Tíska og hönnun

„Skiptir mestu að fötin passi á mig en ekki að ég reyni að passa í þau“

Dóra Júlía Agnarsdóttir skrifar
Júlíana Dögg er viðmælandi vikunnar í Tískutali.
Júlíana Dögg er viðmælandi vikunnar í Tískutali. Instagram @juliana.dogg

Júlíana Dögg Önnudóttir Chipa segist með aldrinum hafa orðið meiri skvísa í klæðaburði en heldur alltaf í þægindin og segir öllu máli skipta að líða vel í flíkinni hverju sinni. Uppáhalds flíkin hennar er frakki sem amma hennar keypti árið 1983 en Júlíana Dögg er viðmælandi vikunnar í Tískutali.

Tískutal er fastur liður á Vísi þar sem rætt er við ólíka einstaklinga um þeirra persónulega stíl og hvernig tíska nýtist þeim í daglegu lífi. Klæðaburður er sannarlega fjölbreytt listform en við fáum að skyggnast inn í ólíka fataskápa og fræðast nánar um það merkilega tjáningarform sem tíska er fyrir hverjum og einum viðmælanda.

Hvað finnst þér skemmtilegast við tískuna?

Mér finnst skemmtilegast hvað hún getur verið fjölbreytt og hvað öll geta tjáð sig í gegnum tískuna.

Hver er uppáhalds flíkin þín og af hverju?

Burberry frakki sem amma mín átti og gaf mér svo. 

Hún keypti hann í Jersey árið 1983 og mér finnst heiður að fá klæðast honum öllum þessum árum seinna.
Burberry kápan sem er Júlíönu mjög kær.Aðsend

Eyðirðu miklum tíma í að velja föt hverju sinni?

Nei svo sem ekki dags daglega en þegar ég er að fara eitthvert sérstakt þá tek ég mér alveg góðan tíma. Þá er ég oftast búin að búa til outfit í hausnum og prófa það síðan. Ef það kemur ekki eins vel út og ég hafði ímyndað mér þá prófa ég mig bara áfram þangað til ég er sátt.

Hvernig myndirðu lýsa stílnum þínum?

Ég hef alltaf verið tomboy og klætt mig í samræmi við það en svo á ég það til að vera algjör skvísa um helgar. Ég myndi segja að stíllinn minn sé svona streetwear og alltaf frekar kósí vibes.

Hefur stíllinn þinn breyst mikið í gegnum tíðina og hvernig þá?

Tomboy stíllinn hefur alltaf haldið sér en ég hef þó með aldrinum orðið meiri skvísa og nennt meira að hafa mig til.

Hvaðan sækirðu innblástur í tískunni?

Bara héðan og þaðan. 

Ef ég sé einhvern í geggjuðu outfit-i þá hrósa ég oftast viðkomandi og legg svo ósjálfrátt á minnið hvernig stíllinn er. 

Mér finnst líka gaman að skoða Pinterest og er svo að fylgja fólki á Instagram sem mér finnst vera með flottan fatastíl, eins og Ava Black.

Ertu með einhver boð og bönn þegar það kemur að klæðaburði?

Það sem mér finnst skipta mestu máli er að mér líði vel í fötunum mínum, að þau passi á mig en ekki að ég reyni að passa í þau.

Hver er eftirminnilegasta flík sem þú hefur klæðst og af hverju?

Það mun vera rauður faux fur pels sem ég átti. Hann var stór og mikill og dró að sér mikla athygli. Ég á mjög erfitt með rauðan lit en einhverra hluta vegna leið mér bara vel í þessum pels og notaði hann mikið á tímabili.

Býrðu yfir einhverju góðu ráði þegar það kemur að tísku?

Vertu í fötum sem láta þér líða vel. Ef þér líður ekki vel í flíkinni þá berðu þig ekki eins vel og þú gætir gert og þá nærðu ekki að shine like the star you are.


Tengdar fréttir

Elskar að prófa sig áfram í tískunni

Ljósmyndarinn, áhrifavaldurinn og lífskúnstnerinn Stefán John Turner lítur á tískuna sem list en hann hefur mikinn áhuga á klæðaburði. Hann hugsar alltaf um heildar lúkkið þegar hann verslar og eyðir ekki miklum tíma í að velja föt hverju sinni þar sem hann segir það stundum koma best út að klæða sig í flýti. Stefán John Turner er viðmælandi vikunnar í Tískutali.

Keypti sér kjól eftir nánast hverja vakt

Rósa María Árnadóttir er fagurkeri og lífskúnstner sem elskar tjáningarformið sem tískan býr yfir. Hún passar sig að elta ekki allar tískubylgjur heldur fylgja sínu eigin innsæi og sínum stíl og segir áhugann á tísku líklega koma frá móður sinni, sem er mikil smekkkona. Rósa María er viðmælandi vikunnar í Tískutali.

