Átök ókunnugra kvenna við Petersen-svítuna enduðu fyrir dómi Jón Þór Stefánsson skrifar 3. október 2023 16:00 Lögreglubíll á gatnamótum Bankastrætis og Ingólfsstrætis. Árásin sem málið varðar átti sér stað við skemmtistað á síðarnefndu götunni. Ung kona var í dag dæmd í þrjátíu daga fangelsi, skilorðsbundið til tveggja ára, fyrir líkamsárás sem átti sér stað á djamminu í miðbæ Reykjavíkur í júní 2021, nánar tiltekið fyrir framan Petersen-svítuna. Dómurinn var kveðinn upp í Héraðsdómi Reykjaness. Konan, sem neitaði sök, var ákærð fyrir að slá aðra stúlku í andlitið með hvítvínsflösku, en dómurinn taldi ekki hægt að sanna að árásin hafi verið framin með henni. Þó væri ljóst að konan hefði slegið aðra stúlku í andlitið. Í frumskýrslu lögreglu segir að lögregluþjónar hafi komið að vettvangi málsins um hálfeittleytið umrætt kvöld. Þeir hafi séð brotaþola málsins grátandi á jörðinni, í uppnámi og með blóðnasir. Hún sagðist hafa verið að ganga niður Ingólfsstræti þegar konan kom til hennar og verið með skæting. Þá hafi konan tekið síman af sér og kastað honum. Sjálf sagðist hún hafa sótt símann og gengið í burtu, en konan komið aftur að sér og lamið hana með hvítvínslösku í andlitið. Vinkona brotaþolans greindi frá málinu eins og það blasti við sér. Hún sagði að þær hafi verið staddar við Petersen-svítuna að ræða við einhverja stráka þegar ókunnuga konan hafi komið að vinkonu hennar og byrjað að rífast í henni. Hún sagðist hafa ítrekað hafa beðið hana um að hætta því og láta vinkonu sínu í friði, en hún ekki viljað hætta. Þá hafi konan tekið í hár sitt aftan frá og togað hana niður með þeim afleiðingum að hún skall með bakið í jörðina. Þá hafi konan kýlt vinkonu hennar. Vinkonan sagði ókunnugu konuna hafa verið þarna ásamt móður hennar og vinkonu. Ekki „fræðilegur möguleiki“ að hún hafi notað flöskuna Í skýrslutöku hjá lögreglu sagðist konan, sem grunuð var í málinu, aðspurð um meintan verknað sinn koma af fjöllum. Hún sagðist ekki muna eftir því að hafa slegið farsíma úr höndum stúlkunnar. Þá sagði hún að allir hafi verið drukknir fyrir utan Petersen-svítuna og þar hafi komið til rifrilda. Einhverjir hafi öskrað og einhver helt bjór yfir vinkonu sína. Hún sagðist muna eftir því „að hafa slegið á móti“ og kallað til einhvers fólks. Þegar henni var sýnd upptaka af meintri árás sinni með flöskunni svaraði hún: „Ég barði hana aldrei með flöskunni; ég augljóslega ýtti í hana, ég barði hana aldrei með flöskunni; það er ekki fræðilegur möguleiki.“ Myndbandsupptakan segi meira en þúsund orð Umrædd myndbandsupptaka var lykilsönnunargagn málsins, en um var að ræða fjögurra mínútna upptöku úr öryggismyndavél Peterson-svítunnar sem er staðsett fyrir ofan anddyri staðarins Um þessa upptöku segir í dómnum: „Sagt er að ein mynd segi meira en þúsund orð. Eftir margendurtekna skoðun á þeirri myndupptöku […] er það álit dómsins að téð spakmæli eigi allskostar við í máli þessu.“ Í dómnum segir að upptakan sýni glöggt þá atburðarrás sem eigi sér stað fyrir framan staðinn. Dómurinn segir að á upptökunni megi sjá þegar konan greiði hinni stúlkunni eitt högg í höfuð eða andlit. Þó segir að ekki verði ráðið með neinni vissu um að hvítvínsflaska, sem konan sjáist halda á á upptökunni, hafi verið notuð sem vopn. Jafnframt sagði dómskvaddur læknir að ákverkar á nefi konunnar gætu hafa orsakast af hnefahöggi. Því mat dómurinn svo að ekki væri sannað að konan hafi beytt flöskunni í árásinni. Líkt og áður segir hlaut konan þrjátíu daga skilorðsbundin dóm, og er gert að greiða tæplega 500 þúsund krónur í sakarkostnað. Reykjavík Dómsmál Næturlíf Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Lífið heldur áfram eftir svona áfall“ Innlent Varaforsetaefni í bobba vegna hundsdráps og meints fundar með Kim Erlent Ók á tvö hundruð með lögguna á hælunum Innlent Flugvél Atlanta á tæpasta vaði í Ríad Erlent Katrín efst en Jón hrynur í nýrri könnun Innlent Ríflega fjörutíu prósent líst illa á Katrínu Innlent Ótrúlegustu aðskotahlutir gera óskunda í dósatalningarvélum Innlent Sigu niður í Gretti sterka og dældu úr honum sjó Innlent Hafa rukkað þá sem valda sinubruna um kostnað við útkall Innlent Kolbeinn hafi strokið kynfæri stúlkunnar ítrekað Innlent Fleiri fréttir „Ég get ekki annað en sagt satt“ Ríflega fjörutíu prósent líst illa á Katrínu „Lífið heldur áfram eftir svona áfall“ Sigu niður í Gretti sterka og dældu úr honum sjó Ók á tvö hundruð með lögguna á hælunum Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Sjá meira
Konan, sem neitaði sök, var ákærð fyrir að slá aðra stúlku í andlitið með hvítvínsflösku, en dómurinn taldi ekki hægt að sanna að árásin hafi verið framin með henni. Þó væri ljóst að konan hefði slegið aðra stúlku í andlitið. Í frumskýrslu lögreglu segir að lögregluþjónar hafi komið að vettvangi málsins um hálfeittleytið umrætt kvöld. Þeir hafi séð brotaþola málsins grátandi á jörðinni, í uppnámi og með blóðnasir. Hún sagðist hafa verið að ganga niður Ingólfsstræti þegar konan kom til hennar og verið með skæting. Þá hafi konan tekið síman af sér og kastað honum. Sjálf sagðist hún hafa sótt símann og gengið í burtu, en konan komið aftur að sér og lamið hana með hvítvínslösku í andlitið. Vinkona brotaþolans greindi frá málinu eins og það blasti við sér. Hún sagði að þær hafi verið staddar við Petersen-svítuna að ræða við einhverja stráka þegar ókunnuga konan hafi komið að vinkonu hennar og byrjað að rífast í henni. Hún sagðist hafa ítrekað hafa beðið hana um að hætta því og láta vinkonu sínu í friði, en hún ekki viljað hætta. Þá hafi konan tekið í hár sitt aftan frá og togað hana niður með þeim afleiðingum að hún skall með bakið í jörðina. Þá hafi konan kýlt vinkonu hennar. Vinkonan sagði ókunnugu konuna hafa verið þarna ásamt móður hennar og vinkonu. Ekki „fræðilegur möguleiki“ að hún hafi notað flöskuna Í skýrslutöku hjá lögreglu sagðist konan, sem grunuð var í málinu, aðspurð um meintan verknað sinn koma af fjöllum. Hún sagðist ekki muna eftir því að hafa slegið farsíma úr höndum stúlkunnar. Þá sagði hún að allir hafi verið drukknir fyrir utan Petersen-svítuna og þar hafi komið til rifrilda. Einhverjir hafi öskrað og einhver helt bjór yfir vinkonu sína. Hún sagðist muna eftir því „að hafa slegið á móti“ og kallað til einhvers fólks. Þegar henni var sýnd upptaka af meintri árás sinni með flöskunni svaraði hún: „Ég barði hana aldrei með flöskunni; ég augljóslega ýtti í hana, ég barði hana aldrei með flöskunni; það er ekki fræðilegur möguleiki.“ Myndbandsupptakan segi meira en þúsund orð Umrædd myndbandsupptaka var lykilsönnunargagn málsins, en um var að ræða fjögurra mínútna upptöku úr öryggismyndavél Peterson-svítunnar sem er staðsett fyrir ofan anddyri staðarins Um þessa upptöku segir í dómnum: „Sagt er að ein mynd segi meira en þúsund orð. Eftir margendurtekna skoðun á þeirri myndupptöku […] er það álit dómsins að téð spakmæli eigi allskostar við í máli þessu.“ Í dómnum segir að upptakan sýni glöggt þá atburðarrás sem eigi sér stað fyrir framan staðinn. Dómurinn segir að á upptökunni megi sjá þegar konan greiði hinni stúlkunni eitt högg í höfuð eða andlit. Þó segir að ekki verði ráðið með neinni vissu um að hvítvínsflaska, sem konan sjáist halda á á upptökunni, hafi verið notuð sem vopn. Jafnframt sagði dómskvaddur læknir að ákverkar á nefi konunnar gætu hafa orsakast af hnefahöggi. Því mat dómurinn svo að ekki væri sannað að konan hafi beytt flöskunni í árásinni. Líkt og áður segir hlaut konan þrjátíu daga skilorðsbundin dóm, og er gert að greiða tæplega 500 þúsund krónur í sakarkostnað.
Reykjavík Dómsmál Næturlíf Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Lífið heldur áfram eftir svona áfall“ Innlent Varaforsetaefni í bobba vegna hundsdráps og meints fundar með Kim Erlent Ók á tvö hundruð með lögguna á hælunum Innlent Flugvél Atlanta á tæpasta vaði í Ríad Erlent Katrín efst en Jón hrynur í nýrri könnun Innlent Ríflega fjörutíu prósent líst illa á Katrínu Innlent Ótrúlegustu aðskotahlutir gera óskunda í dósatalningarvélum Innlent Sigu niður í Gretti sterka og dældu úr honum sjó Innlent Hafa rukkað þá sem valda sinubruna um kostnað við útkall Innlent Kolbeinn hafi strokið kynfæri stúlkunnar ítrekað Innlent Fleiri fréttir „Ég get ekki annað en sagt satt“ Ríflega fjörutíu prósent líst illa á Katrínu „Lífið heldur áfram eftir svona áfall“ Sigu niður í Gretti sterka og dældu úr honum sjó Ók á tvö hundruð með lögguna á hælunum Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Sjá meira