Innlent

Þurfa að af­­lýsa ein­hverju flugi vegna hvass­viðrisins

Atli Ísleifsson skrifar
Raskanir hafa einnig orðið á innanlandsflugi í dag.
Raskanir hafa einnig orðið á innanlandsflugi í dag. Vísir/Vilhelm

Lægðin sem gengur nú yfir landið mun hafa áhrif á flugáætlun Icelandair seinni partinn í dag. Bæði þarf að seinka einhverjum brottförum og þá þarf í einhverjum tilfellum að aflýsa flugi. 

Í tilkynningu frá flugfélaginu segir að í ljósi versnandi veðurspár hafi ákvörðun verið tekin um að seinka flugi frá Evrópu til Íslands eftir hádegið í dag. 

„Raskanirnar hafa þau áhrif að seinkun verður á síðdegisflugi frá Íslandi og í einhverjum tilfellum þarf að aflýsa flugi vegna afgreiðslutíma á flugvöllum erlendis. Raskanir hafa sömuleiðis orðið á innanlandsflugi í dag. Haft hefur verið samband við farþega sem verða fyrir áhrifum af seinkununum.

Icelandair leggur áherslu á að upplýsa farþega með bestu upplýsingum sem liggja fyrir hverju sinni og mun senda tölvupósta og smáskilaboð til farþega ef breytingar verða á flugáætlun þeirra. Ef til aflýsingar kemur munu farþegar fá nýja ferðaáætlun senda með tölvupósti. Farþegum er bent á að fylgjast með tölvupósti og smáskilaboðum frá flugfélaginu. Ekki er nauðsynlegt að hafa samband við Icelandair nema ný ferðaáætlun henti ekki.

Icelandair Fréttir af flugi Keflavíkurflugvöllur Ferðamennska á Íslandi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið