Innlent

Keyrði á 84 í nágrenni skóla og bíður ákæru

Ólafur Björn Sverrisson skrifar
Ekki liggur fyrir við hvaða skóla maðurinn keyrði og tengist myndin því fréttinni ekki beint.
Ekki liggur fyrir við hvaða skóla maðurinn keyrði og tengist myndin því fréttinni ekki beint. vísir/vilhelm

Maður á yfir höfði sér ákæru eftir að hafa keyrt á 84 kílómetra hraða í nágrenni grunnskóla, þar sem leyfður hámarkshraði er 30. 

Um er að ræða grófasta tilvikið við hraðamælingar lögreglu í ágúst og september. 

Samkvæmt tilkynningu frá lögreglunni voru um 750 ökumenn staðnir að hraðakstri og voru sektaðir fyrir vikuð. Ökumaðurinn sem keyrði á 84 á hins vegar yfir höfði sér ákæru eins og áður segir.

Lögregla er jafnan við umferðareftirlit þegar grunnskólar hefja göngu sína á nýjan leik eftir sumarleyfi.

„Mældi sérstakur myndavélabíll embættisins hraða ökutækja við á fjórða tug grunnskóla, eða í næsta nágrenni þeirra (gönguleiðir skólabarna) víða í umdæminu í bæði ágúst og september,“ segir í tilkynningunni.

„Lögreglan minnir ökumenn, enn og aftur, á að aka varlega, ekki síst í námunda við skóla enda margir þar á ferli, m.a. nýir vegfarendur sem hófu skólagöngu í sumarlok.“

Lögreglumál Umferðaröryggi Grunnskólar Skóla - og menntamál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið