Íþróttaárið 2022 í gegnum linsu ljósmyndara Vísis Ingvi Þór Sæmundsson skrifar 30. desember 2022 10:00 Hafdís Renötudóttir og Emma Olsson hoppa hæð sína í loft upp eftir að Fram tryggði sér Íslandsmeistaratitilinn í handbolta kvenna með sigri á Val á Hlíðarenda. vísir/hulda margrét Íþróttaárið 2022 á innlendum vettvangi var viðburðarríkt og þar skiptust á skin og skúrir. Ljósmyndarar Vísis voru mikið út á örkinni og fönguðu stærstu íþróttaugnablik ársins, gleðina og sorgina, hæðirnar og lægðirnar. Hér fyrir neðan má sjá valdar myndir af innlendum íþróttavettvangi frá ljósmyndurum Vísis, auk nokkurra frá vinum okkar á Getty. Origo-höllin var troðfull þegar Valur og Tindastóll luku mögnuðu úrslitaeinvígi með oddaleik um Íslandsmeistaratitilinn. Valsmenn unnu leikinn og urðu þar með Íslandsmeistarar í fyrsta sinn í 39 ár.vísir/bára Breiðablik vann Bestu deild karla með miklum yfirburðum. Herra hnetusmjör tróð upp þegar Blikar tóku á móti Íslandsmeistaraskildinum og Óskar Hrafn Þorvaldsson, þjálfari þeirra, lifði sig inn í tónlistina.vísir/hulda margrét Sara Rún Hinriksdóttir skoraði 33 stig þegar íslenska kvennalandsliðið í körfubolta sigraði það rúmenska í undankeppni EM. Enginn leikmaður íslensks A-landsliðs hefur skorað fleiri stig í einum leik í Laugardalshöllinni en hún.vísir/hulda margrét Íslenska karlalandsliðið tryggði sér sæti á heimsmeistaramótinu 2023 með öruggum sigri á Austurríki. Bjarki Már Elísson sést hér með dóttur sinni eftir leikinn á Ásvöllum.vísir/hulda margrét Valskonur urðu Íslandsmeistarar annað árið í röð í fótbolta kvenna. Þeir gerðu gott betur og urðu einnig bikarmeistarar. Hér sést Mist Edvardsdóttir lyfta nýja Íslandsmeistaraskildinum.vísir/diego Nökkvi Þeyr Þórisson átti stórkostlegt tímabil með KA sem varð í 2. sæti Bestu deildar karla og náði þar með sínum næstbesta árangri frá upphafi. Dalvíkingurinn varð markakóngur deildarinnar með sautján mörk og var svo valinn besti leikmaður hennar. Skömmu áður en tímabilinu lauk gekk Nökkvi í raðir Beerschot í Belgíu þar sem hann hefur leikið vel.vísir/hulda margrét Valur varð bikarmeistari í handbolta, bæði í karla- og kvennaflokki. Hér sést handboltaparið Þorgils Jón Svölu Baldursson og Lovísa Thompson eftir úrslitahelgina á Ásvöllum.vísir/hulda margrét Karólína Lea Vilhjálmsdóttir fagnar af innlifun eftir að hafa komið Íslandi yfir gegn Ítalíu á EM á Englandi. Því miður dugði markið ekki til sigurs en leikar fóru 1-1.vísir/vilhelm Gunnhildur Yrsa Jónsdóttir smellir kossi á kærustu sína, Erin McLeod, eftir lokaleik Íslands á EM, 1-1 jafntefli við Frakklandi. Íslendingar komust ekki áfram þrátt fyrir að tapa ekki leik á EM.vísir/vilhelm Draumur íslenska kvennalandsliðsins að komast á HM í fyrsta sinn varð að engu eftir 4-1 tap fyrir Portúgal í umspili. Sveindís Jane Jónsdóttir var með böggum hildar eftir leikinn.vísir/vilhelm Í nóvember tryggði Guðmundur Ágúst Kristjánsson sér sæti á Evrópumótaröðinni í golfi, annar íslenskra karlkylfinga. Hinn er Birgir Leifur Hafþórsson.getty/Angel Martinez Ísland vann stórkostlegan sigur á Frakklandi í milliriðli á EM í janúar, þrátt fyrir að vera án fjölmargra lykilmanna. Hér fagnar Eyjamaðurinn Elliði Snær Viðarsson sigrinum frækna.getty/Sanjin Strukic Skagamaðurinn ungi, Hákon Arnar Haraldsson, átti eftirminnilegt ár. Hann varð danskur meistari með FC Kaupmannahöfn, lék sína fyrstu A-landsleiki og varð svo fjórði Íslendingurinn til að skora í Meistaradeild Evrópu er hann gerði mark FCK í 1-1 jafntefli við Borussia Dortmund á Parken.vísir/hulda