Fótbolti

KR-ingar ráða norskan aðstoðarþjálfara

Hjörtur Leó Guðjónsson skrifar
Ole Martin Nesselquist mun gegna stöðu aðstoðarþjálfara hjá KR í Bestu-deild karla.
Ole Martin Nesselquist mun gegna stöðu aðstoðarþjálfara hjá KR í Bestu-deild karla. KR

Knattspyrnudeild KR hefur samið við Norðmanninn Ole Martin Nesselquist og mun hann gegna stöðu aðstoðarþjálfara meistaraflokks karla í knattspyrnu.

Frá þessu er greint á samfélagsmiðlum KR, en samningur félagsins við Nesselquist er til þriggja ára. Hann kemur til félagsins frá Viking Stavanger þar sem hann var aðstoðarþjálfari á seinasta tímabili.

Nesselquist er aðeins 29 ára gamall, en á þrátt fyrir það langan þjálfaraferil að baki. Hann hóf feril sinn sem þjálfari í meistaraflokki aðeins 19 ára gamall þega hann tók við Trossvik IF og stýrði liðinu upp um deild á sínu fyrsta tímabili.

Síðan þá hefur hann þjálfað Moss FK og Strömmen IF áður en hann tók við sem aðstoðarþjálfari hjá Viking Stavanger í norsku úrvalsdeildinni.




Fleiri fréttir

Sjá meira


×