Fótbolti

U19 beið lægri hlut fyrir firnasterku liði Frakka

Arnar Geir Halldórsson skrifar
Byrjunarlið Íslands í leiknum gegn Frökkum.
Byrjunarlið Íslands í leiknum gegn Frökkum. KSÍ/Hulda Margrét

Íslenska unglingalandsliðið í fótbolta, skipað leikmönnum 19 ára og yngri á ágætis möguleika á að komast áfram úr undanriðli fyrir EM 2023, þrátt fyrir tap gegn Frökkum í gær.

U19 ára landslið Íslands í fótbolta tapaði 0-2 gegn Frakklandi í öðrum leik sínum í undankeppni EM 2023.

Frakkland leiddi 1-0 í hálfleik og bætti svo við öðru marki sínu þegar um 20 mínútur voru eftir.

Franska liðið firnasterkt en á meðal leikmanna liðsins er ungstirnið Mathys Tel sem hefur gert sig gildandi með þýska stórveldinu Bayern Munchen í þýsku úrvalsdeildinni í vetur.

Íslenska liðið mætir Kasakstan í lokaleik sínum á þriðjudag en Kasakar töpuðu 7-0 gegn Frökkum og 5-2 gegn Skotum. Íslenska liðið hefur þrjú stig eftir 1-0 sigur á Skotum í fyrstu umferð.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.