Íslenski boltinn

Sjáðu glæsimörk Stjörnunnar sem tryggðu Evrópusætið

Ingvi Þór Sæmundsson skrifar
Eggert Aron Guðmundsson skoraði tvö mörk gegn Íslandsmeisturum Víkings og er kominn með tíu mörk í Bestu deildinni.
Eggert Aron Guðmundsson skoraði tvö mörk gegn Íslandsmeisturum Víkings og er kominn með tíu mörk í Bestu deildinni. vísir/hulda margrét

Stjarnan vann sinn níunda sigur í tíu heimaleikjum undir stjórn Jökuls Elísabetarsonar þegar liðið sigraði Íslandsmeistara Víkings, 3-1, í lokaleik 26. umferðar Bestu deildar karla í fótbolta í gær.

Stjörnumenn byrjuðu leikinn af fítonskrafti og strax á 4. mínútu kom Eggert Aron Guðmundsson þeim yfir eftir góða sókn og sendingu Örvars Loga Örvarssonar.

Þremur mínútum síðar bætti Hilmar Árni Halldórsson öðru marki við. Hann skaut þá boltanum yfir Þórð Ingason, markvörð Víkings, af löngu færi.

Á 61. mínútu var Eggert aftur á ferðinni. Hann skoraði þá þriðja mark Garðbæinga með frábæru skoti í fjærhornið. Hann hefur skorað tíu mörk í Bestu deildinni í sumar.

Helgi Guðjónsson skoraði sárabótarmark fyrir Víkinga á 78. mínútu. Lokatölur 3-1, Stjörnunni í vil. Með sigrinum tryggði liðið sér Evrópusæti.

Klippa: Stjarnan 3-1 Víkingur

Mörkin úr leiknum má sjá í spilaranum hér fyrir ofan.

Besta deild karla Stjarnan Víkingur Reykjavík

Mest lesið


Fleiri fréttir

Sjá meira


×

Mest lesið