Innlent

Um­­­sóknir um al­­þjóð­­lega vernd aldrei verið fleiri

Bjarki Sigurðsson skrifar
Mikill fjöldi umsækjenda um alþjóðlega vernd kemur frá Úkraínu.
Mikill fjöldi umsækjenda um alþjóðlega vernd kemur frá Úkraínu. Vísir/Vilhelm

Umsóknir um alþjóðlega vernd á Íslandi árið 2022 voru 4.518 talsins en árið 2021 voru þær 875. Því er um að ræða rúma fimmföldum á umsóknum. Rúmur helmingur umsókna kom frá fólki á flótta frá Úkraínu í kjölfar innrás Rússa í landið. 

Umsóknir frá ríkisborgurum annarra ríkja en Úkraínu voru 2.173 talsins sem er nærri tvisvar sinnum fleiri umsóknir en árið 2016 sem var stærsta umsóknarárið hingað til. Þá sóttu 1.131 um vernd. Árið 2022 var því metár í fjölda umsókna um vernd hvort sem umsóknir um vernd vegna fjöldaflótta frá Úkraínu eru taldar með eða ekki.

Aldrei hafa fleiri sótt um alþjóðlega vernd.

Mestur fjöldi umsókna barst fyrstu vikurnar eftir innrásina í lok febrúar. Umsækjendum fór hægt fækkandi eftir mars þar til aukning varð aftur í september og restina af árinu. Fjöldi umsókna frá ríkisborgurum annarra ríkja, einkum Venesúela, fjölgaði jafnt og þétt á síðari hluta ársins og var mestur í desember. 

Umsóknir um alþjóðlega vernd eftir mánuði.

Fyrir utan Úkraínu og Venesúela komu stærstu hópar umsækjenda árið 2022 frá Palestínu, 232 talsins, Sómalíu, hundrað talsins, Sýrlandi, 84 talsins og Írak, 73 talsins. 

Flóttamenn Flóttafólk á Íslandi Innflytjendamál Innrás Rússa í Úkraínu

Mest lesið


Fleiri fréttir

Sjá meira


×

Mest lesið