Stefán Ingimar með lögregluna á hælunum áratugum saman Jón Þór Stefánsson skrifar 13. mars 2024 18:08 Stefán Ingimar Koeppen Brynjarsson, er eftirlýstur grunaður um fíkniefnabrot. Interpol Stefán Ingimar Koeppen Brynjarsson, maður sem er eftirlýstur á vef alþjóðalögreglunnar Interpol að beiðni lögreglu á Íslandi, hlaut þungan fangelsisdóm hér á landi í kringum síðustu aldamót. Þá hefur hann hlotið dóm í Þýskalandi og verið handtekinn í Mexíkó. Lögreglan á höfuðborgarsvæðinu vakti athygli á eftirlýsingunni í dag. Fram kemur að málið tengist rannsókn á innflutningi og dreifingu fíkniefna. Um er að ræða annað skipti sem Interpol lýsir eftir Íslendingi á þessu ári. Hitt var í tengslum við stóra kókaínmálið svokallaða, en samkvæmt heimildum fréttastofa tengist leitin að Stefáni öðru máli sem lögreglan á höfuðborgarsvæðinu hefur til rannsóknar. Þungur fíkniefnadómur Stefán Ingimar Koeppen Brynjarsson er fæddur árið 1975. Árið 2003 hlaut hann átta ára fangelsisdóm í Hæstarétti fyrir fíkniefnalagabrot, sem er með þyngstu dómum sem hafa fallið í fíkniefnamálum hér á landi. Stefán var einn þriggja sakborninga en hinir tveir hlutu talsvert vægari dóma. Í málinu þyngdi Hæstiréttur dóm Héraðsdóms Reykjaness sem hafði dæmt hann í sex ára fangelsi. Stefán var sakfelldur fyrir að hafa staðið í stórfelldum innflutningi fíknefna hingað til lands. Það var annars vegar árið 1998 og hins vegar 2001. Hinir sakborningarnir voru dæmdir fyrir milligöngu í því, meðal annars með því að taka við umtalsverðu magni fíkniefna frá Stefáni og selja þau eða ætla að gera það. Hann var fundinn sekur um innflutning á samtals 5,6 kílóum af amfetamíni og 930 grömmum af kókaíni. Jafnframt var hann dæmdur fyrir að hafa í vörslum sínum samtals 312 grömm af kókaíni. Í dómi Hæstaréttar segir að Stefán hafi verið „aðalmaðurinn“ í þessari skipulögðu brotastarfsemi. Brot hans hefðu verið ítrekuð, ásetningur hans einarður og að hann ætti sér engar málsbætur. Flúði til Þýskalands Í dómi Hæstaréttar kemur fram að Stefán, sem hafði íslenskt og þýskt ríkisfang, hafi farið af landi brott til Þýskalands árið 2000 áður en hinum voru birtar ákærur fyrir brotin sem áttu sér stað 1998. „Hann lét sér samt ekki segjast og hélt áfram brotastarfsemi sinni og sendi hingað frá Þýskalandi mikið magn af fíkniefnum,“ segir í dómi Hæstaréttar. Snemma árs 2002 var Stefán handtekinn í Hollandi og úrskurðaður í gæsluvarðhald. Hann var í kjölfarið framseldur til Íslands, en Hæstiréttur Hollands heimilaði framsalið með ákveðnum skilyrðum á saksókninni. Komist í kast við lögin víðar Stefán hafði áður hlotið dóm. Hæstiréttur reifar brotaferil hans í dómi sínum, en þar kemur fram að hann hafi árið 1998 verið dæmdur fyrir fíkniefnainnflutning. Þá hlaut hann tveggja ára dóm, skilorðsbundinn til tveggja ára. Þýski dómurinn hafði ítrekunaráhrif á refsingu hans í Hæstarétti, en líkt og áður segir hlaut hann átta ára dóm þar. DV greindi frá því árið 2017 að Stefán hefði verið handtekinn í Cancún í Mexíkó, grunaður um fíkniefnasmygl. Í umfjölluninni kom fram að handtaka Stefáns tengdist annarri handtöku á Íslendingi í Norður-Ameríku. Það er þegar kona var handtekinn í Kanada árið 2016 með tæpt kíló af kókaíni í golfsetti sem fannst í farangri hennar. Samkvæmt DV hafði Stefán verið búsettur í Mexíkó um árabil. Þá sagði að eftir handtökuna hefði hann verið fluttur í Cefereso-fangelsið, sem er í borginni Perote. Lögreglumál Dómsmál Fíkniefnabrot Mest lesið Töluverður eldsvoði og þrír fluttir af vettvangi í sjúkrabíl Innlent Mjög alvarlegt tilfelli Innlent Tekur sér leyfi frá Alþingi til að fara í áfengismeðferð Innlent Segja slúbberta hjá hinu opinbera kosta ríkið 30 til 50 milljarða árlega Innlent Útburður manns úr Bríetartúni dreginn til baka Innlent Vildu að skikkjan yrði rifin af öxlum Ómars Innlent Skilti Vegagerðarinnar morandi í villum: „Er ekkert gæðaeftirlit hjá ykkur?“ Innlent Fjórtán ára piltur grunaður um að leggja hníf að hálsi annars við Hvaleyrarvatn Innlent Kynntu fyrirhugaðan Sæbrautarstokk Innlent Alvarlega slasaður en ekki í lífshættu eftir árás í Úlfarsárdal Innlent Fleiri fréttir Einn lést í brunanum á Hjarðarhaga Alvarlega slasaður en ekki í lífshættu eftir árás í Úlfarsárdal Blanda af „Mikka mús og íþróttaálfinum“ ógni lýðheilsu Sakar Guðrúnu um sjúklega þráhyggju Stokkur fjarlægi gjána sem skilji að Vogahverfin Hættir að taka krókinn um Háaleitisbraut og Miklubraut Vildu að skikkjan yrði rifin af öxlum Ómars Fjórtán ára piltur grunaður um að leggja hníf að hálsi annars við Hvaleyrarvatn „Þar sem vændi þrífst þar þrífst líka mansal“ Útburður manns úr Bríetartúni dreginn til baka Mjög alvarlegt tilfelli Viðbúnaður í Vesturbæ og nikótínumræður á Alþingi Guðrún segir ríkisstjórnina slá skjaldborg um Flokk fólksins Skera niður til að mæta launahækkunum Töluverður eldsvoði og þrír fluttir af vettvangi í sjúkrabíl Fjölga ferðum og auka tíðni ákveðinna leiða Strætó í haust Tekur sér leyfi frá Alþingi til að fara í áfengismeðferð Bein útsending: Afmælisráðstefna Afstöðu Kynntu fyrirhugaðan Sæbrautarstokk Börnin fari út en liggi undir trampólíninu í símanum Ráðist með hníf að ungmenni í Hafnarfirði Segja slúbberta hjá hinu opinbera kosta ríkið 30 til 50 milljarða árlega Skilti Vegagerðarinnar morandi í villum: „Er ekkert gæðaeftirlit hjá ykkur?“ EES-ríkin þrjú efla samstarf við ESB á sviði öryggismála Öskrandi og ber að ofan við grunnskóla Opni Ísraelar ekki fyrir mannúðaraðstoð „þá verða að vera þvinganir“ Neyðaraðstoð í gíslingu, óvænt ákvörðun og ærandi spenna Leigubílstjóri fór í svaðilför á Teslunni upp í Þórsmörk og sneri heill heim Grunaður árásarmaður í Úlfarsárdal handtekinn Slæmur frágangur akkerisins olli slysinu Sjá meira
Lögreglan á höfuðborgarsvæðinu vakti athygli á eftirlýsingunni í dag. Fram kemur að málið tengist rannsókn á innflutningi og dreifingu fíkniefna. Um er að ræða annað skipti sem Interpol lýsir eftir Íslendingi á þessu ári. Hitt var í tengslum við stóra kókaínmálið svokallaða, en samkvæmt heimildum fréttastofa tengist leitin að Stefáni öðru máli sem lögreglan á höfuðborgarsvæðinu hefur til rannsóknar. Þungur fíkniefnadómur Stefán Ingimar Koeppen Brynjarsson er fæddur árið 1975. Árið 2003 hlaut hann átta ára fangelsisdóm í Hæstarétti fyrir fíkniefnalagabrot, sem er með þyngstu dómum sem hafa fallið í fíkniefnamálum hér á landi. Stefán var einn þriggja sakborninga en hinir tveir hlutu talsvert vægari dóma. Í málinu þyngdi Hæstiréttur dóm Héraðsdóms Reykjaness sem hafði dæmt hann í sex ára fangelsi. Stefán var sakfelldur fyrir að hafa staðið í stórfelldum innflutningi fíknefna hingað til lands. Það var annars vegar árið 1998 og hins vegar 2001. Hinir sakborningarnir voru dæmdir fyrir milligöngu í því, meðal annars með því að taka við umtalsverðu magni fíkniefna frá Stefáni og selja þau eða ætla að gera það. Hann var fundinn sekur um innflutning á samtals 5,6 kílóum af amfetamíni og 930 grömmum af kókaíni. Jafnframt var hann dæmdur fyrir að hafa í vörslum sínum samtals 312 grömm af kókaíni. Í dómi Hæstaréttar segir að Stefán hafi verið „aðalmaðurinn“ í þessari skipulögðu brotastarfsemi. Brot hans hefðu verið ítrekuð, ásetningur hans einarður og að hann ætti sér engar málsbætur. Flúði til Þýskalands Í dómi Hæstaréttar kemur fram að Stefán, sem hafði íslenskt og þýskt ríkisfang, hafi farið af landi brott til Þýskalands árið 2000 áður en hinum voru birtar ákærur fyrir brotin sem áttu sér stað 1998. „Hann lét sér samt ekki segjast og hélt áfram brotastarfsemi sinni og sendi hingað frá Þýskalandi mikið magn af fíkniefnum,“ segir í dómi Hæstaréttar. Snemma árs 2002 var Stefán handtekinn í Hollandi og úrskurðaður í gæsluvarðhald. Hann var í kjölfarið framseldur til Íslands, en Hæstiréttur Hollands heimilaði framsalið með ákveðnum skilyrðum á saksókninni. Komist í kast við lögin víðar Stefán hafði áður hlotið dóm. Hæstiréttur reifar brotaferil hans í dómi sínum, en þar kemur fram að hann hafi árið 1998 verið dæmdur fyrir fíkniefnainnflutning. Þá hlaut hann tveggja ára dóm, skilorðsbundinn til tveggja ára. Þýski dómurinn hafði ítrekunaráhrif á refsingu hans í Hæstarétti, en líkt og áður segir hlaut hann átta ára dóm þar. DV greindi frá því árið 2017 að Stefán hefði verið handtekinn í Cancún í Mexíkó, grunaður um fíkniefnasmygl. Í umfjölluninni kom fram að handtaka Stefáns tengdist annarri handtöku á Íslendingi í Norður-Ameríku. Það er þegar kona var handtekinn í Kanada árið 2016 með tæpt kíló af kókaíni í golfsetti sem fannst í farangri hennar. Samkvæmt DV hafði Stefán verið búsettur í Mexíkó um árabil. Þá sagði að eftir handtökuna hefði hann verið fluttur í Cefereso-fangelsið, sem er í borginni Perote.
Lögreglumál Dómsmál Fíkniefnabrot Mest lesið Töluverður eldsvoði og þrír fluttir af vettvangi í sjúkrabíl Innlent Mjög alvarlegt tilfelli Innlent Tekur sér leyfi frá Alþingi til að fara í áfengismeðferð Innlent Segja slúbberta hjá hinu opinbera kosta ríkið 30 til 50 milljarða árlega Innlent Útburður manns úr Bríetartúni dreginn til baka Innlent Vildu að skikkjan yrði rifin af öxlum Ómars Innlent Skilti Vegagerðarinnar morandi í villum: „Er ekkert gæðaeftirlit hjá ykkur?“ Innlent Fjórtán ára piltur grunaður um að leggja hníf að hálsi annars við Hvaleyrarvatn Innlent Kynntu fyrirhugaðan Sæbrautarstokk Innlent Alvarlega slasaður en ekki í lífshættu eftir árás í Úlfarsárdal Innlent Fleiri fréttir Einn lést í brunanum á Hjarðarhaga Alvarlega slasaður en ekki í lífshættu eftir árás í Úlfarsárdal Blanda af „Mikka mús og íþróttaálfinum“ ógni lýðheilsu Sakar Guðrúnu um sjúklega þráhyggju Stokkur fjarlægi gjána sem skilji að Vogahverfin Hættir að taka krókinn um Háaleitisbraut og Miklubraut Vildu að skikkjan yrði rifin af öxlum Ómars Fjórtán ára piltur grunaður um að leggja hníf að hálsi annars við Hvaleyrarvatn „Þar sem vændi þrífst þar þrífst líka mansal“ Útburður manns úr Bríetartúni dreginn til baka Mjög alvarlegt tilfelli Viðbúnaður í Vesturbæ og nikótínumræður á Alþingi Guðrún segir ríkisstjórnina slá skjaldborg um Flokk fólksins Skera niður til að mæta launahækkunum Töluverður eldsvoði og þrír fluttir af vettvangi í sjúkrabíl Fjölga ferðum og auka tíðni ákveðinna leiða Strætó í haust Tekur sér leyfi frá Alþingi til að fara í áfengismeðferð Bein útsending: Afmælisráðstefna Afstöðu Kynntu fyrirhugaðan Sæbrautarstokk Börnin fari út en liggi undir trampólíninu í símanum Ráðist með hníf að ungmenni í Hafnarfirði Segja slúbberta hjá hinu opinbera kosta ríkið 30 til 50 milljarða árlega Skilti Vegagerðarinnar morandi í villum: „Er ekkert gæðaeftirlit hjá ykkur?“ EES-ríkin þrjú efla samstarf við ESB á sviði öryggismála Öskrandi og ber að ofan við grunnskóla Opni Ísraelar ekki fyrir mannúðaraðstoð „þá verða að vera þvinganir“ Neyðaraðstoð í gíslingu, óvænt ákvörðun og ærandi spenna Leigubílstjóri fór í svaðilför á Teslunni upp í Þórsmörk og sneri heill heim Grunaður árásarmaður í Úlfarsárdal handtekinn Slæmur frágangur akkerisins olli slysinu Sjá meira