Heið­dís á far­alds­fæti á ný

Heiðdís var á mála hjá Basel í rúmlega eitt ár en hún samdi við félagið í febrúar á síðasta ári. Hún hefur spilað í þremur löndum en ásamt því að spila fyrir Breiðablik, Selfoss og Hött á Egilsstöðum hér á landi þá var hún á láni hjá Benfica árið 2022.

Þessi 27 ára gamli varnarmaður á að baki 126 leiki í efstu deild hér á landi og hefur skorað í þeim 4 mörk. Þá á hún að baki 19 leiki fyrir yngri landslið Íslands en hefur ekki enn leikið fyrir A-landsliðið.

Í kveðjupósti sínum segir Heiðdís að lífið í Sviss hafi verið upp og niður en hún sé þakklát fyrir allt fólkið sem hún kynntist. Ekki kemur fram hvert förinni er heitið næst.