margrét Ómar Ingi Magnússon og Gísli Þorgeir Kristjánsson voru í lykilhlutverki hjá Magdeburg sem varð þýskur meistari í fyrsta sinn síðan 2001. Magdeburg varð einnig heimsmeistari félagsliða eftir sigur á Barcelona þar sem Íslendingarnir fóru á kostum. Árið var sérstaklega gjöfult fyrir Ómar sem var valinn besti leikmaður þýsku úrvalsdeildarinnar, var næstmarkahæsti leikmaður hennar og markakóngur EM.getty/Martin Rose Tryggvi Snær Hlinason sýndi mátt sinn og megin þegar Ísland vann glæsilegan sigur á Ítalíu í undankeppni HM. Hann skoraði 34 stig, tók 21 frákast og varði fimm skot.vísir/bára Hilmar Örn Jónsson varð í ágúst fyrsti Íslendingurinn til að komast í úrslit í sleggjukasti á Evrópumóti. Hann endaði í 12. sæti.getty/Maja Hitij Valur fékk þátttökurétt í Evrópudeildinni og byrjaði hana af krafti. Í fyrsta leik sínum í B-riðli sigraði Valur Ferencváros frá Ungverjalandi í miklum markaleik, 43-39. Valur fylgdi því svo eftir með því að vinna Benidorm í öðrum leik sínum og er með fimm stig eftir sex leiki í riðlinum.vísir/hulda margrét Nýliðar Njarðvíkur gerðu sér lítið fyrir og urðu Íslandsmeistarar í körfubolta kvenna. Hér sjást leikmenn Njarðvíkur umkringja hér Aliyah Collier sem var valin besti leikmaður úrslitaeinvígisins.vísir/bára FH-ingar fengu góða gjöf þegar landsliðsfyrirliðinn Aron Pálmarsson skrifaði undir samning við félagið skömmu fyrir jól.vísir/hulda margrét Fréttir ársins 2022 Ljósmyndun Mest lesið Lítur á McGinn sem vin eftir magnaða stund saman á Villa Park Enski boltinn Um þögnina varðandi dómaramál KKÍ: „Þurfum að komast til botns í þessu“ Körfubolti Sunnudagsmessan: Hver hefur komið mest á óvart? Enski boltinn Kveðst skilja vel hvers vegna Guðmundur var rekinn Handbolti Davíð hættur: „Dreginn á asnaeyrunum“ Körfubolti Ekitike tryggði sigurinn og fór beint í sturtu Enski boltinn Dagskráin í dag: Íslendingar í Evrópu og hafnabolti Sport Mynd af ellefu ára leikmanni Real vekur athygli Körfubolti Barcelona vill fá Rashford á tombóluverði Enski boltinn Rúnar Már og Amin missa af stórleiknum upp á Skaga Íslenski boltinn Fleiri fréttir Slæm byrjun Chelsea skilaði Bayern sigri Ferðaðist nærri 9000 km og borgaði fúlgur fjár fyrir ógildan miða Dagskráin í dag: Íslendingar í Evrópu og hafnabolti Lítur á McGinn sem vin eftir magnaða stund saman á Villa Park Um þögnina varðandi dómaramál KKÍ: „Þurfum að komast til botns í þessu“ Sunnudagsmessan: Hver hefur komið mest á óvart? Mbappé með tvennu í sjöunda sigri Real í röð Ekitike tryggði sigurinn og fór beint í sturtu Barcelona vill fá Rashford á tombóluverði Rúnar Már og Amin missa af stórleiknum upp á Skaga Glódís Perla hafði betur gegn Ingibjörgu Ísland aldrei sent jafn fjölmennt lið á HM í utanvegahlaupum Áfall fyrir Houston Neymar hneykslaður: „Raphinha í fimmta sæti er of mikið grín“ Kveðst skilja vel hvers vegna Guðmundur var rekinn Náð í fleiri stig í átta leikjum síðan Birnir kom en í fimmtán leikjum þar á undan Forráðamenn KKÍ neita að tjá sig um dómaramálin Madueke frá í tvo mánuði Fannst skilaboðin frá dómaranefnd galin Tárin flæddu þegar Dembélé þakkaði mömmu sinni Finnst ólíklegt að KR bjargi sér: „Þetta er orðið verra og verra og verra“ „Ekkert eðlilegt að hlaupa ósofin í allan þennan tíma“ Mynd af ellefu ára leikmanni Real vekur athygli Gekk ósátt af fundi KSÍ: „Hefði viljað að útkoman væri önnur“ Minntust Jota og bróður hans á Ballon d'Or Sjáðu vítið sem gerði Blika æfa: „Ótrúlegt að enginn af dómurunum sjái þetta“ Davíð hættur: „Dreginn á asnaeyrunum“ Skömmuðust sín fyrir tap gegn Fjallinu: „Hann var ekki svona stór þá“ Rauðu djöflarnir geta ekki nýtt færin Dagskráin í dag: Glódís Perla, Besta kvenna gerð upp, VARsjáin og Lokasóknin Sjá meira