„Tíska er list í lifandi formi“

Karítas Spano stundar nám við fatahönnun í Listaháskóla Íslands og vinnur sem sjálfstætt starfandi stílisti. Fatnaður er hennar helsta tjáningarform en hún býr yfir einkennandi persónulegum stíl sem hún er óhrædd við að þróa. Karítas Spano er viðmælandi vikunnar í Tískutali.

Ágætis staðfesting að fá hrós frá Virgil Abloh

Bergur Guðnason er þrítugur fatahönnuður sem hefur komið víða að í heimi tískunnar. Bergur útskrifaðist úr LHÍ árið 2017, bjó um stund í París þar sem hann starfaði fyrir tískuhús á borð við Haider Ackermann og Acne Studios og hannaði þar flíkur fyrir tískupalla sem fóru í sölu síðar meir. Hann starfar nú hjá 66 norður og er meðal annars að hanna sérstakar línur fyrir væntanlega verslun fyrirtækisins í Bretlandi. Bergur Guðna er viðmælandi vikunnar í Tískutali.

„Mér finnst fötin ekki skapa manninn heldur öfugt“

Það má með sanni segja að tískan einkenni líf og tilveru fatahönnuðarins Sædísar Ýrar en hún hefur vakið athygli fyrir litadýrð, glans og gleði í fatalínu sinni By Sædís Ýr. Hún hvetur fólk til að vera óhrætt við að finna sinn eigin stíl og fylgja sínu en það sem hún elskar mest við tískuna er hvað hún er fjölbreytt. Sædís Ýr er viðmælandi vikunnar í Tískutali.

„Finnst lítið spennandi að fara í jakkaföt og skyrtu“

Förðunarfræðingurinn Ísak Freyr Helgason hefur starfað innan tískuheimsins í langan tíma og farðað hinar ýmsu stórstjörnur, á borð við Íslandsvinkonuna Katy Perry og Dua Lipa. Hann elskar hvað tískan er breytileg og hefur farið í gegnum ólík tímabil í klæðaburði en hallast núna að andro stíl og hefur alltaf verið hrifinn af litum og munstrum. Ísak Freyr er viðmælandi vikunnar í Tískutali.

„Rokkstjörnustælar og bling“

Litagleði, gelluvíbrur og rokkstjörnu stælar einkenna Júlíu Grönvaldt, sem starfar sem listrænn stjórnandi og stílisti við fjölbreytt verkefni tengd tísku, menningu og listum. Hún lærði tískumiðlun í Flórens á Ítalíu en flutti heim eftir námið til að vinna sem sjálfstætt starfandi og elskar að geta notað ástríðu sína á tísku í starfi. Júlía er viðmælandi vikunnar í Tískutali.

„Munur á því að fá innblástur og að stela hugmyndum annarra“

Diana Rós Hanh Breckmann er sjálfstætt starfandi tískustílisti sem hefur alltaf leyft sér að prófa og þróa alls konar stíla. Hún velur sér föt samkvæmt skapi og stemningu og er hrifin af austur asíska götustílnum í bland við metal fíling. Diana Rós er viðmælandi vikunnar í Tískutali.

Í of áberandi kjól fyrir Versali

Brynja Kúla Guðmundsdóttir er óhrædd við að fara eigin leiðir í fatavali og lýsir stíl sínum sem áberandi og litríkum. Hún segir ónauðsynlegt að takmarka sig við einhvern einn stíl og að engar reglur gildi í leik tískunnar. Brynja Kúla er viðmælandi vikunnar í Tískutali.

„Smitandi þegar fólk er ánægt með klæðaburðinn sinn“

Elma Dís Árnadóttir finnur fyrir mikilli hamingju þegar hún klæðist litríkum og glitrandi flíkum og segir stílinn sinn hafa þróast með sér í gegnum árin. Henni finnst mikilvægast að fólk sé samkvæmt sjálfu sér í klæðaburði og elskar að sjá það klæða sig eins og þeim sjálfum finnst flott. Elma Dís er viðmælandi vikunnar í Tískutali.

„Fyrir mig er þetta hugarleikfimi“

Ármann Reynisson er mikill lífskúnstner sem hefur bæði áhuga og þekkingu á tísku og klæðaburði og segir góða hugarleikfimi að setja saman flíkur fyrir hin ýmsu tilefni. Ármann hefur ferðast víða um heiminn og skrifað tuttugu og tvær vinjettubækur en í október næstkomandi kemur tuttugasta og önnur bókin út. Hann hefur gaman að því að klæða sig upp fyrir hin ýmsu tilefni, er alltaf snyrtilegur til fara og samkvæmur sjálfum sér. Hann bjó um tíma í London þar sem hann lagði stund á viðskiptanám og segir menningarlíf borgarinnar ekki hafa verið síðri lærdóm. Ármann Reynisson bauð blaðamanni í kaffi og veitti innsýn í fataskáp sinn sem býr yfir fataúrvali sem spannar um fjörutíu ár. Hann er viðmælandi vikunnar í Tískutali.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.