Innlent

Teitur dregur oddvitaframboðið til baka

Rafn Ágúst Ragnarsson skrifar
Teitur Björn sækist þess í stað eftir öðru sæti í kjördæminu.
Teitur Björn sækist þess í stað eftir öðru sæti í kjördæminu. Vísir/Vilhelm

Teitur Björn Einarsson hefur dregið framboð sitt um oddvitasæti á lista Sjálfstæðisflokksins í Norðvesturkjördæmi til baka og sækist þess í stað eftir öðru sæti.

Mbl.is greinir frá.

Teitur tilkynnti framboð sitt nánast á sama tíma og Þórdís Kolbrún R. Gylfadóttir greindi frá því að hún sæktist eftir öðru sæti flokksins í Suðvesturkjördæmi. Sæti sem hún mun þurfa að berjast við Jón Gunnarsson um sem ætlar ekki að láta eftir án kosninga sem standa yfir í Valhöll.

Ólafur Adolfsson lyfsali á Akranesi og fyrrverandi oddviti flokksins þar í bæ lýsti því yfir í vikunni að hann gæfi einnig kost á sér í oddvitasætið og því stefndi í harða baráttu þeirra á milli. Nú liggur fyrir að Ólafur Adolfsson sé sjálfkjörinn í fyrsta sæti listans.

Norðvesturkjördæmi Sjálfstæðisflokkurinn Alþingiskosningar 2024

Tengdar fréttir

Ólafur vill leiða listann

Ólafur Adolfsson lyfsali hjá Apóteki Vesturlands og fyrrverandi oddviti Sjálfstæðisflokksins á Akranesi gefur kost á sér í fyrsta sæti Sjálfstæðisflokksins á Norðvesturlandi. Áður hefur Teitur Björn Einarsson þingmaður Sjálfstæðisflokksins tilkynnt að hann sækist eftir sama sæti.

Teitur Björn vill setjast í laust sæti Þórdísar

Teitur Björn Einarsson hefur boðið sig fram til að leiða lista Sjálfstæðiflokksins í Norðvesturkjördæmi í komandi kosningum. Það tilkynnti hann á nánast sama tíma og Þórdís Kolbrún Reykfjörð Gylfadóttir tilkynnti að hún fari fram í Kraganum.

Mest lesið


Fleiri fréttir

Sjá meira


×

Mest lesið