Milt sunnanlands en svalt norðanlands

Í hugleiðingum veðurfræðings segir að víða verði dálítil rigning eða skúrir fram eftir morgni og slydda eða snjókoma á hálendinu. Síðan verður þurrt að mestu norðan heiða. Milt veður sunnanlands, en fremur svalt fyrir norðan.

Á morgun mun hæðarhryggur þokast austur yfir landið og þá mun létta þá víða til. Því má búast við næturfrosti inn til landsins aðfaranótt þriðjudags.

Veðurhorfur á landinu næstu daga

Á þriðjudag:

Suðvestlæg eða breytileg átt, 3-8 m/s og yfirleitt bjartviðri, en stöku skúrir vestantil, einkum síðdegis. Hiti 5 til 11 stig að deginum, en nær frostmarki yfir nóttina.

Á miðvikudag og fimmtudag:

Austlæg átt, 3-8 m/s, með súld eða rigningu sunnan- og austantil, en annars bjartara og þurrt. Hiti 6 til 12 stig yfir daginn.

Á föstudag:

Hægviðri og skýjað með köflum með dálítilli vætu. Hlýnar aðeins í veðri.

Á laugardag:

Útlit fyrir suðvestlæga átt og lítilsháttar vætu á víð og dreif. Áfram milt veður.