Ljósmyndarar Vísis voru mikið út á örkinni og fönguðu stærstu íþróttaugnablik ársins, gleðina og sorgina, hæðirnar og lægðirnar. Hér fyrir neðan má sjá valdar myndir af innlendum íþróttavettvangi frá ljósmyndurum Vísis, auk nokkurra frá vinum okkar á Getty. Origo-höllin var troðfull þegar Valur og Tindastóll luku mögnuðu úrslitaeinvígi með oddaleik um Íslandsmeistaratitilinn. Valsmenn unnu leikinn og urðu þar með Íslandsmeistarar í fyrsta sinn í 39 ár.vísir/bára Breiðablik vann Bestu deild karla með miklum yfirburðum. Herra hnetusmjör tróð upp þegar Blikar tóku á móti Íslandsmeistaraskildinum og Óskar Hrafn Þorvaldsson, þjálfari þeirra, lifði sig inn í tónlistina.vísir/hulda margrét Sara Rún Hinriksdóttir skoraði 33 stig þegar íslenska kvennalandsliðið í körfubolta sigraði það rúmenska í undankeppni EM. Enginn leikmaður íslensks A-landsliðs hefur skorað fleiri stig í einum leik í Laugardalshöllinni en hún.vísir/hulda margrét Íslenska karlalandsliðið tryggði sér sæti á heimsmeistaramótinu 2023 með öruggum sigri á Austurríki. Bjarki Már Elísson sést hér með dóttur sinni eftir leikinn á Ásvöllum.vísir/hulda margrét Valskonur urðu Íslandsmeistarar annað árið í röð í fótbolta kvenna. Þeir gerðu gott betur og urðu einnig bikarmeistarar. Hér sést Mist Edvardsdóttir lyfta nýja Íslandsmeistaraskildinum.vísir/diego Nökkvi Þeyr Þórisson átti stórkostlegt tímabil með KA sem varð í 2. sæti Bestu deildar karla og náði þar með sínum næstbesta árangri frá upphafi. Dalvíkingurinn varð markakóngur deildarinnar með sautján mörk og var svo valinn besti leikmaður hennar. Skömmu áður en tímabilinu lauk gekk Nökkvi í raðir Beerschot í Belgíu þar sem hann hefur leikið vel.vísir/hulda margrét Valur varð bikarmeistari í handbolta, bæði í karla- og kvennaflokki. Hér sést handboltaparið Þorgils Jón Svölu Baldursson og Lovísa Thompson eftir úrslitahelgina á Ásvöllum.vísir/hulda margrét Karólína Lea Vilhjálmsdóttir fagnar af innlifun eftir að hafa komið Íslandi yfir gegn Ítalíu á EM á Englandi. Því miður dugði markið ekki til sigurs en leikar fóru 1-1.vísir/vilhelm Gunnhildur Yrsa Jónsdóttir smellir kossi á kærustu sína, Erin McLeod, eftir lokaleik Íslands á EM, 1-1 jafntefli við Frakklandi. Íslendingar komust ekki áfram þrátt fyrir að tapa ekki leik á EM.vísir/vilhelm Draumur íslenska kvennalandsliðsins að komast á HM í fyrsta sinn varð að engu eftir 4-1 tap fyrir Portúgal í umspili. Sveindís Jane Jónsdóttir var með böggum hildar eftir leikinn.vísir/vilhelm Í nóvember tryggði Guðmundur Ágúst Kristjánsson sér sæti á Evrópumótaröðinni í golfi, annar íslenskra karlkylfinga. Hinn er Birgir Leifur Hafþórsson.getty/Angel Martinez Ísland vann stórkostlegan sigur á Frakklandi í milliriðli á EM í janúar, þrátt fyrir að vera án fjölmargra lykilmanna. Hér fagnar Eyjamaðurinn Elliði Snær Viðarsson sigrinum frækna.getty/Sanjin Strukic Skagamaðurinn ungi, Hákon Arnar Haraldsson, átti eftirminnilegt ár. Hann varð danskur meistari með FC Kaupmannahöfn, lék sína fyrstu A-landsleiki og varð svo fjórði Íslendingurinn til að skora í Meistaradeild Evrópu er hann gerði mark FCK í 1-1 jafntefli við Borussia Dortmund á Parken.vísir/hulda margrét Ómar Ingi Magnússon og Gísli Þorgeir Kristjánsson voru í lykilhlutverki hjá Magdeburg sem varð þýskur meistari í fyrsta sinn síðan 2001. Magdeburg varð einnig heimsmeistari félagsliða eftir sigur á Barcelona þar sem Íslendingarnir fóru á kostum. Árið var sérstaklega gjöfult fyrir Ómar sem var valinn besti leikmaður þýsku úrvalsdeildarinnar, var næstmarkahæsti leikmaður hennar og markakóngur EM.getty/Martin Rose Tryggvi Snær Hlinason sýndi mátt sinn og megin þegar Ísland vann glæsilegan sigur á Ítalíu í undankeppni HM. Hann skoraði 34 stig, tók 21 frákast og varði fimm skot.vísir/bára Hilmar Örn Jónsson varð í ágúst fyrsti Íslendingurinn til að komast í úrslit í sleggjukasti á Evrópumóti. Hann endaði í 12. sæti.getty/Maja Hitij Valur fékk þátttökurétt í Evrópudeildinni og byrjaði hana af krafti. Í fyrsta leik sínum í B-riðli sigraði Valur Ferencváros frá Ungverjalandi í miklum markaleik, 43-39. Valur fylgdi því svo eftir með því að vinna Benidorm í öðrum leik sínum og er með fimm stig eftir sex leiki í riðlinum.vísir/hulda margrét Nýliðar Njarðvíkur gerðu sér lítið fyrir og urðu Íslandsmeistarar í körfubolta kvenna. Hér sjást leikmenn Njarðvíkur umkringja hér Aliyah Collier sem var valin besti leikmaður úrslitaeinvígisins.vísir/bára FH-ingar fengu góða gjöf þegar landsliðsfyrirliðinn Aron Pálmarsson skrifaði undir samning við félagið skömmu fyrir jól.vísir/hulda margrét
Fréttir ársins 2022 Ljósmyndun Mest lesið Lítur á McGinn sem vin eftir magnaða stund saman á Villa Park Enski boltinn Um þögnina varðandi dómaramál KKÍ: „Þurfum að komast til botns í þessu“ Körfubolti Sunnudagsmessan: Hver hefur komið mest á óvart? Enski boltinn Kveðst skilja vel hvers vegna Guðmundur var rekinn Handbolti Davíð hættur: „Dreginn á asnaeyrunum“ Körfubolti Ekitike tryggði sigurinn og fór beint í sturtu Enski boltinn Dagskráin í dag: Íslendingar í Evrópu og hafnabolti Sport Mynd af ellefu ára leikmanni Real vekur athygli Körfubolti Barcelona vill fá Rashford á tombóluverði Enski boltinn Rúnar Már og Amin missa af stórleiknum upp á Skaga Íslenski boltinn Fleiri fréttir Slæm byrjun Chelsea skilaði Bayern sigri Ferðaðist nærri 9000 km og borgaði fúlgur fjár fyrir ógildan miða Dagskráin í dag: Íslendingar í Evrópu og hafnabolti Lítur á McGinn sem vin eftir magnaða stund saman á Villa Park Um þögnina varðandi dómaramál KKÍ: „Þurfum að komast til botns í þessu“ Sunnudagsmessan: Hver hefur komið mest á óvart? Mbappé með tvennu í sjöunda sigri Real í röð Ekitike tryggði sigurinn og fór beint í sturtu Barcelona vill fá Rashford á tombóluverði Rúnar Már og Amin missa af stórleiknum upp á Skaga Glódís Perla hafði betur gegn Ingibjörgu Ísland aldrei sent jafn fjölmennt lið á HM í utanvegahlaupum Áfall fyrir Houston Neymar hneykslaður: „Raphinha í fimmta sæti er of mikið grín“ Kveðst skilja vel hvers vegna Guðmundur var rekinn Náð í fleiri stig í átta leikjum síðan Birnir kom en í fimmtán leikjum þar á undan Forráðamenn KKÍ neita að tjá sig um dómaramálin Madueke frá í tvo mánuði Fannst skilaboðin frá dómaranefnd galin Tárin flæddu þegar Dembélé þakkaði mömmu sinni Finnst ólíklegt að KR bjargi sér: „Þetta er orðið verra og verra og verra“ „Ekkert eðlilegt að hlaupa ósofin í allan þennan tíma“ Mynd af ellefu ára leikmanni Real vekur athygli Gekk ósátt af fundi KSÍ: „Hefði viljað að útkoman væri önnur“ Minntust Jota og bróður hans á Ballon d'Or Sjáðu vítið sem gerði Blika æfa: „Ótrúlegt að enginn af dómurunum sjái þetta“ Davíð hættur: „Dreginn á asnaeyrunum“ Skömmuðust sín fyrir tap gegn Fjallinu: „Hann var ekki svona stór þá“ Rauðu djöflarnir geta ekki nýtt færin Dagskráin í dag: Glódís Perla, Besta kvenna gerð upp, VARsjáin og Lokasóknin Sjá meira