Verðum að grípa inn í áður en gervigreindin tekur völdin Kristín Ólafsdóttir skrifar 2. maí 2023 20:00 Haraldur Þorleifsson frumkvöðull er kunnugur tæknigeiranum. Hann segir blikur á lofti í gervigreindarmálum um þessar mundir. Vísir/vilhelm Guðfaðir gervigreindar sagði upp hjá Google til að geta varað óheft við tækninni. Lektor í tölvunarfræði segir fulla ástæðu til að staldra við í gervigreindarkapphlaupinu - og frumkvöðull kunnugur tæknigeiranum varar við því að tæknin hreinlega taki yfir, grípi stjórnvöld ekki í taumana. Geoffrey Hinton hefur unnið að þróun gervigreindar eins og spjallyrkisins ChatGPT undanfarna hálfa öld. Hann hætti nýlega hjá tæknirisanum Google svo hann gæti talað opinskátt um þær hættur sem hann telur stafa af gervigreindinni. Hann lýsir áhyggjum sínum við New York Times; skil milli raunveruleika og sýndarveruleika verði æ óljósari og störf þurrkist út. Og í fjarlægari framtíð hefur Hinton jafnvel áhyggjur af því að gervigreindin ógni tilvist mannkynsins sjálfs. Að drápsvélmenni í dystópískum vísindaskáldsögum verði að veruleika. Hafsteinn Einarsson lektor í tölvunarfræði segir ákvörðun Hintons þýðingarmikla. „Það að hann hætti hjá Google hefur mikið vægi. Og bara við það ættum við kannski öll aðeins að staldra við og hugsa hvað þetta hefur verið að gerast hratt og hvað er í rauninni að fara að gerast í framtíðinni,“ segir Hafsteinn. Haraldur Þorleifsson frumkvöðull, sem þar til nýlega starfaði hjá samfélagsmiðlarisanum Twitter, tekur undir með Hafsteini. Þróunin sé mun hraðari en flestir reiknuðu með. „Þetta er að gerast eiginlega allt á forsendum tækninnar, ekki á forsendum fólks. Og það verður mjög hröð breyting. Miklu hraðari og stærri en fólk gerir sér grein fyrir og þá er ég að tala um kannski næstu tíu ár.“ Hafsteinn Einarsson, lektor í tölvunarfræði við Háskóla Íslands. Hann er ekki jafnuggandi yfir stöðu gervigreindarkapphlaupsins og Haraldur.Skjáskot/Stöð 2 Hafsteinn hefur einna mestar áhyggjur af samkeppni risa eins og Google og Microsoft sem þegar er hafin. „Þá fer maður að spyrja sig: Hvert fer siðferðið? Og hvernig er hægt að gera þetta með ábyrgum hætti þegar þetta snýst um að fá sem flesta notendur og græða sem mestan pening?“ Tekur gervigreindin yfir? Heilt yfir er Hafsteinn þó ekki mjög uggandi. „Við erum ekki að sjá einhverja ofurgervigreind að verða til sem mun taka yfir, eða eitthvað slíkt. En fólk hefur áhyggjur af því að missa mögulega starfið því það er hægt að leysa þeirra verkefni með gervigreind,“ segir Hafsteinn. Haraldur er öllu áhyggjufyllri. „Það er fræðilegur möguleiki, alvöru möguleiki, að tæknin muni taka það miklum breytingum það hratt að hún síðan taki yfir og við endum í algjörlega nýjum heimi, þar sem við erum ekki ráðandi lífverurnar. Það þarf að grípa inn í með alþjóðlegum lögum og reglum. Það er eina leiðin til þess að hægja á þróuninni,“ segir Haraldur. Viðtal kvöldfrétta við bæði Harald Þorleifsson og Hafstein Einarsson má sjá í spilaranum fyrir ofan. Gervigreind Google Microsoft Tækni Samfélagsmiðlar Tengdar fréttir Hætti hjá Google til að vara við hættu af gervigreind Frumkvöðull í gervigreind segist hafa sagt starfi sínu hjá tæknirisanum Google lausu til þess að geta tjáð sig óheft um þær hættur sem hann telur að fylgi tækninni. Hann segist hafa gert sér grein fyrir að tölvur gætu orðið greindari en menn mun fyrr en hann taldi. 