Viðskipti innlent

Meiri gjaldeyrisöflun dugði ekki til að mæta aukinni eyðslu Íslendinga

Kristján Már Unnarsson skrifar
Una Jónsdóttir, forstöðumaður hagfræðideildar Landsbankans.
Una Jónsdóttir, forstöðumaður hagfræðideildar Landsbankans. Sigurjón Ólason

Þrjár helstu stoðir íslensks efnahagslífs, ferðaþjónustan, áliðnaðurinn og sjávarútvegurinn, skiluðu allar mun meiri gjaldeyrisstekjum í fyrra miðað við árið á undan. Þrátt fyrir það var vöruskiptajöfnuðurinn við útlönd óhagstæður.

Í fréttum Stöðvar 2 var fjallað um vöruskiptin við útlönd og rætt við Unu Jónsdóttur, forstöðumann hagfræðideildar Landsbankans.

„Já, við höfum séð verðmæti útflutnings vera að aukast. Þar spilar inn í veikara gengi og líka hærra afurðaverð. Verð á sjávarafurðum mælist mjög hátt og að sama skapi hefur álverð verið að hækka,“ segir Una.

Áliðnaðurinn skilaði meiri útflutningstekjum í fyrra en sjávarútvegurinn.Grafík/Sara Rut Fannarsdóttir

Samkvæmt tölum Hagstofunnar nam verðmæti útfluttra sjávarafurða 349 milljörðum króna í fyrra en verðmæti álútflutnings 403 milljörðum. Útflutningsverðmæti sjávarafurða jókst um 18 prósent milli ára og verðmæti álútflutnings um 48 prósent og fór álið upp fyrir sjávarútveginn í útflutningstekjum.

Tölur ársins um þjónustuviðskipti liggja ekki fyrir en þó segir Una ljóst að ferðaþjónustan sé stærsta útflutningsgreinin miðað við nýjar tölur um fjölda ferðamanna.

„Við fengum cirka 1,7 milljón ferðamanna hingað til lands í fyrra, sem er mjög gott. Þá sjáum við að ferðamenn eru að dvelja lengur og eru að eyða meiru, sem er býsna jákvætt.

Hagvöxturinn okkar er mjög næmur fyrir þeim fjölda ferðamanna, sem hingað koma. Þannig að það var mjög ánægjulegt að sjá það að þrátt fyrir stríð og verðbólgu, sem hefur ekki sést í áratugi, þá var áfram ferðavilji til staðar hjá fólki.“

En svo er það hin hliðin: Hvernig var farið með gjaldeyristekjurnar? Tölurnar sýna að landsmenn eyddu meiru í útlöndum en þeir öfluðu.

Halli á vöruskiptum við útlönd nam 323 milljörðum króna í fyrra.Grafík/Sara Rut Fannarsdóttir

Þannig nam vöruútflutningur í fyrra 1.002 milljörðum króna en innflutningur 1.325 milljörðum, útflutningur jókst um 31 prósent en innflutningur um 33 prósent. Ójöfnuður á vöruskiptum nam 323 milljörðum en þá á eftir að taka inn þjónustuviðskiptin.

„Við sjáum fram á halla á vöru- og þjónustuviðskiptum, meðal annars sökum þess að ferðagleði okkar hefur mælst mikil og við höfum verið dugleg að fara til útlanda.

Svo er vöruinnflutningur bara mikill hér á landi. Við erum eyja. Við þurfum að flytja inn mjög mikið af þeim vörum sem við neytum dags daglega,“ segir Una Jónsdóttir, forstöðumaður hagfræðideildar Landsbankans.

Hér má sjá frétt Stöðvar 2:


Tengdar fréttir

Spá ferða­manna­fjölda á pari við 2018

Viðsnúningurinn í fjölda ferðamanna var hraðari en Ferðamálastofa bjóst við en 146 prósent aukning var á komum ferðamanna milli ára. Stofnunin spáir 2,3 milljónum ferðamanna á árinu sem er svipað og metárið 2018. Íslendingar voru einnig fljótir að taka við sér en áfangastaðirnir hafa lítið breyst.

Forstjóri Play spáir einu besta ári íslenskrar ferðaþjónustu

Flugfélagið Play hyggst fljúga til hátt í fjörutíu áfangastaða í sumar og bætast þrettán nýir við. Þotum verður fjölgað úr sex í tíu og spáir forstjórinn því að þetta ár verði eitt það besta frá upphafi í íslenskri ferðaþjónustu.

Krónan ekki veikari gegn evru í tvö ár þrátt fyrir inn­grip Seðla­bankans

Seðlabankinn beitti ítrekuðum inngripum á gjaldeyrismarkaði í dag til að reyna stemma stigu við stöðugri gengisveikingu krónunnar. Þetta voru fyrstu inngrip bankans í tvo mánuði en þrátt fyrir að hafa selt talsvert magn af gjaldeyri þá lækkaði gengi krónunnar engu að síður um liðlega eitt prósent gagnvart evrunni.

Á­fram­haldandi kröftugur hag­vöxtur

Vöxtur vergrar landsframleiðslu (VLF) á föstu verðlagi er 7,3 prósent miðað við sama tímabil í fyrra. Á fyrstu níu mánuðum ársins mælist raunvirði VLF um 7,4 prósentum meiri en á sama tíma í fyrra. Útflutningur er helsti drifkraftur hagvaxtar. 

Hröð veiking krónunnar á stuttum tíma

Vísitala neysluverðs hækkaði um 0,67 prósent í október. Verðbólga mælist nú 9,4 prósent og hækkar um 0,1 prósentustig. Hækkun á matvöruverði skýrir hækkunina. Veiking íslensku krónunnar hefur verið afar hröð á stuttum tíma. 

Spá kröftugum hag­vexti en að kaup­máttur dragist aftur úr

Hagfræðideild Landsbankans spáir 6,5 prósenta hagvexti á þessu ári, þeim mesta frá 2007, en að svo hægi töluvert á hagkerfinu. Bankinn spáir því að stýrivextir byrji að lækka á seinni hluta ársins 2023 en að verðbólga fari ekki undir fjögur prósent fyrr en árið 2025.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.