„Eru með frá­bæra varnar­menn en mér finnst varnar­leikur Vals byggður á sandi“

„Er yfirleitt hörku einvígi. Alveg rétt sem Ásgeir Örn [Hallgrímsson, þjálfari Hauka] segir, Valur er ekkert búið að gleyma hvernig á að spila handbolta. Valur er samt búið að tapa sex leikjum í röð. Það er miklu stærra heldur en fólk gerir sér grein fyrir. Hversu oft tapaði ÍR sex leikjum í röð? Nærð alltaf einum sigri eða jafntefli.“

„Auðvitað eru þetta tveir leikir á móti Göppingen en fjórir deildarleikir. Enn og aftur, hvernig þeir tapa þessum leikjum. Hef margoft rætt áhyggjur á varnarleik Vals. Eru með frábæra varnarmenn en mér finnst varnarleikur Vals byggður á sandi.“

„Mér finnst varnarleikur Vals byggður á einstaklingsframmistöðu og út frá því að leikmenn geta gert svolítið það sem þeir vilja. Þegar það gengur vel eru þeir frábærir. Þess á milli, þegar menn eru ekki með sjálfstraust þá er bara enginn grunnur til að segja: Strákar við þurfum að fara niður og múra fyrir.“

„Ég hef margoft sagt það, finnst það kristallast í síðustu leikjum. Liðið er að meðaltali að fá á sig 35 mörk á sig í síðustu 7-8 leikjum. Í þessum sigurleikjum eru þeir líka að fá slatta af mörkum á sig. Held að ég geti sagt það með fullri reisn sem ég hef sagt áður, mér finnst varnarleikur Vals byggður á sandi.“

Fyrsti leikur í einvígi Vals og Hauka í 8-liða úrslitum Olís deildarinnar fer fram að Hlíðarenda á sunnudaginn þann 16. apríl næstkomandi. Leikurinn hefst klukkan 16.00 og verður í beinni útsendingu Stöð 2 Sport.