Veður

Um 18 stig á Norð­austur­landi í dag

Lovísa Arnardóttir skrifar
Það verður líklega hægt að sitja úti að snæðingi víða á Norðausturlandi í dag.
Það verður líklega hægt að sitja úti að snæðingi víða á Norðausturlandi í dag. Vísir/Vilhelm

Í dag verður suðaustanátt og þrír til tíu metrar á sekúndu. Það væri verið skýjað og sums staðar lítilsháttar væta eða stöku skúrir en bjart með köflum norðaustanlands. Fram kemur í hugleiðingum veðurfræðings að þar sem að vindur er hægari í dag en í gær sé líklegt að hafgolan nái sér á strik á Norðausturlandi.

Því verða hitatölur heldur lægri en í gær en þó ætti hitinn að ná um og yfir 18 stig þar sem best lætur. Í öðrum landshlutum verður hitinn á bilinu 8 til 15 stig, svalast þar sem þokulofts gætir við ströndina.

Nokkuð greiðfært erum landið samkvæmt vef Vegagerðarinnar. Hægt er að fylgjast með nýjustu veðurspá á vef Veðurstofunnar.

Veðurhorfur á landinu næstu daga

Á mánudag og þriðjudag:

Fremur hæg breytileg átt, skýjað með köflum og sums staðar dálítil væta. Líkur á þokumóðu við ströndina. Hiti 7 til 17 stig, hlýjast inn til landsins.

Á miðvikudag:

Norðvestlæg átt, 3-10 m/s, hvassast við suðurströndina. Dálítil væta á víð og dreif, en bjart með köflum sunnanlands. Hiti 6 til 17 stig, hlýjast á Suðausturlandi.

Á fimmtudag:

Suðvestlæg átt með vætu, en lengst af þurrt suðaustantil. Hiti 7 til 13 stig.

Á föstudag og laugardag:

Útlit fyrir ákveðna sunnan- og suðvestanátt með rigningu, en úrkomulítið austanlands.

Veður Færð á vegum

Mest lesið


Fleiri fréttir

Sjá meira


×

Mest lesið