Innlent

Hús sprakk í óveðri á Siglufirði

Árni Sæberg skrifar
Húsið fór mjög illa í óveðrinu.
Húsið fór mjög illa í óveðrinu. Lögreglan á Norðurlandi eystra

Mikill vindur og gríðalegir vindstrengir hafa verið á Siglufirði í gær og nótt og viðbúið er að svo verði áfram, fram eftir degi og til kvölds. Í gærkvöldi reif vindhviða þak af húsi við Aðalgötu.

Þetta segir í færslu Lögreglunnar á Norðurlandi eystra á Facebook. Þar segir að brak úr húsinu hafi dreifst yfir stórt svæði og valdið tjóni á nærliggjandi húsum og mannvirkjum. Rýma hafi þurft eitt hús.

Vegna þessa sé umferð um Aðalgötu á Siglufirði, frá Vetrarbraut, lokað fyrir umferð þar til búið verður að tryggja svæðið. Einnig sé lokað fyrir umferð um bifreiðastæði við skrifstofu Ramma á hafnarsvæðinu. Opnað verði aftur fyrir umferð um leið og svæðið verður tryggt.

Allt tiltækt lið kallað út

Öll tiltæk björgunartæki björgunarsveita á svæðinu, slökkviliðs og lögreglu hafi verið notuð við lokanir í nótt. Þá hafi björgunarsveitarmenn verið á ferðinni um bæinn til að lágmarka foktjón á öðrum stöðum.

Fjallabyggð Slökkvilið Lögreglumál Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið