Segja lögreglu hafa gætt stillingar við mótmælin í Skuggasundi Smári Jökull Jónsson skrifar 21. júní 2024 17:50 Fjölnir setur hótanirnar í beint samhengi við Palestínumótmælin, en lögregla hefur tvisvar beitt piparúða á mótmælendur í mótmælum á síðustu vikum. vísir/arnar Nefnd um eftirlit með störfum lögreglu telur engar vísbendingar uppi um mögulega refsiverða eða ámælisverða háttsemi starfsmanna lögreglu við mótmælin í Skuggasundi í síðasta mánuði. Lögregla er sögð hafa gætt meðalhófs í aðgerðum sínum. Nefndin kom saman til fundar í dag og fjallaði um viðbrögð lögreglu vegna mótmælanna þann 31. maí síðastliðinn en greint er frá ákvörðun nefndarinnar á vef hennar. Þar kemur fram að nefndin hafi farið ítarlega yfir þau gögn sem henni bárust frá Lögreglustjóranum á höfuðborgarsvæðinu. Lögreglan hafi skilað upptökum úr búkmyndavélum til nefndarinnar sem auk þess hafi haft aðgang að fjölmörgu myndefni sem birst hefur í fjölmiðlum. „Viðvörunum um notkun á úðavopni var tekið með háði“ Nefndin reifar atburðina þennan dag í skýrslunni sem birtist í dag. Þar segir að lögregla hafi verið með viðbúnað á vettvangi vegna ríkisstjórnarfunds og hafi lokað Skuggasundi að hluta með grindverki. Mótmælendum hafi fjölgað þegar líða tók á og lokað leið fyrir bifreiðar að Skuggasundi 3 þar sem ríkisstjórnarfundurinn fór fram. Þegar fundi ríkisstjórnar var lokið hafi mótmælendur síðan lagst á Lindargötu fyrir framan grindverkið þar sem beygt er niður Skuggasund, fyrir framan framhjól bifreiðar og neitað að færa sig. Lögregla hafi gefið mótmælendum ítrekuð fyrirmæli um að víkja af götunni en hluti þeirra hafi ekki hlýtt. „Þá gaf stjórnandi á staðnum skipun um að taka upp úðabrúsa og gefa þannig til kynna að þeir yrðu notaðir ef ekki yrði farið að skipunum lögreglu. Mótmælendum var einnig gefin munnleg viðvörun um að piparúði yrði notaður ef þeir færðu sig ekki af götunni. Viðvörunum lögreglu um notkun á úðavopni var tekið með háði og skipanir lögreglu hunsaðar. Ölum hefði því átt að vera ljóst hvað stæði til hjá lögreglu ef þeir fylgdu ekki skýrum fyrirmællum lögreglu og færðu sig af götunni,“ segir orðrétt í skýrslu nefndarinnar. Í skýrslunni er einnig fjallað um hlutverk lögreglu og að handhöfum lögregluvalds sé heimilt að beita valdi við framkvæmd skyldustarfa sinna. Þá skuli lögregla aðeins taka íþyngjandi ákvörðun þegar lögmætu markmiði verður ekki náð með öðru og vægara móti og skal þess gætt að ekki sé farið strangar í sakirnar en nauðsyn ber til. Engar vísbendingar um refsiverða háttsemi Í skýrslu nefndarinnar kemur fram að af þeim upptökum sem nefndin hafi undir höndum af vettvangi verði ekki annað séð en að aðgerðir lögreglu samræmist skyldum hennar, þar með talið þegar piparúða var beitt. Samkvæmt upplýsingum frá mótmælanda á staðnum fengu um 40 mótmælendur piparúðann yfir sig. Þrír fóru sjálfir á spítala og tveir voru fluttir til aðhlynningar af sjúkraliðum í næsta hús. Í skýrslunni er hins vegar tekið fram að enginn mótmælandi hafi slasast og að af skoðun myndefnis verði ekki annað ráðið en að lögreglumenn hafi gætt stillingar á vettvangi og gætt þess að mótmælendur yrðu ekki fyrir tjóni umfram það sem óhjákvæmilegt væri miðað við aðstæður. „Telur nefnd um eftirlit með lögreglu að lögreglan hafi ekki gengið lengra en nauðsyn krafði við störf sín í umrætt sinn og því hafi meðalhófs verið gætt.