Erlent

Ný­fætt barn fannst í inn­kaupa­poka í London

Kolbeinn Tumi Daðason skrifar
Thames árin í London séð úr austri.
Thames árin í London séð úr austri. Getty

Nýfætt stúlkubarn fannst pakkað inn í handklæði í innkaupapoka í austurhluta Lundúna. Barninu heilsast vel á sjúkrahúsi þökk sé hundaeiganda sem fann það og hélt á því hita. Leit að móðurinni stendur yfir.

Einstaklingur á göngu með hund sinn kom að barninu í innkaupapokanum. Lögregla telur að viðkomandi hafi líkast til bjargað lífi barnsins með því að halda á því hita á meðan viðbragðsaðilar voru ræstir út.

Barninu varð ekki meint af útiverunni og leit stendur yfir að móðurinni. Simon Crick yfirlögregluþjónn segir hug allra hjá móðurinni og velferð hennar. Hún hafi greinilega gengið í gegnum erfiðan tíma og þurfi á heilbrigðisaðstoð að halda eftir fæðinguna. Sjúkraliðar og sérfræðingar séu tilbúnir að aðstoða.

„Ef þú ert móðir barnsins, þá skaltu vita að barninu heilsast vel og óháð aðstæðum þínum, komdu á næsta sjúkrahús, lögreglustöð eða hringdu á Neyðarlínuna,“ segir Crick.

Þá er almenningur sem telur sig hafa upplýsingar um málið beðinn um að hafa samband við lögreglu.

Frétt BBC.

England Bretland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið