Fótbolti

Jóhann Berg stefnir hraðbyri í átt að efstu deild

Hjörvar Ólafsson skrifar
Jóhann Berg Guðmundsson var á sínum stað á vængnum hjá Burnley. 
Jóhann Berg Guðmundsson var á sínum stað á vængnum hjá Burnley.  Vísir/Getty

Fátt virðist geta komið í veg fyrir að Burnley endurheimti sæti sitt í ensku úrvalsdeildinni í fótbolta eftir að hafa fallið þaðan síðasta vor. 

Liðið vann þægilegan 3-0 sigur í leik sínum við Preston North End en Nathan Tella lék á als oddi í þeim leik og skoraði öll mörk lærisveina Vincent Kompany.

Jóhann Berg Guðmundsson lék fyrstu 70 mínúturnar rúmar fyrir Burnley sem hefur 68 stig á toppi ensku B-deildarinnar. 

Burnley hefur sjö stiga forskot á Sheffield United og 17 stiga forystu á Middlesbrough sem er í þriðja sæti en tvö efstu liðin fara beint upp. Liðin í toppbaráttunni hafa leikið í kringum 30 leiki og því um það bil 36 stig í pottinum hjá þeim.  

Enski boltinn

Mest lesið


Fleiri fréttir

Sjá meira


×

Mest lesið