Sel­foss fór með sigur af hólmi á Laugar­dals­velli

Selfoss vann 2. deild karla örugglega með 51 stig á meðan KFA endaði í 5. sæti með 35 stig. Fyrir leik var því búist við öruggum sigri Selfyssinga en annað kom á daginn.

Staðan var markalaus í hálfleik og á 54. mínútu kom Birkir Ingi Óskarsson KFA yfir en Sesar Örn Harðarson jafnaði metin fyrir Selfoss þegar stundarfjórðungur lifði leiks. Ekki urðu mörkin fleiri í venjulegum leiktíma og því var framlengt.

Brynjar Bergsson kom Selfoss yfir á 99. mínútu og Gonzalo Zamorano fór langleiðina með að tryggja Selfyssingum dolluna með marki aðeins þremur mínútum síðar. Fleiri urðu mörkin ekki og lokatölur á Laugardalsvelli 3-1.