Væri ekkert vesen ef rétt væri staðið að hlutunum Aron Guðmundsson skrifar 7. mars 2024 10:01 Magnús Valur Böðvarsson stendur í ströngu þessa dagana í starfi sínu sem vallarstjóri KR. Mánuður er til stefnu þar til flautað verður til leiks í Bestu deild karla. Vísir Vallarstjóri KR á Meistaravöllum, Magnús Valur Böðvarsson, fylgist náið með langtíma veðurspánni og vonar að marshretið haldi sig fjarri Vesturbænum. Það styttist í að flautað verði til leiks í Bestu deild karla og er Magnús þokkalega bjartsýnn á að heimavöllur KR verði leikfær fyrir fyrsta heimaleik liðsins. „Núna er þetta allt í lagi. Lítur ekkert hræðilega út eins og var raunin í fimmtán gráðu frosti í fyrra á þessum tíma,“ segir Magnús Valur, vallarstjóri Meistaravallar hjá KR, um stöðuna á vellinum núna mánuði fyrir upphafsflautið í Bestu deild karla. „Það er smá óvissa ríkjandi í kringum það hvernig veðrið verður fram að fyrsta leik. Það mun hafa mikið að segja.“ Við höfum ekkert gert fyrir fótboltavellina okkar. Grasvellirnir hafa ekki verið byggðir upp eftir nútímastöðlum. Þetta væri ekkert vesen ef við værum með rétt uppbyggða velli og undirhita undir völlunum. Þá værum við ekki einu sinni í þessari umræðu. Magnús Valur Starf þitt sem vallarstjóri KR á þessum tímapunkti. Ertu vakinn og sofinn yfir veðurspám þessa dagana? Er maður kvíðinn fyrir mögulegu hreti? „Ég get allavegana sagt þér það að ég er búinn að vera fylgjast með veðurspánni til lengri tíma núna og kíki alltaf um leið langt fram í tímann. Eins og staðan er núna þá lítur ekki út fyrir að við séum að fara fá eins mikið frost og í fyrra á þessum tíma. Sá vetur var hörmulegur. Veðurspáin fram undan lítur töluvert betur út en í fyrra. Ég hef því ekki eins miklar áhyggjur af því að það muni deyja eins mikið af grasi eins og gerðist á síðasta ári.“ Þokkalega bjartsýnn En hver er raunveruleg staða Meistaravalla núna, innan við mánuði þar til flautað verður til leiks í Bestu deild karla? Hún er nokkuð góð að mati Magnúsar og staðreyndin er sú að KR á ekki fyrsta heimaleik í deildinni fyrr en 20.apríl í þriðju umferð. Verður völlurinn klár fyrir fyrsta heimaleik? „Ég vona það já og er þokkalega bjartsýnn fyrir því. Næsta verk hér er að koma einhverjum dúk yfir völlinn til þess að reyna mynda hita á honum. Hann gæti orðið leikfær í kringum 20. apríl. “ Dúk á völlinn segir Magnús en er hægt að grípa til einhverra aðra töfralausna til þess að hjálpa vellinum að ná sér fyrr? „Nei, í raun og veru ekki núna á þessum tímapunkti. Sér í lagi þar sem að þessi völlur, sem og grasvellir á heildina litið á Íslandi eru ekki með undirhita. Nema já hybrid-æfingavöllurinn sem FH er að prófa.“ Hybrid heillar „Hybrid æfingavöllurinn hjá FH yrði leikhæfur um þetta leiti sem við erum að tala um en hvað keppnisvöll liðsins í Kaplakrika varðar, sem er eins og Meistaravellir grasvöllur án undirhita, er kannski ekki sömu sögu að segja. Við sem erum að sjá um þessa grasvelli erum meira í því að leggja traust okkar og vonir á gott veðurfar.