Andri skoraði og er marka­hæstur í Dan­mörku

Lyngby er í 9. sæti deildarinnar með 32 stig, sex stigum frá fallsæti. Liðið hefur unnið tvo leiki í röð og aðeins tapað einum af síðustu sex leikjum sínum.

Lyngby lenti undir á 13. mínútu í leiknum í kvöld en Andri Lucas Guðjohnsen jafnaði metin níu mínútum seinna eftir sendingu frá Sævari Atla Magnússyni. 

Þetta var þrettánda mark Andra á tímabilinu en hann er markahæstur í deildinni.

Á 31. mínútu skoraði Sævar Atli svo sigurmark Lyngby. Hann var síðan tekinn af velli í hálfleik.

Kolbeinn Finnsson lék allan leikinn fyrir Lyngby sem mætir Vejle í næsta leik sínum á miðvikudaginn.