2. maí 2023 11:55 Tilgangur kennarans ekki að lesa ritgerðir eftir gervigreind Hlutverk kennara er ekki að lesa ritgerðir sem gervigreind hefur skrifað. Þetta segir formaður Félags framhaldsskólakennara en nokkur slík tilfelli hafa komið upp og þeim fer fjölgandi. Líta verði á gervigreindarbyltinguna sem tækifæri til að færa áherslur í kennslu meira í átt að hinu félagslega og nær kjarnahlutverki framhaldsskólans. 30. apríl 2023 07:01 Ekki ólíklegt að gervigreindin mismuni konum og körlum Það kann að koma á óvart hversu mikil skekkja er enn í gögnum sem þó hafa veruleg áhrif á það hvernig vörur, þjónusta, stofnanir, vöruhönnun og fleira kemur við karla annars vegar og konur hins vegar. 20. apríl 2023 07:02 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þurftu að farga 30 þúsund eintökum vegna forsetaframboðs Innlent Vitni gefur ekki upp nafn vegna ótta við hefndaraðgerðir Innlent Forsetavaktin 2024: Hver verður sjöundi forseti lýðveldisins? Innlent Sáu ekki andlit huldumanns sem þeir telja vera Pétur Jökul Innlent Megrunarlyfin nýjasta vopnið gegn hjartasjúkdómum? Erlent Umgengni og viðhorf til fatagáma hafi farið hríðversnandi Innlent Losnar af réttargeðdeild eftir allt saman Erlent Fjórum nígerískum ríkisborgurum flogið til Frankfurt Innlent Nær einróma ánægja en spurningum ósvarað um þjóðleikhússtjóra Innlent Bendlaði Trump beint við þagnargreiðslurnar Erlent Fleiri fréttir Dæmdir fyrir ofbeldishrinu Hefur áhyggjur af nýfæddum lömbum á Höfða Uppflettingar í sjúkraskrá: Segir málinu alls ekki lokið Ítrekar afsökunarbeiðni til vöggustofubarna og fjölskyldna þeirra Helmingi dræmari kjörsókn nú en í síðustu forsetakosningum Fulltrúar Stígamóta reyna að tryggja öryggi kvennanna í Nígeríu Heimsótti Julian Assange í Belmarsh-öryggisfangelsið Brottvísun hælisleitenda og dræm þátttaka í utankjörfundi Bein útsending: Má ég taka þátt... í lífinu? Vitni gefur ekki upp nafn vegna ótta við hefndaraðgerðir Beint streymi: Uppfinningar og einkaleyfi Landris heldur áfram á sama hraða Þurftu að farga 30 þúsund eintökum vegna forsetaframboðs Friðlýsir hluta Fjaðrárgljúfurs Fjórum nígerískum ríkisborgurum flogið til Frankfurt Nær einróma ánægja en spurningum ósvarað um þjóðleikhússtjóra Fækka þeim tilvikum þar sem skrifa þarf tilvísanir fyrir börn Stefnt að því að ljúka samningaviðræðum um Ölfusárbrú nú í maí Umgengni og viðhorf til fatagáma hafi farið hríðversnandi „Erum hér í kvöld svo þetta gerist ekki í þögn“ Heimafæðingum fjölgar og teljast eðlilegri en áður Sáu ekki andlit huldumanns sem þeir telja vera Pétur Jökul Næsta gos gæti hafist á hverri stundu „Kisuprestar“ á Snæfellsnesi Hið opinbera skuldi sér og öðrum mæðrum afsökunarbeiðni Starfsmaður Sjúkratrygginga grunaður um fjárdrátt Óska eftir tilnefningum um Reykvíking ársins Þvingun úr landi og prestar í kisubúning Veikindi Blessing ekki nógu mikil til að fresta brottvísun Vænsti maður og harðduglegur Sjá meira
