Elísabet Rut setti Íslandsmet og varð svæðismeistari á Myrtle Beach

Lokamótið fór fram á Myrtle Beach í Suður Karólínu og það var frábært kast hennar í fimmtu umferð sem gulltryggði sigurinn.

Elísabet Rut kastaði þá sleggjunni 65,53 metra og bætti eigið Íslandsmet sem var kast upp á 65,35 metra frá því í júní fyrra.

Þetta var líka lengsta kast hjá nemanda á fyrsta ári í skólanum og það tíunda lengsta í sögu skólans.

Elísabet á nú átta lengstu köst hjá íslenskri konu en þetta er í fjórða skiptið sem hún bætir Íslandsmetið í greininni.

Elísabet er á fyrsta ári sínu í Texas State háskólanum sem hefur aðsetur í Austin í Texas fylki í Bandaríkjunum.

Hér fyrir neðan má sjá þetta frábæra kast hjá Elísabetu.