“ Svona hybrid völlur eins og er verið að prufukeyra í Kaplakrika. Þannig völlur hlýtur að vera draumur vallarstjórans eða hvað? „Já, að sjálfsögðu. Ég er náttúrulega búinn að tala fyrir þessu í að verða tíu ár núna. Við höfum ekkert gert fyrir fótboltavellina okkar. Grasvellirnir hafa ekki verið byggðir upp eftir nútímastöðlum. Þetta væri ekkert vesen ef við værum með rétt uppbyggða velli og undirhita undir völlunum. Þá værum við ekki einu sinni í þessari umræðu.“ Þú værir töluvert rólegri yfir stöðunni ef það væri upphitaður hybrid völlur hér í Vesturbænum? „Já, auðvitað væri maður alltaf rólegri. Þá myndi maður vita það fyrir víst að það yrði alltaf hægt að spila hér. Versta sem getur gerst fyrir okkur er að geta ekki spilað heimaleiki á heimavellinum okkar. Að sjálfsögðu reyni ég að gera allt sem í mínu valdi stendur til þess að hlutirnir verði í lagi.“ Jákvæður andi í kringum KR Í aðdraganda þessa tímabils er ekki laust við að maður skynji jákvæðni í kringum KR og vott af spennu fyrir komandi mánuðum. Karlaliðið er að halda inn í tímabilið með nýja þjálfara eftir að Gregg Ryder var ráðinn inn í stað Rúnars Kristinssonar. Veskið hefur verið opnað og spennandi leikmenn verið fengnir inn og bendir allt til þess að KR-ingar séu ekki hættir á leikmannamarkaðnum. Þessi stemning og spenna í kringum liðið núna. Eykur það pressuna á vallarstjórann að hafa allt í toppstandi hvað völlinn varðar? „Að sjálfsögðu viljum við að allt sé alltaf í toppstandi. Andinn í kringum félagið núna er búinn að vera mjög jákvæður og það er búið að vera rosalega gaman að sjá alla brosandi og jákvæða fyrir hlutunum. Menn eru að sjá bjarta tíma fram undan og vonandi fer eitthvað að gerast í vallarmálum hjá félaginu og ekki bara hér heldur á Íslandi í heild sinni. Við viljum spila á grasi. Fótbolti er spilaður á grasi eins og ég hef sagt oft áður. Ég held að við heltumst úr lestinni ef við færum okkur að öllu leiti yfir í plastvellina.“ Ryðst ekki inn á skrifstofu framkvæmdastjórans En þú sem vallarstjóri. Horfandi upp á nýja leikmenn koma hingað í Vesturbæinn, félagið að rífa upp veskið. Ertu strax mættur á skrifstofuna hjá framkvæmdastjóranum eða formanninum að biðja um meiri pening í vallarmálin? „Nei, nei. Ég veit alveg hvernig staðan er. Auðvitað er maður alltaf að reyna fá eitthvað nýtt inn, eitthvað sem getur hjálpað manni í manns starfi. Það er líka undir öðrum aðilum komið að þetta sé í lagi. Reykjavíkurborg er til að mynda ekki að setja mikinn pening í vallarmál í Reykjavík, það er betur staðið að þeim málum í sveitarfélögum á borð við Kópavog og Hafnarfjörð. Maður verður bara að vinna með það sem maður hefur úr að moða.