Kyli­e Jenner orðuð við heims­frægan leikara

Það var slúðurveitan deuxmoi sem greindi fyrst frá, eftir að henni hafði borist þó nokkrar ábendingar um málið. Nýlega sáust þau svo snæða kvöldverð saman ásamt systur Kylie, Kendall Jenner, og kærasta hennar, Bad Bunny.

Þessi orðrómur virðist koma netverjum í nokkuð opna skjöldu sem virðast flestir vera á því máli hér sé um að ræða mjög svo ófyrirsjáanlega pörun.

Kylie Jenner er, eins og frægt er, ein af Kardashian-systrunum heimsþekktu sem slegið hafa í gegn í samnefndum raunveruleikaþáttum. Kylie stofnaði snyrtivörumerkið Kylie Cosmetics þegar hún var aðeins sautján ára gömul. Síðan þá hefur hún látið til sín taka í viðskiptalífinu og er hún í dag metin á 750 milljónir Bandaríkjadollara.

Timothée er franskur og bandarískur leikari. Hann er líklega þekktastur fyrir leik sinn í kvikmyndunum Dune, Call Me by Your Name, Little Women og Lady Bird. Þá fer hann einnig með aðalhlutverk í myndinni Wonka sem væntanleg er síðar á þessu ári.

Sjá einnig: Fyrstur manna á forsíðu breska Vogue

Timothée er 28 ára gamall og Kylie er 25 ára. Kylie á tvö börn með barnsföður sínum, tónlistarmanninum Travis Scott.

Kylie og Travis höfðu átt í slitróttu sambandi í rúmlega fimm ár. Í upphafi árs fór svo orðrómur á kreik að þau hefðu slitið sambandinu. Haft var eftir heimildarmanni People að þau væru með ólíkar áherslur í lífinu og myndu að öllum líkindum ekki byrja saman aftur.