“ Þá kemur fram að með hliðsjón af því sem nefnt er í skýrslunni og þeim gögnum sem nefndin hafi undir höndum séu ekki upp vísbendingar um mögulega refsiverða eða ámælisverða háttsemi starfsmanna lögreglu. Nefndin telur því ekki tilefni til að aðhafast frekar vegna erindisins. Skýrslan í heild Lögreglan Lögreglumál Ríkisstjórn Bjarna Benediktssonar Átök í Ísrael og Palestínu Reykjavík Mest lesið Prestur í Dalvík sver af sér kjaftasögur um ókristilega hegðun Innlent Kurr innan Samfylkingarinnar vegna brottvísunar ungbarna Innlent „Af hverju ertu svona í framan?“ Innlent Segja stutt í samkomulag en sprengjum rignir enn Erlent Eldur í þvottahúsi á Granda Innlent Var að streyma á TikTok þegar hann féll til jarðar og lést Erlent Prestur og prófastur bíður spenntur eftir Hrútaskránni Innlent Skoðanabróðir Orbans og Fico vinnur kosningar í Tékklandi Erlent Fjöldi án rafmagns vegna vonskuveðurs í Noregi Erlent Safnaði í bálköst innandyra en kennir stundarbrjálæði um íkveikjuna Innlent Fleiri fréttir Prestur í Dalvík sver af sér kjaftasögur um ókristilega hegðun Eldur í þvottahúsi á Granda Prestur og prófastur bíður spenntur eftir Hrútaskránni Kurr innan Samfylkingarinnar vegna brottvísunar ungbarna Fokdýrar flugferðir, ögurstund á Gasa og óvenjulegt innbrot Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Skrítin afstaða BSRB og ASÍ Tekist á um leikskólamál og árásir á Gasa Umfangsmikil flugslysaæfing á Reykjavíkurflugvelli Tætir í sig leikskólaplan borgarinnar: Segir Reykjavík taka skref aftur á bak Rannsaka mögulega stunguárás Göngu- og hjólabrýr yfir Elliðaár opnast „Af hverju ertu svona í framan?“ „Algjörlega alveg út í hött“ Umferðin færist inn á íbúðagötur Andar sem eru ekki hér en voru í myndinni þeir sveima og fylgjast með Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Sjá meira
Nefndin kom saman til fundar í dag og fjallaði um viðbrögð lögreglu vegna mótmælanna þann 31. maí síðastliðinn en greint er frá ákvörðun nefndarinnar á vef hennar. Þar kemur fram að nefndin hafi farið ítarlega yfir þau gögn sem henni bárust frá Lögreglustjóranum á höfuðborgarsvæðinu. Lögreglan hafi skilað upptökum úr búkmyndavélum til nefndarinnar sem auk þess hafi haft aðgang að fjölmörgu myndefni sem birst hefur í fjölmiðlum. „Viðvörunum um notkun á úðavopni var tekið með háði“ Nefndin reifar atburðina þennan dag í skýrslunni sem birtist í dag. Þar segir að lögregla hafi verið með viðbúnað á vettvangi vegna ríkisstjórnarfunds og hafi lokað Skuggasundi að hluta með grindverki. Mótmælendum hafi fjölgað þegar líða tók á og lokað leið fyrir bifreiðar að Skuggasundi 3 þar sem ríkisstjórnarfundurinn fór fram. Þegar fundi ríkisstjórnar var lokið hafi mótmælendur síðan lagst á Lindargötu fyrir framan grindverkið þar sem beygt er niður Skuggasund, fyrir framan framhjól bifreiðar og neitað að færa sig. Lögregla hafi gefið mótmælendum ítrekuð fyrirmæli um að víkja af götunni en hluti þeirra hafi ekki hlýtt. „Þá gaf stjórnandi á staðnum skipun um að taka upp úðabrúsa og gefa þannig til kynna að þeir yrðu notaðir ef ekki yrði farið að skipunum lögreglu. Mótmælendum var einnig gefin munnleg viðvörun um að piparúði yrði notaður ef þeir færðu sig ekki af götunni. Viðvörunum