“ Besta deild karla KR Íslenski boltinn Mest lesið Birti myndir af fólki, kalli það illum nöfnum og saki um einelti á meðan Körfubolti Kenndi dómaranum um eftir tap Athletic Bilbao fyrir United Fótbolti Fagnaðarlæti Púlara mældust á jarðskjálftamælum Enski boltinn Draumaendir Bjarka á ferlinum: „Loksins fann ég þjálfara sem virkilega skildi mig“ Íslenski boltinn Sjáðu sigurmark Gísla gegn Veszprém Handbolti Gleðin við völd í Grindavík: „Áður en við vitum af verður allt komið á fullt aftur“ Sport Juventus-parið hætt saman Fótbolti Glódís Perla eftir að tvennan var tryggð: „Langt síðan síðast“ Fótbolti Beckham fimmtugur í dag Enski boltinn Faðir Haliburton fær ekki að mæta á leiki hjá Pacers Körfubolti Fleiri fréttir Draumaendir Bjarka á ferlinum: „Loksins fann ég þjálfara sem virkilega skildi mig“ „Fannst ekkert gerast nema Fanndís væri að gera eitthvað“ „Hvað eru menn búnir að láta fífla sig út í?“ Vilja að Arna elti stóru systur: „Þær eru svakalegir íþróttamenn“ Sjáðu sjálfsmarkið sem skipti sköpum og fyrstu mörk Lífar Fylki og Keflavík spáð sigri í Lengjudeildunum Stokke í raðir Aftureldingar Bikarvörnin hefst gegn Fram „Held að Víkingar hafi keypt rangan framherja úr HK“ Bjarki um gjaldþrotið: „Þú ert niðurlægður á ákveðinn hátt“ Stúkan um Stjörnuna: „Er algjört kjaftæði“ Arnór Borg í Vestra og Fram fann markmann Víkingur fær leikmann úr dönsku B-deildinni „Fannst við halda góðri stjórn á leiknum“ Uppgjörið: Breiðablik - Fram 7-1 | Upprúllun í Kópavogi Uppgjörið: Víkingur R. - Þróttur R. 0-1 | Óheppilegt sjálfsmark skilaði gestunum sigri Hin þaulreynda Anna Björk heim í KR Henríetta lánuð til Þór/KA Aftur heim í Stjörnuna eftir dvöl hjá FH Gylfi valdið mestum vonbrigðum Telma mætt aftur með gullhanskann í Breiðablik Fagnaði tvítugsafmæli í gær og lánaður til FH í dag Stærsti sigur KR á ÍA í deildarleik Sannfærðir um að FH verði í fallbaráttu „Jæja Heimir, þú verður að hjálpa mér að enda þetta vel“ Sjáðu vítin á Hlíðarenda, skrautleg mörk í Garðabæ og umdeilt mark Fram TikTok-stjarna ÍBV dælir út efni frá Eyjum „Þetta var erfitt og maður var aldrei rólegur“ Vilja Gylfa Þór ekki til baka: „Enginn skilaréttur“ „Ekki áhyggjuefni, þetta var bara hörkuleikur“ Sjá meira
„Núna er þetta allt í lagi. Lítur ekkert hræðilega út eins og var raunin í fimmtán gráðu frosti í fyrra á þessum tíma,“ segir Magnús Valur, vallarstjóri Meistaravallar hjá KR, um stöðuna á vellinum núna mánuði fyrir upphafsflautið í Bestu deild karla. „Það er smá óvissa ríkjandi í kringum það hvernig veðrið verður fram að fyrsta leik. Það mun hafa mikið að segja.“ Við höfum ekkert gert fyrir fótboltavellina okkar. Grasvellirnir hafa ekki verið byggðir upp eftir nútímastöðlum. Þetta væri ekkert vesen ef við værum með rétt uppbyggða velli og undirhita undir völlunum. Þá værum við ekki einu sinni í þessari umræðu. Magnús Valur Starf þitt sem vallarstjóri KR á þessum tímapunkti. Ertu vakinn og sofinn yfir veðurspám þessa dagana? Er maður kvíðinn fyrir mögulegu hreti? „Ég get allavegana sagt þér það að ég er búinn að vera fylgjast með veðurspánni til lengri tíma núna og kíki alltaf um leið langt fram í tímann. Eins og staðan er núna þá lítur ekki út fyrir að við séum að fara fá eins mikið frost og í fyrra á þessum tíma. Sá vetur var hörmulegur. Veðurspáin fram undan lítur töluvert betur út en í fyrra. Ég hef því ekki eins miklar áhyggjur af því að það muni deyja eins mikið af grasi eins og gerðist á síðasta ári.“ Þokkalega bjartsýnn En hver er raunveruleg staða Meistaravalla núna, innan við mánuði þar til flautað verður til leiks í Bestu deild karla? Hún er nokkuð góð að mati Magnúsar og staðreyndin er sú að KR á ekki fyrsta heimaleik í deildinni fyrr en 20.apríl í þriðju umferð. Verður völlurinn klár fyrir fyrsta heimaleik? „Ég vona það já og er þokkalega bjartsýnn fyrir því. Næsta verk hér er að koma einhverjum dúk yfir völlinn til þess að reyna mynda hita á honum. Hann gæti orðið leikfær í kringum 20. apríl. “ Dúk á völlinn segir Magnús en er hægt að grípa til einhverra aðra töfralausna til þess að hjálpa vellinum að ná sér fyrr? „Nei, í raun og veru ekki núna á þessum tímapunkti. Sér í lagi þar sem að þessi völlur, sem og grasvellir á heildina litið á Íslandi eru ekki með undirhita. Nema já hybrid-æfingavöllurinn sem FH er að prófa.“ Hybrid heillar „Hybrid æfingavöllurinn hjá FH yrði leikhæfur um þetta leiti sem við erum að tala um en hvað keppnisvöll liðsins í Kaplakrika varðar, sem er eins og Meistaravellir grasvöllur án undirhita, er kannski ekki sömu sögu að segja. Við sem erum að sjá um þessa grasvelli erum meira í því að leggja traust okkar og vonir á gott veðurfar.“ Svona hybrid völlur eins og er verið að prufukeyra í Kaplakrika. Þannig völlur hlýtur að vera draumur vallarstjórans eða hvað? „Já, að sjálfsögðu. Ég er náttúrulega búinn að tala fyrir þessu í að verða tíu ár núna. Við höfum ekkert gert fyrir fótboltavellina okkar. Grasvellirnir hafa ekki verið byggðir upp eftir nútímastöðlum. Þetta væri ekkert vesen ef við værum með rétt uppbyggða velli og undirhita undir völlunum. Þá værum við ekki einu sinni í þessari umræðu.“ Þú værir töluvert rólegri yfir stöðunni ef það væri upphitaður hybrid völlur hér í Vesturbænum? „Já, auðvitað væri maður alltaf rólegri. Þá myndi maður vita það fyrir víst að það yrði alltaf hægt að spila hér. Versta sem getur gerst fyrir okkur er að geta ekki spilað heimaleiki á heimavellinum okkar. Að sjálfsögðu reyni ég að gera allt sem í mínu valdi stendur til þess að hlutirnir verði í lagi.“ Jákvæður andi í kringum KR Í aðdraganda þessa tímabils er ekki laust við að maður skynji jákvæðni í kringum KR og vott af spennu fyrir komandi mánuðum. Karlaliðið er að halda inn í tímabilið með nýja þjálfara eftir að Gregg Ryder var ráðinn inn í stað Rúnars Kristinssonar. Veskið hefur verið opnað og spennandi leikmenn verið fengnir inn og bendir allt til þess að KR-ingar séu ekki hættir á leikmannamarkaðnum. Þessi stemning og spenna í kringum liðið núna. Eykur það pressuna á vallarstjórann að hafa allt í toppstandi hvað völlinn varðar? „Að sjálfsögðu viljum við að allt sé alltaf í toppstandi. Andinn í kringum félagið núna er búinn að vera mjög jákvæður og það er búið að vera rosalega gaman að sjá alla brosandi og jákvæða fyrir hlutunum. Menn eru að sjá bjarta tíma fram undan og vonandi fer eitthvað að gerast í vallarmálum hjá félaginu og ekki bara hér heldur á Íslandi í heild sinni. Við viljum spila á grasi. Fótbolti er spilaður á grasi eins og ég hef sagt oft áður. Ég held að við heltumst úr lestinni ef við færum okkur að öllu leiti yfir í plastvellina.“ Ryðst ekki inn á skrifstofu framkvæmdastjórans En þú sem vallarstjóri. Horfandi upp á nýja leikmenn koma hingað í Vesturbæinn, félagið að rífa upp veskið. Ertu strax mættur á skrifstofuna hjá framkvæmdastjóranum eða formanninum að biðja um meiri pening í vallarmálin? „Nei, nei. Ég veit alveg hvernig staðan er. Auðvitað er maður alltaf að reyna fá eitthvað nýtt inn, eitthvað sem getur hjálpað manni í manns starfi. Það er líka undir öðrum aðilum komið að þetta sé í lagi. Reykjavíkurborg er til að mynda ekki að setja mikinn pening í vallarmál í Reykjavík, það er betur staðið að þeim málum í sveitarfélögum á borð við Kópavog og Hafnarfjörð. Maður verður bara að vinna með það sem maður hefur úr að moða.“
Besta deild karla KR Íslenski boltinn Mest lesið Birti myndir af fólki, kalli það illum nöfnum og saki um einelti á meðan Körfubolti Kenndi dómaranum um eftir tap Athletic Bilbao fyrir United Fótbolti Fagnaðarlæti Púlara mældust á jarðskjálftamælum Enski boltinn Draumaendir Bjarka á ferlinum: „Loksins fann ég þjálfara sem virkilega skildi mig“ Íslenski boltinn Sjáðu sigurmark Gísla gegn Veszprém Handbolti Gleðin við völd í Grindavík: „Áður en við vitum af verður allt komið á fullt aftur“ Sport Juventus-parið hætt saman Fótbolti Glódís Perla eftir að tvennan var tryggð: „Langt síðan síðast“ Fótbolti Beckham fimmtugur í dag Enski boltinn Faðir Haliburton fær ekki að mæta á leiki hjá Pacers Körfubolti Fleiri fréttir Draumaendir Bjarka á ferlinum: „Loksins fann ég þjálfara sem virkilega skildi mig“ „Fannst ekkert gerast nema Fanndís væri að gera eitthvað“ „Hvað eru menn búnir að láta fífla sig út í?“ Vilja að Arna elti stóru systur: „Þær eru svakalegir íþróttamenn“ Sjáðu sjálfsmarkið sem skipti sköpum og fyrstu mörk Lífar Fylki og Keflavík spáð sigri í Lengjudeildunum Stokke í raðir Aftureldingar Bikarvörnin hefst gegn Fram „Held að Víkingar hafi keypt rangan framherja úr HK“ Bjarki um gjaldþrotið: „Þú ert niðurlægður á ákveðinn hátt“ Stúkan um Stjörnuna: „Er algjört kjaftæði“ Arnór Borg í Vestra og Fram fann markmann Víkingur fær leikmann úr dönsku B-deildinni „Fannst við halda góðri stjórn á leiknum“ Uppgjörið: Breiðablik - Fram 7-1 | Upprúllun í Kópavogi Uppgjörið: Víkingur R. - Þróttur R. 0-1 | Óheppilegt sjálfsmark skilaði gestunum sigri Hin þaulreynda Anna Björk heim í KR Henríetta lánuð til Þór/KA Aftur heim í Stjörnuna eftir dvöl hjá FH Gylfi valdið mestum vonbrigðum Telma mætt aftur með gullhanskann í Breiðablik Fagnaði tvítugsafmæli í gær og lánaður til FH í dag Stærsti sigur KR á ÍA í deildarleik Sannfærðir um að FH verði í fallbaráttu „Jæja Heimir, þú verður að hjálpa mér að enda þetta vel“ Sjáðu vítin á Hlíðarenda, skrautleg mörk í Garðabæ og umdeilt mark Fram TikTok-stjarna ÍBV dælir út efni frá Eyjum „Þetta var erfitt og maður var aldrei rólegur“ Vilja Gylfa Þór ekki til baka: „Enginn skilaréttur“ „Ekki áhyggjuefni, þetta var bara hörkuleikur“ Sjá meira