Geoffrey Hinton hefur unnið að þróun gervigreindar eins og spjallyrkisins ChatGPT undanfarna hálfa öld. Hann hætti nýlega hjá tæknirisanum Google svo hann gæti talað opinskátt um þær hættur sem hann telur stafa af gervigreindinni. Hann lýsir áhyggjum sínum við New York Times; skil milli raunveruleika og sýndarveruleika verði æ óljósari og störf þurrkist út. Og í fjarlægari framtíð hefur Hinton jafnvel áhyggjur af því að gervigreindin ógni tilvist mannkynsins sjálfs. Að drápsvélmenni í dystópískum vísindaskáldsögum verði að veruleika. Hafsteinn Einarsson lektor í tölvunarfræði segir ákvörðun Hintons þýðingarmikla. „Það að hann hætti hjá Google hefur mikið vægi. Og bara við það ættum við kannski öll aðeins að staldra við og hugsa hvað þetta hefur verið að gerast hratt og hvað er í rauninni að fara að gerast í framtíðinni,“ segir Hafsteinn. Haraldur Þorleifsson frumkvöðull, sem þar til nýlega starfaði hjá samfélagsmiðlarisanum Twitter, tekur undir með Hafsteini. Þróunin sé mun hraðari en flestir reiknuðu með. „Þetta er að gerast eiginlega allt á forsendum tækninnar, ekki á forsendum fólks. Og það verður mjög hröð breyting. Miklu hraðari og stærri en fólk gerir sér grein fyrir og þá er ég að tala um kannski næstu tíu ár.“ Hafsteinn Einarsson, lektor í tölvunarfræði við Háskóla Íslands. Hann er ekki jafnuggandi yfir stöðu gervigreindarkapphlaupsins og Haraldur.Skjáskot/Stöð 2 Hafsteinn hefur einna mestar áhyggjur af samkeppni risa eins og Google og Microsoft sem þegar er hafin. „Þá fer maður að spyrja sig: Hvert fer siðferðið? Og hvernig er hægt að gera þetta með ábyrgum hætti þegar þetta snýst um að fá sem flesta notendur og græða sem mestan pening?“ Tekur gervigreindin yfir? Heilt yfir er Hafsteinn þó ekki mjög uggandi. „Við erum ekki að sjá einhverja ofurgervigreind að verða til sem mun taka yfir, eða eitthvað slíkt. En fólk hefur áhyggjur af því að missa mögulega starfið því það er hægt að leysa þeirra verkefni með gervigreind,“ segir Hafsteinn. Haraldur er öllu áhyggjufyllri. „Það er fræðilegur möguleiki, alvöru möguleiki, að tæknin muni taka það miklum breytingum það hratt að hún síðan taki yfir og við endum í algjörlega nýjum heimi, þar sem við erum ekki ráðandi lífverurnar. Það þarf að grípa inn í með alþjóðlegum lögum og reglum. Það er eina leiðin til þess að hægja á þróuninni,“ segir Haraldur. Viðtal kvöldfrétta við bæði Harald Þorleifsson og Hafstein Einarsson má sjá í spilaranum fyrir ofan.
Gervigreind Google Microsoft Tækni Samfélagsmiðlar Tengdar fréttir Hætti hjá Google til að vara við hættu af gervigreind Frumkvöðull í gervigreind segist hafa sagt starfi sínu hjá tæknirisanum Google lausu til þess að geta tjáð sig óheft um þær hættur sem hann telur að fylgi tækninni. Hann segist hafa gert sér grein fyrir að tölvur gætu orðið greindari en menn mun fyrr en hann taldi. 2. maí 2023 11:55 Tilgangur kennarans ekki að lesa ritgerðir eftir gervigreind Hlutverk kennara er ekki að lesa ritgerðir sem gervigreind hefur skrifað. Þetta segir formaður Félags framhaldsskólakennara en nokkur slík tilfelli hafa komið upp og þeim fer fjölgandi. Líta verði á gervigreindarbyltinguna sem tækifæri til að færa áherslur í kennslu meira í átt að hinu félagslega og nær kjarnahlutverki framhaldsskólans. 30. apríl 2023 07:01 Ekki ólíklegt að gervigreindin mismuni konum og körlum Það kann að koma á óvart hversu mikil skekkja er enn í gögnum sem þó hafa veruleg áhrif á það hvernig vörur, þjónusta, stofnanir, vöruhönnun og fleira kemur við karla annars vegar og konur hins vegar. 20. apríl 2023 07:02 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þurftu að farga 30 þúsund eintökum vegna forsetaframboðs Innlent Vitni gefur ekki upp nafn vegna ótta við hefndaraðgerðir Innlent Forsetavaktin 2024: Hver verður sjöundi forseti lýðveldisins? Innlent Sáu ekki andlit huldumanns sem þeir telja vera Pétur Jökul Innlent Megrunarlyfin nýjasta vopnið gegn hjartasjúkdómum? Erlent Umgengni og viðhorf til fatagáma hafi farið hríðversnandi Innlent Losnar af réttargeðdeild eftir allt saman Erlent Fjórum nígerískum ríkisborgurum flogið til Frankfurt Innlent Nær einróma ánægja en spurningum ósvarað um þjóðleikhússtjóra Innlent Bendlaði Trump beint við þagnargreiðslurnar Erlent Fleiri fréttir Dæmdir fyrir ofbeldishrinu Hefur áhyggjur af nýfæddum lömbum á Höfða Uppflettingar í sjúkraskrá: Segir málinu alls ekki lokið Ítrekar afsökunarbeiðni til vöggustofubarna og fjölskyldna þeirra Helmingi dræmari kjörsókn nú en í síðustu forsetakosningum Fulltrúar Stígamóta reyna að tryggja öryggi kvennanna í Nígeríu Heimsótti Julian Assange í Belmarsh-öryggisfangelsið Brottvísun hælisleitenda og dræm þátttaka í utankjörfundi Bein útsending: Má ég taka þátt... í lífinu? Vitni gefur ekki upp nafn vegna ótta við hefndaraðgerðir Beint streymi: Uppfinningar og einkaleyfi Landris heldur áfram á sama hraða Þurftu að farga 30 þúsund eintökum vegna forsetaframboðs Friðlýsir hluta Fjaðrárgljúfurs Fjórum nígerískum ríkisborgurum flogið til Frankfurt Nær einróma ánægja en spurningum ósvarað um þjóðleikhússtjóra Fækka þeim tilvikum þar sem skrifa þarf tilvísanir fyrir börn Stefnt að því að ljúka samningaviðræðum um Ölfusárbrú nú í maí Umgengni og viðhorf til fatagáma hafi farið hríðversnandi „Erum hér í kvöld svo þetta gerist ekki í þögn“ Heimafæðingum fjölgar og teljast eðlilegri en áður Sáu ekki andlit huldumanns sem þeir telja vera Pétur Jökul Næsta gos gæti hafist á hverri stundu „Kisuprestar“ á Snæfellsnesi Hið opinbera skuldi sér og öðrum mæðrum afsökunarbeiðni Starfsmaður Sjúkratrygginga grunaður um fjárdrátt Óska eftir tilnefningum um Reykvíking ársins Þvingun úr landi og prestar í kisubúning Veikindi Blessing ekki nógu mikil til að fresta brottvísun Vænsti maður og harðduglegur Sjá meira
Hætti hjá Google til að vara við hættu af gervigreind Frumkvöðull í gervigreind segist hafa sagt starfi sínu hjá tæknirisanum Google lausu til þess að geta tjáð sig óheft um þær hættur sem hann telur að fylgi tækninni. Hann segist hafa gert sér grein fyrir að tölvur gætu orðið greindari en menn mun fyrr en hann taldi. 2. maí 2023 11:55
Tilgangur kennarans ekki að lesa ritgerðir eftir gervigreind Hlutverk kennara er ekki að lesa ritgerðir sem gervigreind hefur skrifað. Þetta segir formaður Félags framhaldsskólakennara en nokkur slík tilfelli hafa komið upp og þeim fer fjölgandi. Líta verði á gervigreindarbyltinguna sem tækifæri til að færa áherslur í kennslu meira í átt að hinu félagslega og nær kjarnahlutverki framhaldsskólans. 30. apríl 2023 07:01
Ekki ólíklegt að gervigreindin mismuni konum og körlum Það kann að koma á óvart hversu mikil skekkja er enn í gögnum sem þó hafa veruleg áhrif á það hvernig vörur, þjónusta, stofnanir, vöruhönnun og fleira kemur við karla annars vegar og konur hins vegar. 20. apríl 2023 07:02