Hópurinn klár fyrir undankeppni Ólympíuleikanna

Runólfur Trausti Þórhallsson skrifar 20. júlí 2023 11:05

Martin Hermannsson er í hópnum sem og Elvar Már Friðriksson, Tryggvi Snær Hlinason og Jón Axel Guðmundsson. Vísir/Bára Dröfn

Landsliðshópur íslenska karlalandsliðsins í körfubolta er klár fyrir verkefni sumarsins. Um er að ræða tvo vináttuleiki í Ungverjalandi og svo undankeppni Ólympíuleikanna í Tyrklandi.

Baldur Þór Ragnarsson og Pavel Ermolinskij, aðstoðarþjálfarar Íslands, hafa stýrt æfingum undanfarna þrjá daga en Craig Pedersen, landsliðsþjálfari, kemur til landsins á föstudag. Þá hefst formlegur undirbúningur fyrir verkefni sumarsins.

Í lok júlí fer liðið til Ungverjalands og spilar þar vináttuleiki við heimamenn og Ísrael. Þann 10. ágúst fer liðið til Tyrklands þar sem það tekur þátt í undankeppni Ólympíuleikanna. Ísland er í riðli með Tyrklandi, Úkraínu og Búlgaríu.

„Efstu tvö liðin fara í úrslit þar sem er útsláttaryfirkomulag. Sigurvegari úrslitakeppninnar tryggir sér sæti í seinni umferð undankeppninnar þar sem sigurvegarar annara álfuhluta koma inn auk liða sem taka þátt í HM-keppninni í haust,“ segir í fréttatilkynningu Körfuknattleikssambands Íslands.

Hópurinn fyrir verkefni sumarsins

Nafn · Lið · Landsleikir

Almar Orri Atlason · Bradley University, USA · 0
Elvar Már Friðriksson · PAOK, Grikklandi · 65
Hilmar Pétursson · Munster, Þýskalandi · 4
Hilmar Smári Henningsson · Haukar · 9
Hjálmar Stefánsson · Valur · 21
Jón Axel Guðmundsson · Victoria Libertas Pesaro, Ítalíu · 25
Kári Jónsson · Valur · 32
Kristinn Pálsson · Aris Leuuwarden, Hollandi · 26
Martin Hermannsson · Valencia, Spánn · 73
Ólafur Björn Gunnlaugsson · Black Hill State University, USA · Nýliði
Orri Gunnarsson · Haukar · Nýliði
Pétur Rúnar Birgisson · Tindastóll · 11
Ragnar Ágúst Nathanaelsson · Hamar · 60
Róbert Sean Birmingham · Njarðvík · Nýliði
Sigtryggur Arnar Björnsson · Tindastóll · 28
Sigurður Pétursson · Breiðablik · Nýliði
Styrmir Snær Þrastarson · Þór Þorlákshöfn · 9
Tryggvi Snær Hlinason · Bilbao Basket, Spánn · 58
Þórir Guðmundur Þorbjarnarson · Tindastóll · 22
Þorvaldur Orri Árnason · KR · 1
Ægir Þór Steinarsson · Stjarnan · 80

Nokkrir leikmenn gátu ekki tekið þátt í verkefnum sumarsins. Þeir Kristófer Acox (Valur) og Haukur Helgi Briem Pálsson (Álftanes) gáfu ekki kost á sér vegna meiðsla. Hörður Axel Vilhjálmsson (Álftanes), Ólafur Ólafsson (Grindavik) og Sigurður Gunnar Þorsteinsson (Tindastól) gáfu ekki kost á sér að þessu sinni af öðrum ástæðum.

Körfubolti Landslið karla í körfubolta

Mest lesið

Fleiri fréttir