Staf­rófið ræður röð fjögurra efstu liðanna í Bestu deildinni

Blikarnir græða á að vera snemma í stafrófinu því það er stafrófið ræður röð fjögurra efstu liðanna í Bestu deildinni.

Breiðablik, Fram, Valur og Víkingur R. unnu öll leiki sína 2-0 í fyrstu umferðinni.

Það er því ekki hægt að skilja á milli liðanna hvað varðar árangur. Stafrófið er því það eina sem skilur á milli þessara liða.

Þetta er annað skiptið á þremur árum sem Blikar græða á þessu því þeir voru einnig efstir eftir fyrstu umferðina sumarið 2022 þrátt fyrir að vera með sömu stig og sömu markatölu og KR.

Að sama skapi tapa nýliðar Vestra á því að vera seint í stafrófinu. Neðstu fjögur lið deildarinnar eru öll með núll stig og markatöluna 0-2. Stjarnan og Vestri sitja í fallsætinu af því að þau eru á eftir FH og ÍA í stafrófinu.

KR vann líka sinn leik í fyrstu umferðinni en aðeins með einu marki. Þeir sitja því í fimmta sætinu fyrir neðan efstu fjögur liðin.

Þetta er síðan auðvitað bara fyrsta umferðin og sú næsta byrjar strax á föstudagskvöldið og allir leikirnir eru sýndir beint á stöðvum Stöð 2 Sport.