærkvöld. Geimskotið var það níunda í röð hjá SpaceX sem stefna á að komast til tunglsins og síðan til annarra reikistjarna.

Springur Starship í þriðja sinn í röð?

Starfsmenn SpaceX munu í kvöld gera tilraun til að skjóta Starship geimfarinu á loft í níunda sinn. Þó nokkrar breytingar hafa verið gerðar á geimfarinu sem ætlað er að bæta líkurnar á því að tilraunaskotið heppnist.

Amazon í samkeppni við SpaceX í geimnum

Starfsmenn Amazon og United Launch Alliance skutu í gær upp fyrstu 27 gervihnöttunum í nýrri gervihnattaþyrpingu Amazon. Þyrping þessi ber nafnið Kuiper og á á endanum að vera mynduð með að minnsta kosti 3.236 gervihnöttum sem gera eiga fólki á jörðu niðri kleift að fá aðgang að netinu.

Annað Starship sprakk í loft upp

Annað tilraunaskot Starship-geimskips SpaceX í röð misheppnaðist í gærkvöldi. Geimskipið sprakk skömmu eftir geimskotið og dreifðist brakið úr því í háloftunum yfir Flórída og Karíbahafinu þar sem það brann, með tilheyrandi sjónarspili.

Mest lesið


Fleiri fréttir

Sjá meira


×

Mest lesið