lögreglu um notkun á úðavopni var tekið með háði og skipanir lögreglu hunsaðar. Ölum hefði því átt að vera ljóst hvað stæði til hjá lögreglu ef þeir fylgdu ekki skýrum fyrirmællum lögreglu og færðu sig af götunni,“ segir orðrétt í skýrslu nefndarinnar. Í skýrslunni er einnig fjallað um hlutverk lögreglu og að handhöfum lögregluvalds sé heimilt að beita valdi við framkvæmd skyldustarfa sinna. Þá skuli lögregla aðeins taka íþyngjandi ákvörðun þegar lögmætu markmiði verður ekki náð með öðru og vægara móti og skal þess gætt að ekki sé farið strangar í sakirnar en nauðsyn ber til. Engar vísbendingar um refsiverða háttsemi Í skýrslu nefndarinnar kemur fram að af þeim upptökum sem nefndin hafi undir höndum af vettvangi verði ekki annað séð en að aðgerðir lögreglu samræmist skyldum hennar, þar með talið þegar piparúða var beitt. Samkvæmt upplýsingum frá mótmælanda á staðnum fengu um 40 mótmælendur piparúðann yfir sig. Þrír fóru sjálfir á spítala og tveir voru fluttir til aðhlynningar af sjúkraliðum í næsta hús. Í skýrslunni er hins vegar tekið fram að enginn mótmælandi hafi slasast og að af skoðun myndefnis verði ekki annað ráðið en að lögreglumenn hafi gætt stillingar á vettvangi og gætt þess að mótmælendur yrðu ekki fyrir tjóni umfram það sem óhjákvæmilegt væri miðað við aðstæður. „Telur nefnd um eftirlit með lögreglu að lögreglan hafi ekki gengið lengra en nauðsyn krafði við störf sín í umrætt sinn og því hafi meðalhófs verið gætt.“ Þá kemur fram að með hliðsjón af því sem nefnt er í skýrslunni og þeim gögnum sem nefndin hafi undir höndum séu ekki upp vísbendingar um mögulega refsiverða eða ámælisverða háttsemi starfsmanna lögreglu. Nefndin telur því ekki tilefni til að aðhafast frekar vegna erindisins. Skýrslan í heild
Lögreglan Lögreglumál Ríkisstjórn Bjarna Benediktssonar Átök í Ísrael og Palestínu Reykjavík Mest lesið Prestur í Dalvík sver af sér kjaftasögur um ókristilega hegðun Innlent Kurr innan Samfylkingarinnar vegna brottvísunar ungbarna Innlent „Af hverju ertu svona í framan?“ Innlent Segja stutt í samkomulag en sprengjum rignir enn Erlent Eldur í þvottahúsi á Granda Innlent Var að streyma á TikTok þegar hann féll til jarðar og lést Erlent Prestur og prófastur bíður spenntur eftir Hrútaskránni Innlent Skoðanabróðir Orbans og Fico vinnur kosningar í Tékklandi Erlent Fjöldi án rafmagns vegna vonskuveðurs í Noregi Erlent Safnaði í bálköst innandyra en kennir stundarbrjálæði um íkveikjuna Innlent Fleiri fréttir Prestur í Dalvík sver af sér kjaftasögur um ókristilega hegðun Eldur í þvottahúsi á Granda Prestur og prófastur bíður spenntur eftir Hrútaskránni Kurr innan Samfylkingarinnar vegna brottvísunar ungbarna Fokdýrar flugferðir, ögurstund á Gasa og óvenjulegt innbrot Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Skrítin afstaða BSRB og ASÍ Tekist á um leikskólamál og árásir á Gasa Umfangsmikil flugslysaæfing á Reykjavíkurflugvelli Tætir í sig leikskólaplan borgarinnar: Segir Reykjavík taka skref aftur á bak Rannsaka mögulega stunguárás Göngu- og hjólabrýr yfir Elliðaár opnast „Af hverju ertu svona í framan?“ „Algjörlega alveg út í hött“ Umferðin færist inn á íbúðagötur Andar sem eru ekki hér en voru í myndinni þeir sveima og fylgjast með Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Sjá meira