Eig­endur Akur­eyri Backpackers selja höllina

Húsið var byggt árið 1977 og teiknað af Svani Eiríkssyni og hefur verið endurnýjað á afar smekklegan hátt undanfarin ár. Um er að ræða 285 fermetra hús á tveimur hæðum. Samtals eru fjögur svefnherbergi og þrjú baðherbergi.

Fallegir sjónsteyptir veggir setja fallegan blæ á heimilið til móts við dökkar innréttingar og veglegt viðargólf. Glæsileg hönnunarljós prýða hvern krók og kima heimilisins. Má þar helst nefna frá ítalska merkinu Flos sem var stofnað árið 1962 af Dino og Cesare Cassina í Merano á Ítalíu. Yfir borðstofuborðinu er ljósakrónan Flos 2097/30 og hinn klassíski gólflampi Arco prýðir stofuna. Auk þess má sjá glitta í borðlampann Snoopy og Taccia. 

Í eldhúsinu eru sérsmiðaðar innréttingar úr svartbæsaðri eik, stór eyja og borðplata er úr granít. Stofa og borðstofa eru samliggjandi í opnu og björtu rými. Þaðan er útgengt á rúmgóðar suðursvalir með fallegu útsýni. Nánari upplýsingar á fasteignavef Vísis.

Hjónin festu kaup á reksti Akureyri Backpackers árið 2022 ásamt syni þeirra, Kristjáni Sigurólasyni og Birki Hermanni Björgvinssyni. Siguróli og Elfa Björk reka einnig Lava Apartments sem þau eiga með knattspyrnumanninum Aroni Einari Gunnarssyni.